ਅਕਾਲੀ ਦਲ ਦੇ ਸਮਰਥਕਾਂ ਵਲੋਂ ਹਲਕੇ 'ਚ ਪੁੱਜਣ 'ਤੇ ਮਲੂਕਾ ਦਾ ਨਿੱਘਾ ਸਵਾਗਤ <br/>

ਭਗਤਾ ਭਾਈਕਾ ਵਿਖੇ ਪੁੱਜਣ ਮੌਕੇ ਸਾਬਕਾ ਕੈਬਨਿਟ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਦਾ ਸਵਾਗਤ ਕਰਦੇ ਹੋਏ ਰਾਕੇਸ਼ ਗੋਇਲ, ਗਗਨ ਗਰੇਵਾਲ ਸਮੇਤ ਅਕਾਲੀ ਸਮਰਥਕ | ਤਸਵੀਰ: ਸੁਖਪਾਲ ਸਿੰਘ ਸੋਨੀ <br/> 18-06-2025

ਭਗਤਾ ਭਾਈਕਾ, 17 ਜੂਨ (ਸੁਖਪਾਲ ਸਿੰਘ ਸੋਨੀ)-ਪੰਜਾਬ ਦੀ ਸਿਆਸਤ ਵਿਚ ਧੜੱਲੇਦਾਰ ਅਤੇ ਧਾਕੜ ਆਗੂ ਵਜੋਂ ਜਾਣੇ ਜਾਂਦੇ ਸਾਬਕਾ ਕੈਬਨਿਟ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਵਲੋਂ ਆਪਣੀ ਲੰਮੀ ਸਿਆਸੀ ਚੁੱਪ ਤੋੜਦੇ ਹੋਏ ਮੁੜ ਸ਼੍ਰੋਮਣੀ ਅਕਾਲੀ ਦਲ ਵਿਚ ਸਰਗਰਮੀਆਂ ਤੇਜ਼ ਕਰਨ ਦੇ ਫੈਸਲੇ ਨੇ ਸਿਆਸੀ ਖੇਤਰ ਵਿਚ ਨਵੀਂ ਚਰਚਾ ਛੇੜ ਦਿੱਤੀ ਹੈ | ਸ: ਮਲੂਕਾ ਦੀਆਂ ਸਰਗਰਮੀਆਂ ਨੂੰ ਲੈ ਸਿਆਸੀ ਖੇਮੇ ਵਿਚ ਚਰਚਾਵਾਂ ਚੱਲ ਰਹੀਆਂ ਹਨ | ਇਸੇ ਤਰ੍ਹਾਂ ਹੀ ਕੱਖੋਂ ਹੌਲੇ ਹੋਏ ਵਿਧਾਨ ਸਭਾ ਹਲਕੇ ਦੇ ਅਕਾਲੀ ਸਮੱਰਥਕਾਂ ਦਾ ਜੋਸ਼ ਹੁਣ ਦੇਖਣ ਵਾਲਾ ਹੈ | ਜਿੱਥੇ ਅਕਾਲੀ ਸਮੱਰਥਕਾਂ ਦੇ ਚੁਫੇਰੇ ਹੌਸਲੇ ਬੁਲੰਦ ਨਜਰ ਆਉਣ ਲੱਗੇ ਹਨ, ਉਥੇ ਵਿਰੋਧੀ ਖੇਮੇ ਵਿਚ ਖਾਮੋਸ਼ੀ ਦੇਖਣ ਨੂੰ ਮਿਲ ਰਹੀ ਹੈ | ਅੱਜ ਹਲਕੇ ਵਿਚ ਪੁਜਣ 'ਤੇ ਸਾਬਕਾ ਕੈਬਨਿਟ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਦਾ ਉਨ੍ਹਾਂ ਦੇ ਸਮੱਰਥਕਾਂ ਵਲੋਂ ਪਿੰਡਾਂ ਅੰਦਰ ਨਿੱਘਾ ਸਵਾਗਤ ਕੀਤਾ ਗਿਆ | ਸ: ਮਲੂਕਾ ਅੱਜ ਰਾਮਪੁਰਾ ਫੂਲ ਸ਼ਹਿਰ ਵਿਖੇ ਪਹੁੰਚਣ ਉਪਰੰਤ ਕਾਫਲੇ ਦੇ ਰੂਪ ਹਲਕਾ ਇੰਚਾਰਜ ਹਰਿੰਦਰ ਸਿੰਘ ਮਹਿਰਾਜ ਦੀ ਹਾਜ਼ਰੀ ਵਿਚ ਪਿੰਡਾਂ ਵਿਚੋਂ ਹੁੰਦੇ ਹੋਏ ਆਪਣੇ ਨਿਵਾਸ ਮਲੂਕਾ ਵਿਖੇ ਪਹੁੰਚੇ | ਕਾਫਲੇ ਦੌਰਾਨ ਸਮੱਰਥਕਾਂ ਵਲੋਂ ਸ. ਮਲੂਕਾ ਦੇ ਹੱਕ ਵਿਚ ਅਤੇ ਅਕਾਲੀ ਦਲ ਦੀ ਚੜ੍ਹਦੀ ਕਲਾਂ ਵਿਚ ਨਾਅਰੇਬਾਜ਼ੀ ਕੀਤੀ ਗਈ | ਸਥਾਨਕ ਸ਼ਹਿਰ ਵਿਖੇ ਪੁੱਜਣ ਤੇ ਬਰਨਾਲਾ ਰੋਡ ਉਪਰ ਸਥਿਤ ਸਾਬਕਾ ਪ੍ਰਧਾਨ ਰਾਮੇਸ਼ ਕੁਮਾਰ ਗੋਇਲ ਦੇ ਦਫ਼ਤਰ ਅੱਗੇ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ | ਇਸ ਮੌਕੇ ਸਮਰਥਕਾਂ ਵਲੋਂ ਲੱਡੂ ਵੰਡੇ ਗਏ ਅਤੇ ਪਟਾਕੇ ਚਲਾਏ ਗਏ | ਅੱਜ ਦੇ ਕਾਫਲੇ ਦੌਰਾਨ ਜਿਊਣ ਸਿੰਘ ਸੰਧੂ ਸੇਲਬਰਾਹ, ਮਾਰਕੀਟ ਕਮੇਟੀ ਭਗਤਾ ਦੇ ਸਾਬਕਾ ਚੇਅਰਮੈਨ ਗਗਨਦੀਪ ਸਿੰਘ ਗਰੇਵਾਲ, ਰਾਕੇਸ ਕੁਮਾਰ ਗੋਇਲ, ਮਨਜੀਤ ਸਿੰਘ ਧੁੰਨਾ ਪ੍ਰਧਾਨ ਬੀਸੀ ਵਿੰਗ, ਗੁਰਤੇਜ ਸਿੰਘ ਚਾਨੀ ਸਟੇਟ ਅਵਾਰਡੀ, ਕਰਮਜੀਤ ਸਿੰਘ ਕਾਂਗੜ, ਡਾ ਪਰਨੀਤ ਕੌਰ ਦਿਉਲ, ਡਾ ਬਲਜੀਤ ਸਿੰਘ ਦਿਉਲ, ਅਜਾਇਬ ਸਿੰਘ ਹਮੀਰਗੜ੍ਹ, ਗੁਰਪਾਲ ਸਿੰਘ ਢਿੱਲਵਾ, ਹਰਦੇਵ ਗੋਗੀ ਬਰਾੜ, ਅਮਨ ਬਰਾੜ ਬੁਰਜ ਲੱਧਾ, ਪਿੰਦਰ ਸਿੱਧੂ ਪ੍ਰਧਾਨ, ਸੁਖਜਿੰਦਰ ਖਾਨਦਾਨ, ਸੁਖਜਿੰਦਰ ਖਹਿਰਾ, ਜਸਪਾਲ ਵੜਿੰਗ, ਗੁਰਚਰਨ ਸਿੰਘ ਪੁਰੀ, ਹਰਜੀਤ ਸਿੰਘ ਮਲੂਕਾ, ਨਿਰਮਲ ਸਿੰਘ ਮਲੂਕਾ, ਸੁਭਾਸ ਚੰਦ ਮਹੇਸ਼ਵਰੀ, ਪਿੰਟੂ ਜਲਾਲ, ਗੁਰਬਚਨ ਕਲੇਰ, ਸਵਿੰਦਰ ਭੋਡੀਪੁਰਾ, ਰਘਵੀਰ ਖਾਨਾਪੱਤੀ, ਸੁਖਮੰਦਰ ਸਿੰਘ ਕੋਠਾ, ਨਾਇਬ ਸਿੰਘ ਹਮੀਰਗੜ੍ਹ, ਹਰਭਗਵਾਨ ਸਿੰਘ ਮੱਕੜ, ਰਣਧੀਰ ਧੀਰਾ ਭਗਤਾ, ਹਰਜੀਵਨ ਸਿੰਘ ਅÏਲਖ, ਗੁਰਚਰਨ ਪੁਰੀ, ਜਸਵਿੰਦਰ ਬਰਾੜ ਕੇਸਰ ਵਾਲਾ, ਦਲਜੀਤ ਸਿੰਘ ਮਸ਼ੀਨਾ ਵਾਲੇ, ਪੁਨੀਤਪਾਲ ਗੋਲੂ, ਮੁਖਤਿਆਰ ਸਿੰਘ ਅਕਾਲੀ, ਹਰਜਿੰਦਰ ਸਿੰਘ ਸਾਬਕਾ ਕੌਂਸਲਰ, ਬਲੌਰ ਸਿੰਘ ਕਾਂਗੜ, ਸੁਖਪ੍ਰੀਤ ਸਿੰਘ ਖਾਲਸਾ, ਨੋਨੀ ਅਰੋੜਾ, ਹੈਪੀ ਸੈਕਟਰੀ, ਸੇਮੀ ਭਾਈਰੂਪਾ, ਮੂੰਗਲਾ ਖੂਹ ਵਾਲਾ, ਠਾਣਾ ਸਿੰਘ ਪੰਨੂੰ, ਬੀਕੇ ਸੁਖਾਨੰਦ, ਹਰਦੇਵ ਸਿੰਘ ਕਿੰਗਰਾ, ਬਿੰਦਰ ਰਾਮੂੰਵਾਲਾ, ਬਿੱਟੂ ਖਾਨਦਾਨ, ਮਾ. ਲਾਲ ਸਿੰਘ, ਡਾ ਪੂਰਨ ਸਿੰਘ, ਕੇਵਲ ਕਿ੍ਸ਼ਨ ਜਲਾਲ ਵਾਲੇ, ਪਰਮਿੰਦਰ ਟੀਨਾ, ਪ੍ਰਵੀਨ ਮਹੇਸ਼ਵਰੀ, ਅਰਵਿੰਦ ਨਾਨੂੰ, ਸੁਰਿੰਦਰ ਭੁੱਟੋ, ਕਾਲਾ ਸਰਮਾਂ, ਮਨਪ੍ਰੀਤ ਸਿੰਘ ਖਾਲਸਾ, ਗੁਰਪ੍ਰੀਤ ਸਿੰਘ ਖਾਲਸਾ, ਮੰਦਰ ਸੁਰਜੀਤ ਨਗਰ, ਸੁਖਚੈਨ ਚੰਦ ਮੁੰਦਰੀ, ਸੁਖਮੰਦਰ ਸੁਰਜੀਤ ਨਗਰ, ਕੁਲਦੀਪ ਮਲੂਕਾ ਸਮੇਤ ਵੱਖ ਵੱਖ ਪਿੰਡਾਂ ਤੋਂ ਅਕਾਲੀ ਦਲ ਦੇ ਸਮਰਥਕਾਂ ਵਲੋਂ ਸ਼ਮੂਲੀਅਤ ਕੀਤੀ |

ਅਕਾਲੀ ਦਲ ਦੇ ਸਮਰਥਕਾਂ ਵਲੋਂ ਹਲਕੇ 'ਚ ਪੁੱਜਣ 'ਤੇ ਮਲੂਕਾ ਦਾ ਨਿੱਘਾ ਸਵਾਗਤ <br/>

Subscribers Only Story

ਸੰਬੰਧਿਤ ਖ਼ਬਰਾਂ