ਸਾਲ ਪਹਿਲਾਂ ਜਾਰੀ ਹੋਈ ਮਹਿਲਾ ਟੀ-20 ਵਿਸ਼ਵ ਕੱਪ ਦੀ ਸਮਾਂ ਸਾਰਣੀ <br/>

ਅ

ਅਜੀਤ ਡੈਸਕ 19-06-2025

ਨਵੀਂ ਦਿੱਲੀ, 18 ਜੂਨ (ਇੰਟ.)-ਅਗਲੇ ਸਾਲ ਹੋਣ ਵਾਲੇ ਮਹਿਲਾ ਟੀ-20 ਵਿਸ਼ਵ ਕੱਪ ਦੇ ਸ਼ਡਿਊਲ ਦਾ ਐਲਾਨ ਹੋ ਗਿਆ ਹੈ ਤੇ ਭਾਰਤੀ ਟੀਮ ਆਪਣੀ ਮੁਹਿੰਮ ਆਪਣੀ ਕੱਟੜ ਵਿਰੋਧੀ ਟੀਮ ਪਾਕਿਸਤਾਨ ਵਿਰੁੱਧ ਸ਼ੁਰੂ ਕਰੇਗੀ | ਇਸ ਗਲੋਬਲ ਟੂਰਨਾਮੈਂਟ ਵਿਚ ਭਾਰਤ ਦਾ ਪਹਿਲਾ ਮੈਚ 14 ਜੂਨ ਨੂੰ ਐਜਬੈਸਟਨ ਵਿਖੇ ਖੇਡਿਆ ਜਾਵੇਗਾ | ਕਿ੍ਕਟ ਦੀ ਵਿਸ਼ਵ ਸੰਸਥਾ ਆਈ.ਸੀ.ਸੀ. ਤੇ ਮੇਜ਼ਬਾਨ ਇੰਗਲੈਂਡ ਅਤੇ ਵੇਲਜ਼ ਕਿ੍ਕਟ ਬੋਰਡ (ਈ.ਸੀ.ਬੀ.) ਨੇ ਬੁੱਧਵਾਰ ਨੂੰ ਆਪਣਾ ਪੂਰਾ ਸ਼ਡਿਊਲ ਜਾਰੀ ਕੀਤਾ | ਇਸ ਟੂਰਨਾਮੈਂਟ ਵਿਚ 12 ਟੀਮਾਂ ਹਿੱਸਾ ਲੈਣਗੀਆਂ | 24 ਦਿਨਾਂ ਦਾ ਮਹਿਲਾ ਟੀ-20 ਵਿਸ਼ਵ ਕੱਪ 12 ਜੂਨ ਤੋਂ 5 ਜੁਲਾਈ ਤੱਕ ਖੇਡਿਆ ਜਾਵੇਗਾ ਤੇ ਕੁੱਲ 33 ਮੈਚ ਹੋਣਗੇ ਤੇ ਇੰਗਲੈਂਡ ਦੇ ਸੱਤ ਸਥਾਨਾਂ 'ਤੇ ਖੇਡੇ ਜਾਣਗੇ | ਭਾਰਤ ਤੇ ਪਾਕਿਸਤਾਨ ਆਪਣੀ ਮੁਹਿੰਮ ਐਜਬੈਸਟਨ ਵਿਖੇ ਸ਼ੁਰੂ ਕਰਨਗੇ, ਜਦੋਂ ਕਿ ਟੂਰਨਾਮੈਂਟ ਦਾ ਪਹਿਲਾ ਮੈਚ 12 ਜੂਨ ਨੂੰ ਮੇਜ਼ਬਾਨ ਇੰਗਲੈਂਡ ਅਤੇ ਸ਼੍ਰੀਲੰਕਾ ਵਿਚਕਾਰ ਖੇਡਿਆ ਜਾਵੇਗਾ | ਦੋ ਸੈਮੀਫਾਈਨਲ 30 ਜੂਨ ਤੇ 2 ਜੁਲਾਈ ਨੂੰ ਓਵਲ ਵਿਖੇ ਹੋਣਗੇ, ਜਦੋਂ ਕਿ ਫਾਈਨਲ 5 ਜੁਲਾਈ ਨੂੰ ਲਾਰਡਸ ਵਿਖੇ ਹੋਵੇਗਾ |
ਛੇ ਟੀਮਾਂ ਵਾਲੇ ਦੋ ਗਰੁੱਪ
ਟੂਰਨਾਮੈਂਟ ਵਿਚ ਹਿੱਸਾ ਲੈਣ ਵਾਲੀਆਂ 12 ਟੀਮਾਂ ਨੂੰ ਛੇ-ਛੇ ਟੀਮਾਂ ਦੇ ਦੋ ਗਰੁੱਪਾਂ ਵਿਚ ਰੱਖਿਆ ਗਿਆ ਹੈ | ਗਰੁੱਪ ਇਕ ਵਿਚ ਛੇ ਵਾਰ ਦੀ ਜੇਤੂ ਆਸਟ੍ਰੇਲੀਆ, ਆਖਰੀ ਪੜਾਅ ਦੀ ਉੱਪ ਜੇਤੂ ਦੱਖਣੀ ਅਫਰੀਕਾ, ਭਾਰਤ, ਪਾਕਿਸਤਾਨ ਤੇ ਦੋ ਕੁਆਲੀਫਾਈ ਕਰਨ ਵਾਲੀਆਂ ਟੀਮਾਂ ਸ਼ਾਮਿਲ ਹਨ | ਗਰੁੱਪ ਦੋ ਵਿਚ ਮੌਜੂਦਾ ਚੈਂਪੀਅਨ ਨਿਊਜ਼ੀਲੈਂਡ, ਵੈਸਟਇੰਡੀਜ਼, ਸ਼੍ਰੀਲੰਕਾ, ਮੇਜ਼ਬਾਨ ਇੰਗਲੈਂਡ ਤੇ ਦੋ ਕੁਆਲੀਫਾਈ ਕਰਨ ਵਾਲੀਆਂ ਟੀਮਾਂ ਸ਼ਾਮਿਲ ਹਨ |
ਭਾਰਤ ਦੇ ਮੈਚ
ਪਾਕਿਸਤਾਨ ਵਿਰੁੱਧ ਆਪਣੇ ਸ਼ੁਰੂਆਤੀ ਮੈਚ ਤੋਂ ਬਾਅਦ, ਭਾਰਤੀ ਟੀਮ 17 ਜੂਨ ਨੂੰ ਕੁਆਲੀਫਾਈ ਕਰਨ ਵਾਲੀ ਟੀਮ ਵਿਰੁੱਧ ਆਪਣੇ ਮੈਚ ਲਈ ਹੈਡਿੰਗਲੇ ਜਾਵੇਗੀ ਤੇ ਉਸ ਤੋਂ ਬਾਅਦ ਟੀਮ 21 ਜੂਨ ਨੂੰ ਓਲਡ ਟ੍ਰੈਫੋਰਡ ਵਿਖੇ ਦੱਖਣੀ ਅਫਰੀਕਾ ਨਾਲ ਭਿੜੇਗੀ | ਭਾਰਤ 25 ਜੂਨ ਨੂੰ ਓਲਡ ਟ੍ਰੈਫੋਰਡ ਵਿਖੇ ਗਰੁੱਪ ਏ ਦੀ ਦੂਜੀ ਕੁਆਲੀਫਾਈ ਕਰਨ ਵਾਲੀ ਟੀਮ ਨਾਲ ਭਿੜੇਗਾ, ਜਦੋਂ ਕਿ ਉਨ੍ਹਾਂ ਦਾ ਸਭ ਤੋਂ ਔਖਾ ਮੈਚ 28 ਜੂਨ ਨੂੰ ਆਸਟ੍ਰੇਲੀਆ ਵਿਰੁੱਧ ਹੋਵੇਗਾ |

ਪਿਛਲੀ ਖ਼ਬਰ ਗ੍ਰੇਵਜ਼ੈਂਡ ਕਬੱਡੀ ਕਲੱਬ ਵਲੋਂ ਦਵਿੰਦਰ ਸਿੰਘ ਪਤਾਰਾ ਤੇ ਖੁਸ਼ੀ ਦੁੱਗਾ ਦਾ ਸੋਨ ਤਗਮੇ ਨਾਲ ਸਨਮਾਨ <br/> ਅਗਲੀ ਖ਼ਬਰ ਭਾਰਤ ਤੇ ਇੰਗਲੈਂਡ ਵਿਚਕਾਰ ਟੈਸਟ ਮੈਚ ਕੱਲ੍ਹ ਤੋਂ