ਜਲੰਧਰ, 17 ਜੂਨ (ਡਾ. ਜਤਿੰਦਰ ਸਾਬੀ)-ਬਾਸਕਿਟਬਾਲ ਦੇ ਮਾਲਦੀਵ 'ਚ ਕਰਵਾਏ ਜਾ ਰਹੇ ਕੁਆਲੀਫਾਈ ਜ਼ੋਨ ਦੇ ਮੁਕਾਬਲੇ 'ਚੋਂ ਭਾਰਤ ਦੀਆਂ ਅੰਡਰ-16 ਵਰਗ ਦੀਆਂ ਲੜਕੀਆਂ ਦੀ ਟੀਮ ਨੇ ਤਿੰਨ ਮੈਚ ਬੰਗਲਾਦੇਸ਼, ਮਾਲਦੀਵ ਤੇ ਸ਼੍ਰੀਲੰਕਾਂ ਦੀ ਟੀਮ ਨਾਲ ਖੇਡੇ ਤੇ ਤਿੰਨਾਂ ਮੈਚਾਂ 'ਚ ਜਿੱਤ ਹਾਸਲ ਕੀਤੀ | ਇਹ ਜਾਣਕਾਰੀ ਦਿੰਦੇ ਹੋਏ ਪੰਜਾਬ ਬਾਸਕਿਟਬਾਲ ਐਸੋਸੀਏਸ਼ਨ ਦੇ ਸਕੱਤਰ ਤੇਜਾ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਇਸ ਟੀਮ 'ਚ ਪੰਜਾਬ ਦੀ ਖਿਡਾਰਨ ਤਸ਼ਮੀਤ ਕੌਰ ਸ਼ਾਮਿਲ ਸੀ ਤੇ ਨਾਲ ਹੋ ਕੋਚ ਸਲੋਨੀ ਵੀ ਪੰਜਾਬ ਬਾਸਕਿਟਬਾਲ ਦੀ ਕੋਚ ਹੈ ਜੋ ਇਸ ਵੇਲੇ ਭਾਰਤੀ ਬਾਸਕਿਟਬਾਲ ਟੀਮ ਦੀ ਕੋਚ ਹੈ | ਜੇਤੂ ਟੀਮ ਦੀਆਂ ਖਿਡਾਰਨਾਂ ਨੂੰ ਪੰਜਾਬ ਬਾਸਕਿਟਬਾਲ ਐਸੋਸੀਏਸ਼ਨ ਦੇ ਪ੍ਰਧਾਨ ਸਾਬਕਾ ਡੀ.ਜੀ.ਪੀ. ਰਾਜਦੀਪ ਸਿੰਘ ਗਿੱਲ ਨੇ ਵਧਾਈ ਦਿੱਤੀ ਤੇ ਕੋਚ ਸਲੋਨੀ ਤੇ ਖਿਡਾਰਨ ਤਸ਼ਮੀਤ ਕੌਰ ਨੂੰ ਪੰਜਾਬ ਲਈ ਮਾਣ ਵਾਲੀ ਗੱਲ ਦੱਸਿਆ |
ਮਾਲਦੀਵ 'ਚ ਭਾਰਤ ਦੀ ਬਾਸਕਿਟਬਾਲ ਟੀਮ ਨੇ ਜਿੱਤਿਆ ਸੋਨ ਤਗਮਾ <br/>
ਭਾਰਤੀ ਬਾਸਕਿਟਬਾਲ ਟੀਮ ਦੀ ਕੋਚ ਸਲੋਨੀ ਤੇ ਪੰਜਾਬ ਦੀ ਖਿਡਾਰਨ ਤਸ਼ਮੀਤ ਕੌਰ ਆਪਣੇ ਜੇਤੂ ਤਗਮੇ ਨਾਲ | <br/>
18-06-2025
