20-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 16-06-2025

ਸ੍ਰੀ ਸਿੱਧ ਬਾਬਾ ਸੋਢਲ ਮੇਲੇ ਦੇ ਸੰਬੰਧੀ ਚੱਢਾ ਬਰਾਦਰੀ ਵਲੋਂ ਮੰਦਰ ਵਿੱਚ ਝੰਡਾ ਰਸਮ ਅਦਾ ਕੀਤੀ <br/>

ਝੰਡੇ ਦੀ ਰਸਮ ਅਦਾ ਕਰਨ ਦੌਰਾਨ ਚੱਢਾ ਬਿਰਾਦਰੀ ਦੇ ਪ੍ਰਧਾਨ ਵਿਪਨ ਚੱਡਾ, ਮੇਅਰ ਵਨੀਤ ਧੀਰ, ਸਾਬਕਾ ਸਾਂਸਦ ਸੁਸ਼ੀਲ ਕੁਮਾਰ ਰਿੰਕੂ, ਕੌਂਸਲਰ ਗੁਰਵਿੰਦਰ ਸਿੰਘ ਬੰਟੀ, ਨਵਜੀਤ ਭਾਰਦਵਾਜ ਸੀਮਾ ਗਲਹੋਤਰਾ ਤੇ ਹੋਰ | ਤਸਵੀਰ- ਜੀਪੀ ਸਿੰਘ <br/> 16-06-2025
ਜਲੰਧਰ, 15 ਜੂਨ (ਸ਼ੈਲੀ)- ਜਲੰਧਰ 'ਚ ਅੱਜ ਸ੍ਰੀ ਸਿੱਧ ਬਾਬਾ ਸੋਢਲ ਮੇਲੇ ਸਬੰਧੀ ਚੱਡਾ ਬਰਾਦਰੀ ਵਲੋਂ ਮੰਦਰ ਟਰੱਸਟ ਦੇ ਸਹਿਯੋਗ ਨਾਲ ਸ੍ਰੀ ਸਿੱਧ ਬਾਬਾ ਸੋਢਲ ਜੀ ਦੀ ਝੰਡਾ ਚੜ੍ਹਾਉਣ ਦੀ ਰਸਮ ਅਦਾ ਕੀਤੀ ਗਈ | ਝੰਡਾ ਚੜ੍ਹਾਉਣ ਦੀ ਰਸਮ ਚੱਡਾ ਬਰਾਦਰੀ ਦੇ ਪ੍ਰਧਾਨ ਵਿਪਨ ਚੱਡਾ ਵਲੋਂ ਨਿਭਾਈ ਗਈ | ਇਸ ਮੌਕੇ ਚੱਡਾ ਬਰਾਦਰੀ ਦੇ ਅਹੁਦੇਦਾਰ ਤੇ ਮੈਂਬਰ ਮੌਜੂਦ ਸਨ | ਜਾਣਕਾਰੀ ਦਿੰਦੇ ਹੋਏ ਚੱਡਾ ਬਰਾਦਰੀ ਦੇ ਪ੍ਰਧਾਨ ਵਿਪਨ ਚੱਡਾ ਨੇ ਦੱਸਿਆ ਕਿ ਬਾਬਾ ਸੋਢਲ ਜੀ ਦਾ ਝੰਡੀ ਦਿਵਸ ਹਾੜ੍ਹ ਮਹੀਨੇ ਦੀ ਸੰਗਰਾਂਦ ਨੂੰ ਮਨਾਇਆ ਜਾਂਦਾ ਹੈ | ਉਨ੍ਹਾਂ ਕਿਹਾ ਕਿ ਇਸ ਸਾਲ ਸ੍ਰੀ ਸਿੱਧ ਬਾਬਾ ਸੋਢਲ ਜੀ ਦਾ ਮੇਲਾ 6 ਸਤੰਬਰ ਨੂੰ ਹੋਵੇਗਾ | ਉਨ੍ਹਾਂ ਕਿਹਾ ਕਿ ਅੱਜ ਝੰਡਾ ਦਿਵਸ ਦੇ ਮੌਕੇ 'ਤੇ ਸਵੇਰੇ 10:30 ਵਜੇ ਮੰਦਰ ਵਿੱਚ ਹਵਨ ਕੀਤਾ ਗਿਆ, ਜਿਸ 'ਚ ਮੁੱਖ ਯਜਮਾਨ ਗਣੇਸ਼ ਕਾਲਾ ਚੱਡਾ ਤੇ ਉਨ੍ਹਾਂ ਦੀ ਪਤਨੀ ਸਵਿਤਾ ਚੱਡਾ ਸਨ | ਉਨ੍ਹਾਂ ਦੱਸਿਆ ਕਿ 12 ਵਜੇ ਹਵਨ ਉਪਰੰਤ ਸ੍ਰੀ ਸਿੱਧ ਬਾਬਾ ਸੋਢਲ ਜੀ ਨੂੰ ਰੋਜ਼ਾਨਾ ਵਾਂਗ ਭੋਗ ਲਗਾਕੇ ਆਤਿਸ਼ਬਾਜ਼ੀ ਤੇ ਢੋਲ ਤਾਸ਼ਿਆਂ ਦੀ ਗੂੰਜ ਵਿਚ ਝੰਡੇ ਦੀ ਰਸਮ ਅਦਾ ਕੀਤੀ ਗਈ | ਝੰਡੇ ਦੀ ਰਸਮ ਚੱਡਾ ਭਾਈਚਾਰੇ ਦੇ ਮੁਖੀ ਵਿਪਨ ਚੱਡਾ ਨੇ ਅਦਾ ਕੀਤੀ | ਇਸ ਦੌਰਾਨ ਟਰੱਸਟੀ ਸ਼ੀਤਲ ਵਿੱਜ, ਤਰਸੇਮ ਕਪੂਰ, ਸੁਰੇਸ਼ ਚੱਡਾ, ਮਾਂ ਬਗਲਾ ਮੁਖੀ ਧਾਮ ਗੁਰਾਲਮੋਹਰ ਸਿਟੀ ਦੇ ਸੰਚਾਲਕ ਨਵਜੀਤ ਭਾਰਦਵਾਜ, ਮੇਅਰ ਵਿਨੀਤ ਧੀਰ, ਸਾਬਕਾ ਸੰਸਦ ਮੈਂਬਰ ਸੁਸ਼ੀਲ ਕੁਮਾਰ ਰਿੰਕੂ, ਸਾਬਕਾ ਮੇਅਰ ਜਗਦੀਸ਼ ਰਾਜ ਰਾਜਾ, ਅਸ਼ੋਕ ਸਰੀਨ ਹਿੱਕੀ, ਵਿਪਨ ਸੱਭਰਵਾਲ, ਚੰਦਨ ਗਰੇਵਾਲ, ਕੌਂਸਲਰ ਗੁਰਵਿੰਦਰ ਸਿੰਘ ਬੰਟੀ, ਕੌਂਸਲਰ ਅਸ਼ਵਨੀ ਅਗਰਵਾਲ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ | ਇਸ ਮੌਕੇ ਚੇਅਰਮੈਨ ਸ਼ਾਮ ਲਾਲ ਚੱਡਾ, ਸੰਜੇ ਚੱਡਾ (ਜਨਰਲ ਸਕੱਤਰ), ਅਨਿਲ ਚੱਡਾ (ਕੈਸ਼ੀਅਰ), ਜੇ.ਬੀ ਚੱਡਾ, ਹੈਰੀ ਚੱਡਾ, ਯੋਗੇਸ਼ ਚੱਡਾ, ਵਿਵੇਕ ਚੱਡਾ, ਮੋਟੂ ਚੱਡਾ, ਕਾਲਾ ਚੱਡਾ, ਭੂਸ਼ਣ ਕੋਹਲੀ, ਰੀਟਾ ਸ਼ਰਮਾ, ਸੀਮਾ ਗਲਹੋਤਰਾ, ਰੂਬੀ ਭਾਰਦਵਾਜ ਅਤੇ ਵੱਡੀ ਗਿਣਤੀ ਵਿਚ ਸੰਗਤਾਂ ਹਾਜ਼ਰ ਸਨ |

ਪਿਛਲੀ ਖ਼ਬਰ ਲੋਹੀਆਂ 'ਚ 10 ਰੋਜ਼ਾ 'ਮੁਫ਼ਤ ਯੋਗ ਕੈਂਪ' ਅੱਜ <br/> ਅਗਲੀ ਖ਼ਬਰ ਗੁ: ਸ਼ਹੀਦ ਬਾਬਾ ਨਿਹਾਲ ਸਿੰਘ ਤੱਲ੍ਹਣ ਦੇ ਸ਼ਹੀਦੀ ਜੋੜ ਮੇਲੇ 'ਚ ਵੱਡੀ ਗਿਣਤੀ 'ਚ ਸੰਗਤਾਂ ਨੇ ਭਰੀਆਂ ਹਾਜ਼ਰੀਆਂ-ਵਿਸ਼ਾ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।