ਸਾਹਿਤ ਅਕਾਦਮੀ ਦੁਆਰਾ ਵਿਦਿਆ ਨਿਵਾਸ ਮਿਸ਼ਰਾ ਜਨਮ ਸ਼ਤਾਬਦੀ ਮੌਕੇ ਆਯੋਜਿਤ ਦੋ ਰੋਜ਼ਾ ਸੈਮੀਨਾਰ ਸਮਾਪਤ

ਅ

ਅਜੀਤ ਡੈਸਕ 21-06-2025

ਨਵੀਂ ਦਿੱਲੀ, 20 ਜੂਨ (ਮਿਸਰਦੀਪ ਭਾਟੀਆ)- ਸਾਹਿਤ ਅਕਾਦਮੀ ਵਲੋਂ ਵਿਦਿਆ ਨਿਵਾਸ ਮਿਸ਼ਰਾ ਦੀ ਜਨਮ ਸ਼ਤਾਬਦੀ ਦੇ ਮੌਕੇ 'ਤੇ ਆਯੋਜਿਤ ਦੋ ਰੋਜ਼ਾ ਸੈਮੀਨਾਰ ਸਮਾਪਤ ਹੋ ਗਿਆ | ਪਹਿਲੇ ਸੈਸ਼ਨ ਦਾ ਵਿਸ਼ਾ ਸੀ- 'ਵਿਦਿਆ ਨਿਵਾਸ ਮਿਸ਼ਰਾ ਦਾ ਕਲਾ ਚਿੰਤਨ' ਜੋ ਨਰਮਦਾ ਪ੍ਰਸਾਦ ਉਪਾਧਿਆਏ ਦੀ ਪ੍ਰਧਾਨਗੀ ਹੇਠ ਹੋਇਆ ਸੀ | ਇਸ ਵਿਚ ਮਾਧਵ ਹਾਂਡਾ ਅਤੇ ਜਿਉਤਿਸ਼ ਜੋਸ਼ੀ ਨੇ ਆਪਣੇ ਵਿਚਾਰ ਪ੍ਰਗਟ ਕੀਤੇ | ਸ੍ਰੀ ਜੋਸ਼ੀ ਨੇ ਕਿਹਾ ਕਿ ਵਿਦਿਆ ਨਿਵਾਸ ਮਿਸ਼ਰਾ ਦੀ ਕਲਾ ਦਿ੍ਸ਼ਟੀ ਬਹੁਤ ਵਿਸ਼ਾਲ ਅਤੇ ਵਿਲੱਖਣ ਸੀ | ਉਨ੍ਹਾਂ ਨੇ ਆਪਣੇ ਵਿਸ਼ਲੇਸ਼ਣ ਵਿਚ ਰਵਾਇਤੀ ਕਲਾ ਦਿ੍ਸ਼ਟੀ ਦਾ ਪੱਖ ਪੂਰਿਆ | ਮਾਧਵ ਹਾਂਡਾ ਨੇ ਕਿਹਾ ਕਿ ਭਾਰਤੀ ਕਲਾ ਮਿਥਿਹਾਸ 'ਤੇ ਨਿਰਭਰ ਹੈ ਅਤੇ ਇਹ ਬਦਲਦੀ ਰਹਿੰਦੀ ਹੈ | ਆਪਣੇ ਪ੍ਰਧਾਨਗੀ ਭਾਸ਼ਨ ਵਿਚ ਨਰਮਦਾ ਪ੍ਰਸਾਦ ਉਪਾਧਿਆਏ ਨੇ ਕਿਹਾ ਕਿ ਵਿਦਿਆ ਨਿਵਾਸ ਮਿਸ਼ਰਾ ਜੀ ਭਾਰਤੀ ਕਲਾ ਦੇ ਜੀਵੰਤ ਸਮਰਥਕ ਸਨ | ਉਹ ਜੀਵਨ ਅਤੇ ਕਲਾ ਨੂੰ ਇਕ-ਦੂਜੇ ਤੋਂ ਵੱਖ ਨਹੀਂ ਸਮਝਦੇ ਸਨ | ਉਹ ਕਲਾ ਵਿਚ ਇੰਨੇ ਰੁੱਝੇ ਹੋਏ ਸਨ ਕਿ ਕਲਾ ਖੁਦ ਉਨ੍ਹਾਂ ਵਿਚ ਮੂਰਤੀਮਾਨ ਹੋ ਗਈ ਸੀ | ਅਗਲਾ ਸੈਸ਼ਨ ਭਾਰਤੀ ਪਰੰਪਰਾ ਦੇ ਵਾਹਕ ਵਿਦਿਆ ਨਿਵਾਸ ਮਿਸ਼ਰਾ 'ਤੇ ਕੇਂਦਰਿਤ ਸੀ, ਜੋ ਕਿ ਨੰਦ ਕਿਸ਼ੋਰ ਅਚਾਰੀਆ ਦੀ ਪ੍ਰਧਾਨਗੀ ਹੇਠ ਆਯੋਜਿਤ ਕੀਤਾ ਗਿਆ ਸੀ ਅਤੇ ਇਸ ਵਿਚ ਚਿਤਰੰਜਨ ਮਿਸ਼ਰਾ, ਰਾਧਾਵੱਲਭ ਤਿ੍ਪਾਠੀ ਅਤੇ ਵਾਗੀਸ਼ ਸ਼ੁਕਲਾ ਨੇ ਆਪਣੇ-ਆਪਣੇ ਪੇਪਰ ਪੇਸ਼ ਕੀਤੇ | ਵਾਗੀਸ਼ ਸ਼ੁਕਲਾ ਜੋ ਆਨਲਾਈਨ ਸ਼ਾਮਿਲ ਹੋਏ ਸਨ, ਨੇ ਕਿਹਾ ਕਿ ਵਿਦਿਆ ਨਿਵਾਸ ਮਿਸ਼ਰਾ ਸੰਸਕ੍ਰਿਤ ਵਿਦਵਾਨ ਹੋਣ ਦੇ ਬਾਵਜੂਦ ਪੱਛਮੀ ਸੰਕਲਪਾਂ ਦੇ ਗਹਿਰੇ ਵਿਦਵਾਨ ਸਨ |
ਰਾਮਦੇਵ ਸ਼ੁਕਲਾ ਦੀ ਪ੍ਰਧਾਨਗੀ ਹੇਠ ਅੰਤਿਮ ਸੈਸ਼ਨ ਹੋਇਆ ਜਿਸ ਵਿਚ ਵਿਦਿਆ ਨਿਵਾਸ ਮਿਸ਼ਰਾ ਦੇ ਲੋਕ ਸੱਭਿਆਚਾਰ ਅਤੇ ਆਲੋਚਨਾ ਸਾਹਿਤ 'ਤੇ ਸੁਰਿੰਦਰ ਦੁਬੇ, ਕ੍ਰਿਸ਼ਨ ਕੁਮਾਰ ਸਿੰਘ, ਵਿਦਿਆ ਬਿੰਦੂ ਸਿੰਘ ਅਤੇ ਅਨੁਰਾਧਾ ਗੁਪਤਾ ਨੇ ਆਪਣੇ-ਆਪਣੇ ਪੇਪਰ ਪੇਸ਼ ਕੀਤੇ |

ਪਿਛਲੀ ਖ਼ਬਰ ਦਿੱਲੀ ਮੈਟਰੋ ਦੇ ਕੋਚ ਵਿਚ ਸੱਪ ਦਾਖ਼ਲ ਹੋਇਆ ਅਗਲੀ ਖ਼ਬਰ ਦਿੱਲੀ ਵਿਧਾਨ ਸਭਾ ਕੰਪਲੈਕਸ ਵਿਚ ਗੁਰਮੁਖ ਨਿਹਾਲ ਸਿੰਘ ਦੀ ਫੋਟੋ ਲਗਾਈ ਜਾਵੇ -ਤਰਲੋਚਨ ਸਿੰਘ, ਸਾਬਕਾ ਸੰਸਦ ਮੈਂਬਰ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸਾਹਿਤ ਅਕਾਦਮੀ ਦੁਆਰਾ ਵਿਦਿਆ ਨਿਵਾਸ ਮਿਸ਼ਰਾ ਜਨਮ ਸ਼ਤਾਬਦੀ ਮੌਕੇ ਆਯੋਜਿਤ ਦੋ ਰੋਜ਼ਾ ਸੈਮੀਨਾਰ ਸਮਾਪਤ

Subscribers Only Story

ਸੰਬੰਧਿਤ ਖ਼ਬਰਾਂ