ਲੰਡਨ, 18 ਜੂਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਪੰਜਾਬੀ ਸਾਹਿਤ ਤੇ ਕਲਾ ਨੂੰ ਸਮਰਪਿਤ ਸੰਸਥਾ 'ਏਸ਼ੀਅਨ ਲਿਟਰੇਰੀ ਐਂਡ ਕਲਚਰਲ ਫੋਰਮ ਯੂ.ਕੇ.' ਵਲੋਂ ਲੰਡਨ (ਸਾਊਥਾਲ) ਵਿਚ 19 ਤੇ 20 ਜੁਲਾਈ ਨੂੰ ਹੋ ਰਹੇ ਦੂਸਰੇ ਅੰਤਰਰਾਸ਼ਟਰੀ ਅਦਬੀ ਮੇਲੇ ਦਾ ਪੋਸਟਰ ਜਾਰੀ ਕੀਤਾ ਗਿਆ | ਮੀਟਿੰਗ ਦੌਰਾਨ ਸਮਾਗਮ ਸਬੰਧੀ ਵਿਚਾਰਾਂ ਹੋਈਆਂ ਤੇ ਇਸ ਨੂੰ ਹਰ ਪੱਖੋਂ ਕਾਮਯਾਬੀ ਤੱਕ ਲੈ ਜਾਣ ਬਾਰੇ ਸੁਝਾਅ ਸਾਂਝੇ ਕੀਤੇ ਗਏ | ਇਸ ਅੰਤਰਰਾਸ਼ਟਰੀ ਅਦਬੀ ਮੇਲੇ ਵਿਚ ਦੁਨੀਆਂ-ਭਰ ਤੋਂ ਪੰਜਸਾਬੀ ਬੋਲੀ ਦੇ ਹਿਤੈਸ਼ੀ ਸਾਹਿਤਕਾਰ ਤੇ ਕਲਾਕਾਰ ਸ਼ਾਮਿਲ ਹੁੰਦੇ ਹਨ | ਅਦਬੀ ਮੇਲੇ ਦੇ ਮੁੱਖ ਪ੍ਰਬੰਧਕ ਅਜ਼ੀਮ ਸ਼ੇਖਰ ਤੇ ਰਾਜਿੰਦਰਜੀਤ ਨੇ ਵਿਸਥਾਰਪੂਰਵਕ ਰੂਪ-ਰੇਖਾ ਸਾਂਝੀ ਕੀਤੀ | ਇਸ ਮੌਕੇ ਮਹਿੰਦਰਪਾਲ ਧਾਲੀਵਾਲ, ਨੁਜ਼ਹਤ ਅੱਬਾਸ, ਮਨਜੀਤ ਕੌਰ ਪੱਡਾ, ਪਰਮਜੀਤ ਸੰਧਾਵਾਲੀਆ, ਪਰਮਿੰਦਰ ਹਾਰਫੋਰਡ, ਦਲਵੀਰ ਕੌਰ, ਰਾਜਿੰਦਰ ਕੌਰ, ਰਾਜਦੀਪ, ਹਰਜਿੰਦਰ ਕੌਰ, ਆਬੀਰ ਬੁੱਟਰ, ਦਰਸ਼ਨ ਢਿੱਲੋਂ, ਜਸਵਿੰਦਰ ਰੱਤੀਆਂ, ਗੁਰਨਾਮ ਗਰੇਵਾਲ਼, ਮਹਿੰਦਰ ਕੌਰ ਮਿੱਢਾ, ਰਘਬੀਰ ਸੰਧਾਵਾਲੀਆ, ਬਲਵਿੰਦਰ ਸਹੋਤਾ, ਰੁਪਿੰਦਰ ਗਿੱਲ, ਸ਼ਿਵਦੀਪ ਕੌਰ ਢੇਸੀ ਆਦਿ ਸ਼ਾਮਲ ਹੋਏ |
