ਲਹਿਰਾਗਾਗਾ, 22 ਦਸੰਬਰ (ਅਸ਼ੋਕ ਗਰਗ)-ਸੀਬਾ ਇੰਟਰਨੈਸ਼ਨਲ ਪਬਲਿਕ ਸਕੂਲ, ਲਹਿਰਾਗਾਗਾ ਵਿਖੇ ਜੂਨੀਅਰ ਵਰਗ ਦਾ ਅੰਤਰ-ਹਾਊਸ ਆਮ-ਗਿਆਨ ਦਾ ਪਰਖ ਮੁਕਾਬਲਾ ਕਰਵਾਇਆ ਗਿਆ | ਇਸ ਅੰਤਰ-ਹਾਊਸ ਮੁਕਾਬਲੇ ਦੌਰਾਨ ਵਿਦਿਆਰਥੀਆਂ ਦੀ ਜਵਾਬਦੇਹੀ, ਆਤਮ ਵਿਸ਼ਵਾਸ ਅਤੇ ਗਿਆਨ ਉੱਪਰ ਪਕੜ ਨੇ ਸਾਹਮਣੇ ਬੈਠੇ ਵਿਦਿਆਰਥੀਆਂ ਨੂੰ ਅਨੰਦਿਤ ਕੀਤਾ | ਇਸ ਮੁਕਾਬਲੇ ਵਿਚ ਸੁਭਾਸ਼ ਚੰਦਰ ਹਾਊਸ ਦੇ ਹਰਸ਼ਦੀਪ ਸਿੰਘ, ਰੋਬਿਨ ਬਾਂਸਲ, ਇੰਦੂਪ੍ਰੀਤ ਕੌਰ 108 ਅੰਕਾਂ ਨਾਲ ਪਹਿਲੇ ਨੰਬਰ 'ਤੇ ਰਹੇ | ਭਗਤ ਪੂਰਨ ਸਿੰਘ ਹਾਊਸ ਦੇ ਗੁਰਸ਼ਬਦ ਸਿੰਘ, ਦਿਲਸ਼ਾਨ ਕੌਰ, ਅਭਿਜੋਤ ਸਿੰਘ, ਗੁਰਮਨ ਸਿੰਘ 86 ਅੰਕਾਂ ਨਾਲ ਦੂਸਰੇ ਨੰਬਰ 'ਤੇ ਅਤੇ ਰਾਣੀ ਝਾਂਸੀ ਹਾਊਸ ਦੇ ਨਵਿਆ, ਰਸਜੋਤ ਸਿੰਘ, ਤਹਿਜੀਬ ਇੰਦਰ ਕੌਰ, ਵੈਸ਼ੰਤ ਸਿੰਗਲਾ 75 ਅੰਕਾਂ ਨਾਲ ਤੀਸਰੇ ਸਥਾਨ 'ਤੇ ਰਿਹਾ | ਮੰਚ ਸੰਚਾਲਨ ਜਸਵਿੰਦਰ ਕੌਰ ਨੇ ਕੀਤਾ | ਸਕੂਲ ਪ੍ਰਬੰਧਕ ਕੰਵਲਜੀਤ ਸਿੰਘ ਢੀਂਡਸਾ, ਮੈਡਮ ਅਮਨ ਢੀਂਡਸਾ ਅਤੇ ਪਿ੍ੰਸੀਪਲ ਫਲੈਵੀ ਡੇਵਿਡ ਨੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ | ਇਸ ਮੌਕੇ ਸੁਭਾਸ਼ ਚੰਦ ਮਿੱਤਲ ਅਤੇ ਗੁਰਪਿੰਦਰ ਕੌਰ ਵੀ ਹਾਜ਼ਰ ਸਨ |
