ਅਹਿਮਦਗੜ੍ਹ, 22 ਸਤੰਬਰ (ਸੁਖਜੀਤ ਸਿੰਘ ਖੇੜਾ) - ਗੁਰਮਤਿ ਸੇਵਾ ਸੁਸਾਇਟੀ ਹੈੱਡ ਆਫ਼ਿਸ ਨਿਰਮਲ ਆਸ਼ਰਮ ਜੰਡਾਲੀ ਵਿਖੇ ਅੱਜ ਲੁਧਿਆਣਾ ਤੋਂ ਲੇਖਕ ਪਰਮਜੀਤ ਸਿੰਘ 'ਸੁਚਿੰਤਨ' ਪਹੁੰਚੇ | ਇਸ ਦੌਰਾਨ ਉਨ੍ਹਾਂ ਸੰਸਥਾ ਦੇ ਮੁੱਖ ਸੇਵਾਦਾਰ ਗਿਆਨੀ ਗਗਨਦੀਪ ਸਿੰਘ ਨਿਰਮਲੇ ਜੰਡਾਲ਼ੀ ਵਾਲ਼ਿਆਂ ਨਾਲ ਉਚੇਚੇ ਤੌਰ 'ਤੇ ਮੁਲਾਕਾਤ ਕੀਤੀ ਜਿਸ ਦੌਰਾਨ ਸੰਸਥਾ ਦੀ ਲਾਇਬ੍ਰੇਰੀ ਵਾਸਤੇ 6 ਬਾਕਸ (50 ਸੈੱਟ) ਕਿਤਾਬਾਂ ਦੇ ਭੇਟ ਕੀਤੇ ਗਏ | ਜਿਨ੍ਹਾਂ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ-ਇੱਕ ਸੰਖੇਪ ਜਾਣ-ਪਛਾਣ (ਹਿੰਦੀ), ਇੰਝ ਕਰੀਏ ਬੱਚਿਆਂ ਦੀ ਪਰਵਰਿਸ਼, ਸੰਘਣੀ ਛਾਂ (ਪੰਜਾਬੀ), ਸੰਘਣੀ ਛਾਂ (ਹਿੰਦੀ), ਜੀਵਨ ਬਿ੍ਤਾਂਤ-ਬਾਬਾ ਬੁੱਢਾ ਸਾਹਿਬ ਜੀ, ਜਗਤ ਗੁਰੁ ਬਾਬਾ (ਪੰਜਾਬੀ), ਜਗਤ ਗੁਰੁ ਬਾਬਾ (ਹਿੰਦੀ), ਚਾਰ ਸਾਹਿਬਜ਼ਾਦੇ, ਦ ਲਿਵਿੰਗ ਗੁਰੂ, ਧਰਮ ਦੀ ਚਾਦਰ, ਭਗਤ ਕਬੀਰ ਜੀ, ਨਿਰਧਨ ਸਰਧਨ, ਗੁਰ ਮਿਲਿ ਚਜੁ ਅਚਾਰੁ ਸਿਖ, ਪ੍ਰਮੁੱਖ ਪੁਸਤਕਾਂ ਹਨ | ਗਿਆਨੀ ਗਗਨਦੀਪ ਸਿੰਘ ਵਲੋਂ ਪਰਮਜੀਤ ਸਿੰਘ 'ਸੁਚਿੰਤਨ' ਦਾ ਉਚੇਚੇ ਤੌਰ 'ਤੇ ਸਨਮਾਨ ਕੀਤਾ ਗਿਆ | ਉਨ੍ਹਾਂ ਦਸਿਆ ਕਿ ਕਿਤਾਬਾਂ ਸਾਡੇ ਜੀਵਨ ਦਾ ਅਹਿਮ ਅੰਗ ਹਨ | ਕਿਤਾਬਾਂ ਹੀ ਹਨ ਜੋ ਇਤਿਹਾਸ ਤੋਂ ਜਾਣੂ ਕਰਵਾਉਣ ਦਾ ਇਕ ਜਰੀਆ ਹਨ | ਉਨ੍ਹਾਂ ਆਖਿਆ ਕਿ ਪਰਮਜੀਤ ਸਿੰਘ ਦਾ ਇਹ ਉਪਰਾਲਾ ਸ਼ਲਾਘਾਯੋਗ ਹੈ |
