ਫ਼ਾਜ਼ਿਲਕਾ, 19 ਅਕਤੂਬਰ (ਦਵਿੰਦਰ ਪਾਲ ਸਿੰਘ)- ਥਾਣਾ ਸਿਟੀ ਪੁਲਿਸ ਨੇ ਨਗਦੀ ਸਮੇਤ 7 ਜੁਆਰੀਆਂ ਨੂੰ ਕਾਬੂ ਕੀਤਾ ਹੈ | ਜਾਂਚ ਅਧਿਕਾਰੀ ਜਸਵੰਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਮੁਖ਼ਬਰ ਖ਼ਾਸ ਨੇ ਇਤਲਾਹ ਦਿੱਤੀ ਕਿ ਸੰਦੀਪ ਕੁਮਾਰ ਪੁੱਤਰ ਹੰਸ ਰਾਜ ਵਾਸੀ ਮਲਕਾਣਾ ਮੁਹੱਲਾ ਫ਼ਾਜ਼ਿਲਕਾ ਜੋ ਵਾਰ-ਵਾਰ ਜੁਰਮ ਕਰਨ ਦਾ ਆਦਿ ਹੈ ਜਿਸ 'ਤੇ ਪਹਿਲਾ ਵੀ ਮੁਕੱਦਮੇ ਦਰਜ ਹਨ ਜੋ ਆਪ ਖ਼ੁਦ ਜੁਆ ਖੇਡਦਾ ਹੈ ਤੇ ਹੋਰ ਲੋਕਾਂ ਵੀ ਆਪਣੀ ਸ਼ਹਿ 'ਤੇ ਸ਼ਰੇਆਮ ਤੇ ਲੁਕਵਾਂ ਹੋਰਾਂ ਲੋਕਾਂ ਨੂੰ ਜੂਆ ਖਿਡਾਉਂਦਾ ਹੈ ਜਿਸ ਨੇ ਅੱਜ ਵੀ ਸੰਦੀਪ ਕੁਮਾਰ ਪੁੱਤਰ ਹੰਸ ਰਾਜ, ਰਾਜਨ ਕੁਮਾਰ ਪੁੱਤਰ ਅਸ਼ਵਨੀ ਕੁਮਾਰ, ਸਾਜਨ ਕੁਮਾਰ ਪੁੱਤਰ ਅਸ਼ਵਨੀ ਕਟਾਰੀਆ, ਗੌਰਵ ਕੁਮਾਰ ਪੁੱਤਰ ਸਤੀਸ਼ ਕੁਮਾਰ, ਸੋਨੂੰ ਪੁੱਤਰ ਸੁਭਾਸ਼ ਵਾਸੀਆਨ ਮਲਕਾਣਾ ਮੁਹੱਲਾ ਫ਼ਾਜ਼ਿਲਕਾ, ਕਾਰਤਿਕ ਕੁਮਾਰ ਪੁੱਤਰ ਮੁਨੀਸ਼ ਕੁਮਾਰ, ਪ੍ਰਵੀਨ ਕੁਮਾਰ ਪੁੱਤਰ ਕੁੰਦਨ ਲਾਲ ਵਾਸੀ ਧੋਬੀ ਘਾਟ ਫ਼ਾਜ਼ਿਲਕਾ ਨੂੰ ਸ਼ਹਿ ਦੇ ਕੇ ਅੱਜ ਵੀ ਹੋਟਲ ਗੁਲਸ਼ਨ ਫ਼ਾਜ਼ਿਲਕਾ ਵਿਚ ਜੂਆ ਖਿਡਾ ਰਿਹਾ ਹੈ ਜਿਸ 'ਤੇ ਉਨ੍ਹਾਂ ਨੇ ਸਾਥੀ ਕਰਮਚਾਰੀਆਂ ਸਮੇਤ ਛਾਪੇਮਾਰੀ ਕਰਕੇ ਉਸ ਨੂੰ 14200 ਰੁਪਏ ਨਗਦੀ ਸਮੇਤ ਕਾਬੂ ਕਰ ਲਿਆ ਜਿਸ ਤੋਂ ਬਾਅਦ ਪੁਲਿਸ ਨੇ ਉਕਤ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
