ਹੰਡਿਆਇਆ, 5 ਨਵੰਬਰ (ਗੁਰਜੀਤ ਸਿੰਘ ਖੱੁਡੀ)-ਹੰਡਿਆਇਆ ਵਿਖੇ ਐਜੂਕੇਟ ਪੰਜਾਬ ਪ੍ਰੋਜੈਕਟ ਵਲੋਂ ਇੰਚਾਰਜ ਸੁਖਵਿੰਦਰ ਸਿੰਘ ਭੂਰੇ ਦੀ ਅਗਵਾਈ ਵਿਚ ਕੈਂਪ ਲਗਾਇਆ ਗਿਆ | ਉਨ੍ਹਾਂ ਕਿਹਾ ਕਿ ਐਜੂਕੇਟ ਪ੍ਰੋਜੈਕਟ ਭਾਈ ਜਸਵਿੰਦਰ ਸਿੰਘ ਇੰਗਲੈਂਡ ਦੀ ਸਰਪ੍ਰਸਤੀ ਹੇਠ ਚੱਲ ਰਿਹਾ ਹੈ | ਉਨ੍ਹਾਂ ਦੀ ਅਗਵਾਈ ਵਿਚ ਪੰਜਾਬ 'ਚ ਹੜ੍ਹ ਪ੍ਰਭਾਵਿਤ 12 ਪਿੰਡਾਂ ਨੂੰ ਗੋਦ ਲੈ ਕੇ ਜ਼ਰੂਰਤਮੰਦ ਲੋਕਾਂ ਨੂੰ 5000 ਪ੍ਰਤੀ ਏਕੜ ਦੇ ਚੈਕ, ਡੀਜ਼ਲ ਤੇਲ, ਸਕੂਲਾਂ 'ਚ ਪੜ੍ਹਦੇ ਵਿਦਿਆਰਥੀਆਂ ਦੀਆਂ ਫ਼ੀਸਾਂ, ਰਾਸ਼ਨ, ਮੈਡੀਕਲ ਕਿੱਟਾਂ, ਕੱਪੜੇ ਵੰਡੇ ਗਏ | ਅਸੀਂ ਕੈਂਪ ਰਾਹੀਂ ਲੋਕਾਂ ਨੂੰ ਜਾਗਰੂਕ ਕਰ ਰਹੇ ਹਾਂ ਤੇ ਲੋੜਵੰਦ ਬੱਚਿਆਂ ਦੀਆਂ ਇਸ ਪ੍ਰੋਜੈਕਟ ਤਹਿਤ ਫ਼ੀਸਾਂ ਭਰੀਆਂ ਜਾਂਦੀਆਂ ਹਨ | ਇਸ ਸਮੇਂ ਭਾਈ ਸੱਤਪਾਲ ਸਿੰਘ ਫਰਵਾਹੀ, ਸਬਨਮਪੀਤ ਕੌਰ, ਪ੍ਰੀਆ, ਕੁਲਦੀਪ ਕੌਰ ਤੇ ਹਰਮਨਜੋਤ ਕੌਰ ਆਦਿ ਸ਼ਾਮਿਲ ਸਨ |
