ਜ਼ੀਰਾ, 23 ਅਕਤੂਬਰ (ਪ੍ਰਤਾਪ ਸਿੰਘ ਹੀਰਾ)- ਫ਼ਿਰੋਜ਼ਪੁਰ ਰੋਡ ਚੀਰਾ ਵਿਖੇ ਸਥਿਤ ਪੈਰਾਡਾਈਜ਼ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਜ਼ੀਰਾ ਵਿਖੇ ਦੀਵਾਲੀ ਮੌਕੇ ਇੰਟਰ ਹਾਊਸ ਰੰਗੋਲੀ ਮੁਕਾਬਲੇ ਕਰਵਾਏ ਗਏ | ਚੇਅਰਮੈਨ ਹਰਜੀਤ ਸਿੰਘ ਸਿੱਧੂ ਮੈਡਮ ਅਮਰਜੀਤ ਕੌਰ ਤੇ ਪਿ੍ੰਸੀਪਲ ਡਾ. ਅਵਿਨਾਸ਼ ਸਿੰਘ ਦੀ ਰਹਿਨੁਮਾਈ ਹੇਠ ਸਕੂਲ ਦੇ ਵਿਦਿਆਰਥੀਆਂ ਵਿਚਕਾਰ ਇੰਟਰ ਹਾਊਸ ਰੰਗੋਲੀ ਮੁਕਾਬਲੇ ਕਰਵਾਏ ਗਏ ਜਿਸ ਵਿਚ ਵੱਖ-ਵੱਖ ਹਾਊਸ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ | ਇਹਨਾਂ ਵਿਚ ਅਬਦੁਲ ਕਲਾਮ ਹਾਊਸ, ਜਵਾਹਰ ਲਾਲ ਨਹਿਰੂ ਹਾਊਸ, ਰਵਿੰਦਰ ਨਾਥ ਟੈਗੋਰ ਹਾਊਸ ਅਤੇ ਲਾਲ ਬਹਾਦਰ ਸ਼ਾਸਤਰੀ ਹਾਊਸ ਵਲੋਂ ਹਿੱਸਾ ਲਿਆ ਗਿਆ | ਇਨ੍ਹਾਂ ਮੁਕਾਬਲਾ ਵਿਚ ਹਾਊਸ ਮਾਸਟਰ ਰਿੰਕੂ ਸ਼ਰਮਾ, ਸ਼ਿਵਾਸੂ, ਮੁਜੀਬ, ਰਮਨ ਮਿਸ਼ਰਾ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ | ਦੀਵਾਲੀ ਦੇ ਤਿਉਹਾਰ ਨੂੰ ਮੁੱਖ ਰੱਖਦਿਆਂ ਹੋਇਆਂ ਵਿਦਿਆਰਥੀਆਂ ਨੇ ਰੰਗੋਲੀ ਵਿਚ ਦੀਵਾਲੀ ਦੇ ਤਿਉਹਾਰ ਦੀਆਂ ਕੁੱਝ ਝਲਕੀਆਂ ਪੇਸ਼ ਕੀਤੀਆਂ | ਜੱਜਮੈਂਟ ਦੀ ਭੂਮਿਕਾ ਅਧਿਆਪਕ ਮੈਡਮ ਪੋ੍ਰਮਿਲਾ, ਸੰਦੀਪ ਕੁਮਾਰ ਵਲੋਂ ਨਿਭਾਈ ਗਈ | ਇਸ ਦੌਰਾਨ ਐੱਚ.ਓ.ਡੀ. ਮੈਡਮ ਪਰਿਭਾਸ਼ਾ, ਮੈਡਮ ਮਧੂ, ਮੈਡਮ ਕਵਲਜੀਤ ਕੌਰ, ਮੈਡਮ ਸੰਧਿਆ ਮੈਡਮ ਸੁਸ਼ਮਾ, ਮੈਡਮ ਸੰਗੀਤਾ, ਮੈਡਮ ਮੋਨਿਕਾ, ਮੈਡਮ ਮਾਦਵੀ ਹਾਜ਼ਰ ਸਨ |