18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 22-06-2025

ਅਧਿਕਾਰੀਆਂ ਨੂੰ ਯਮੁਨਾ ਨਦੀ 'ਚ ਪ੍ਰਦੂਸ਼ਿਤ ਪਾਣੀ ਨੂੰ ਰੋਕਣ ਲਈ ਯੋਜਨਾ ਤਿਆਰ ਕਰਨੀ ਚਾਹੀਦੀ ਹੈ, ਪਾਣੀ 'ਚ ਜ਼ਹਿਰ ਮਿਲਾਉਣਾ ਆਉਣ ਵਾਲੀਆਂ ਪੀੜ੍ਹੀਆਂ ਨਾਲ ਬੇਇਨਸਾਫ਼ੀ ਹੈ-ਐੱਮ.ਪੀ. ਨਵੀਨ ਜਿੰਦਲ

ਗੱਲਬਾਤ ਕਰਦਿਆਂ ਹੋਏ ਐਮ.ਪੀ. ਨਵੀਨ ਜਿੰਦਲ | ਤਸਵੀਰ : ਓ.ਪੀ. ਸੈਣੀ <br/> 22-06-2025
ਗੂਹਲਾ/ਚੀਕਾ, 21 ਜੂਨ (ਓ.ਪੀ.ਸੈਣੀ)-ਐਮ.ਪੀ. ਨਵੀਨ ਜਿੰਦਲ ਨੇ ਕਿਹਾ ਕਿ ਪ੍ਰਸਾਸ਼ਨਿਕ ਅਧਿਕਾਰੀਆਂ ਨੂੰ ਯਮੁਨਾ ਨਦੀ ਵਿਚ ਪ੍ਰਦੂਸ਼ਿਤ ਪਾਣੀ ਨੂੰ ਰੋਕਣ ਲਈ ਯੋਜਨਾ ਤਿਆਰ ਕਰਨੀ ਚਾਹੀਦੀ ਹੈ | ਉਹ ਇਸ ਯੋਜਨਾ ਨੂੰ ਕੇਂਦਰ ਅਤੇ ਰਾਜ ਸਰਕਾਰ ਤੋਂ ਮਨਜ਼ੂਰੀ ਦਿਵਾਉਣ ਲਈ ਕੋਈ ਕਸਰ ਨਹੀਂ ਛੱਡਣਗੇ | ਜਿੰਦਲ ਰਾਦੌਰ ਵਿਚ ਸਿੰਚਾਈ ਵਿਭਾਗ ਦੇ ਰੈਸਟ ਹਾਊਸ ਵਿਚ ਆਮ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣ ਰਹੇ ਸਨ | ਉਨ੍ਹਾਂ ਸਿੰਚਾਈ ਵਿਭਾਗ ਦੇ ਜੇ.ਈ. ਅਤੇ ਐੱਸ.ਡੀ.ਐਮ. ਨੂੰ ਹਦਾਇਤ ਕੀਤੀ ਕਿ ਉਹ ਮੌਕੇ 'ਤੇ ਜਾਣ ਅਤੇ ਜਾਂਚ ਕਰਨ ਕਿ ਫ਼ੈਕਟਰੀ ਸੀਵਰੇਜ ਅਤੇ ਹੋਰ ਥਾਵਾਂ ਤੋਂ ਗੰਦਾ ਪਾਣੀ ਕਿੱਥੋਂ ਯਮੁਨਾ ਨਦੀ ਵਿਚ ਪਾਇਆ ਜਾ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਪਾਣੀ ਵਿਚ ਜ਼ਹਿਰ ਮਿਲਾ ਕੇ ਅਸੀਂ ਆਪਣੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਨਾਲ ਬੇਇਨਸਾਫ਼ੀ ਕਰ ਰਹੇ ਹਾਂ | ਯਮੁਨਾ ਦਾ ਪਾਣੀ ਹਰਿਆਣਾ ਰਾਹੀਂ ਦਿੱਲੀ ਜਾਂਦਾ ਹੈ | ਜੋ ਕਿ ਰਾਸ਼ਟਰੀ ਰਾਜਧਾਨੀ ਹੈ | ਦੁਨੀਆ ਭਰ ਤੋਂ ਲੋਕ ਉੱਥੇ ਆਉਂਦੇ ਹਨ | ਜਿਸ ਕਾਰਨ ਦੇਸ਼ ਦੀ ਛਵੀ ਦੁਨੀਆ ਦੀਆਂ ਨਜ਼ਰਾਂ ਵਿਚ ਖ਼ਰਾਬ ਹੋ ਰਹੀ ਹੈ | ਇਸ ਲਈ ਇਸ ਨੂੰ ਗੰਭੀਰਤਾ ਨਾਲ ਲਓ |
ਮਦਰੱਸਿਆਂ ਵਿਚ ਅੰਗਰੇਜ਼ੀ ਮਾਧਿਅਮ ਦੀ ਸਿੱਖਿਆ ਸ਼ੁਰੂ ਕੀਤੀ ਜਾਣੀ ਚਾਹੀਦੀ ਹੈ
ਉਨ੍ਹਾਂ ਕਿਹਾ ਕਿ ਰਾਦੌਰ ਇਲਾਕੇ ਵਿਚ ਚੱਲ ਰਹੇ ਮਦਰੱਸਿਆਂ ਵਿਚ ਬੱਚਿਆਂ ਨੂੰ ਉਰਦੂ ਦੇ ਨਾਲ-ਨਾਲ ਅੰਗਰੇਜ਼ੀ ਅਤੇ ਵਿਗਿਆਨ ਵਿਸ਼ੇ ਵੀ ਪੜ੍ਹਾਉਣੇ ਚਾਹੀਦੇ ਹਨ | ਜੇਕਰ ਮੁਸਲਿਮ ਭਾਈਚਾਰਾ ਆਪਣੇ ਬੱਚਿਆਂ ਦੀ ਤਰੱਕੀ ਲਈ ਉੱਚ ਗੁਣਵੱਤਾ ਵਾਲੀ ਸਿੱਖਿਆ ਵੱਲ ਕਦਮ ਵਧਾਉਂਦਾ ਹੈ, ਤਾਂ ਉਹ ਮਦਰੱਸਿਆਂ ਵਿਚ ਹਰ ਤਰ੍ਹਾਂ ਦੀ ਮਦਦ ਕਰਨ ਲਈ ਤਿਆਰ ਹਨ | ਉਨ੍ਹਾਂ ਦਾ ਦਿ੍ਸ਼ਟੀਕੋਣ ਹੈ ਕਿ ਬੱਚਿਆਂ ਨੂੰ ਚੰਗੀ ਸਿੱਖਿਆ ਮਿਲੇ ਅਤੇ ਉਹ ਹੁਨਰ ਸਿੱਖਿਆ ਰਾਹੀਂ ਆਪਣੀ ਜ਼ਿੰਦਗੀ ਨੂੰ ਬਿਹਤਰ ਬਣਾ ਸਕਣ | ਪਿੰਡ ਦੌਲਤਪੁਰ ਦੇ ਨਸੀਮ ਖਾਨ ਦੀ ਮੰਗ 'ਤੇ ਉਨ੍ਹਾਂ ਨੇ ਮਦਰੱਸੇ ਵਿਚ ਬੱਚਿਆਂ ਲਈ ਪਖਾਨੇ ਅਤੇ ਹੋਰ ਬਹੁਤ ਸਾਰੀਆਂ ਸਹੂਲਤਾਂ ਪ੍ਰਦਾਨ ਕਰਨ ਨੂੰ ਪ੍ਰਵਾਨਗੀ ਦਿੱਤੀ |
11 ਸਾਲਾ ਅਪਾਹਜ ਖਿਡਾਰੀ ਨੂੰ ਪੈਨਸ਼ਨ ਪ੍ਰਾਪਤ ਕਰਨ ਲਈ ਨਿਰਦੇਸ਼ ਦਿੱਤੇ
ਐਮ.ਪੀ. ਨਵੀਨ ਜਿੰਦਲ ਨੇ ਅਧਿਕਾਰੀਆਂ ਨੂੰ 11 ਸਾਲਾ ਲੜਕੀ ਕਨਵ ਨੂੰ ਪੈਨਸ਼ਨ ਪ੍ਰਾਪਤ ਕਰਨ ਦੇ ਨਿਰਦੇਸ਼ ਦਿੱਤੇ | ਕਨਵ ਨੇ ਦੱਸਿਆ ਕਿ ਬਿਜਲੀ ਦੇ ਝਟਕੇ ਕਾਰਨ ਉਸ ਦੇ ਦੋਵੇਂ ਹੱਥ ਸੜ ਗਏ ਸਨ | ਜਿਸ ਕਰਕੇ ਹੱਥ ਨੂੰ ਕੱਟਣਾ ਪਿਆ ਪਰ 100 ਫ਼ੀਸਦੀ ਅਪਾਹਜਤਾ ਦਾ ਸਰਟੀਫਿਕੇਟ ਹੋਣ ਦੇ ਬਾਵਜੂਦ, ਉਸ ਨੂੰ ਅਜੇ ਤੱਕ ਪੈਨਸ਼ਨ ਨਹੀਂ ਮਿਲੀ ਹੈ | ਐਮ.ਪੀ. ਨੇ ਅਧਿਕਾਰੀਆਂ ਨੂੰ ਪੈਨਸ਼ਨ ਦੀਆਂ ਸਾਰੀਆਂ ਰਸਮਾਂ ਪੂਰੀਆਂ ਕਰਨ ਲਈ ਕਿਹਾ | ਇਸ ਤੋਂ ਇਲਾਵਾ ਉਨ੍ਹਾਂ ਵੱਖ-ਵੱਖ ਪਿੰਡਾਂ ਵਿਚ ਜਿੰਮ, ਖੇਡਾਂ ਦਾ ਸਾਮਾਨ ਅਤੇ ਹੋਰ ਵਿਕਾਸ ਕਾਰਜਾਂ ਲਈ ਲੱਖਾਂ ਰੁਪਏ ਦੀ ਰਾਸੀ ਮਨਜ਼ੂਰ ਕਰਵਾਈ | ਇਸ ਮੌਕੇ ਰਜਨੀਸ਼ ਮਹਿਤਾ ਪ੍ਰਧਾਨ ਨਗਰ ਪਾਲਿਕਾ, ਰਾਜੇਸ਼ ਸਪਰਾ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਯਮੁਨਾ ਨਗਰ, ਨੇਪਾਲ ਰਾਣਾ, ਈਸ਼ਵਰ ਸਿੰਘ, ਕਿ੍ਸ਼ਨ ਕੰਬੋਜ, ਅਵਧੇਸ ਰਾਣਾ, ਮੇਨਪਾਲ ਪੋਸਵਾਲ, ਪਰਮਜੀਤ ਪੰਮੀ ਸਰਪੰਚ ਪ੍ਰਧਾਨ, ਹੇਮਰਾਜ, ਅਮਿਤ ਗਰਗ, ਸਚਿਨ ਗੁਪਤਾ, ਰਾਮਚਰਨ ਸ਼ਰਮਾ, ਹਰਪਾਲ ਕੰਬੋਜ, ਸੁਰਿੰਦਰ ਸਿੰਘ, ਹੈਪੀ ਸਿੰਘ ਸੁਰਿੰਦਰ ਸਿੰਘ, ਬੀ. ਚੀਮਾ, ਧਰਮ ਸਿੰਘ ਸਹਿਕਾਰੀ ਬੈਂਕ ਚੇਅਰਮੈਨ, ਵਿਪਨ ਕੰਬੋਜ ਪ੍ਰਧਾਨ ਬਲਾਕ ਸਮਿਤੀ, ਅਗਨੀ ਵਿਜੇ ਪ੍ਰਧਾਨ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਪਤਵੰਤੇ ਹਾਜ਼ਰ ਸਨ |
ਪਿਛਲੀ ਖ਼ਬਰ ਨਿਯਮਿਤ ਯੋਗ ਅਭਿਆਸ ਸਰੀਰ ਅਤੇ ਮਨ ਨੂੰ ਤੰਦਰੁਸਤ ਬਣਾਉਂਦਾ ਹੈ-ਐੱਸ.ਡੀ.ਐੱਮ. ਕੈਪਟਨ ਪ੍ਰਮੇਸ਼ ਸਿੰਘ <br/> ਅਗਲੀ ਖ਼ਬਰ 11ਵਾਂ ਅੰਤਰਰਾਸ਼ਟਰੀ ਯੋਗ ਦਿਵਸ ਬੜੇ ਉਤਸ਼ਾਹ ਨਾਲ ਮਨਾਇਆ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।