ਜਲੰਧਰ ਦੀ ਵਿਜੀਲੈਂਸ ਬਿਊਰੋ ਵਲੋਂ ਕਈ ਕਰੋੜਾਂ ਦੇ ਸਮਾਰਟ ਸਿਟੀ ਦੇ ਪ੍ਰਾਜੈਕਟਾਂ ਦੀ ਲੰਬੇ ਸਮੇਂ ਤੋਂ ਜਾਂਚ ਦਾ ਕੰਮ ਚੱਲ ਰਿਹਾ ਹੈ ਜਦਕਿ ਭਿ੍ਸ਼ਟਾਚਾਰ ਦੇ ਦੋਸ਼ਾਂ ਦੇ ਤਹਿਤ ਰਮਨ ਅਰੋੜਾ ਦੇ ਖ਼ਿਲਾਫ਼ ਕਾਰਵਾਈ ਕਰਨ ਦੇ ਮਾਮਲੇ 'ਚ ਵਿਜੀਲੈਂਸ ਵਲੋਂ ਨਿਗਮ ਵਿਚ ਆ ਕੇ ਕੁਟੇਸ਼ਨਾਂ 'ਤੇ ਤੇ ਬਿਨਾਂ ਟੈਂਡਰਾਂ ਤੋਂ ਹਲਕੇ ਵਿਚ ਕਰਵਾਏ ਗਏ ਕੰਮਾਂ ਦੀ ਜਾਂਚ ਦਾ ਕੰਮ ਵੀ ਕੀਤਾ ਸੀ ਤੇ ਵਿਜੀਲੈਂਸ ਨੇ ਇਸ ਮਾਮਲੇ ਵਿਚ ਕਾਫੀ ਰਿਕਾਰਡ ਤਲਬ ਕੀਤਾ ਸੀ | ਵਿਜੀਲੈਂਸ ਬਿਊਰੋ ਵਲੋਂ ਕੁਟੇਸ਼ਨਾਂ ਦੇ ਆਧਾਰ 'ਤੇ ਕੀਤੇ ਗਏ ਕੰਮਾਂ ਦੇ ਮਾਮਲੇ ਵਿਚ ਕਾਫੀ ਜਾਣਕਾਰੀ ਹਾਸਲ ਕੀਤੀ ਸੀ ਤਾਂ ਇਸ ਮਾਮਲੇ ਵਿਚ ਕਈ ਐੱਸ. ਡੀ. ਓ. ਤੇ ਜੇ. ਈ. ਨੂੰ ਤਲਬ ਕੀਤਾ ਗਿਆ ਸੀ | ਇਸ ਜਾਂਚ ਦੀ ਵੀ ਅਜੇ ਹੋਰ ਸਚਾਈ ਬਾਹਰ ਆਉਣੀ ਹੈ ਜਿਸ ਬਾਰੇ ਲੋਕਾਂ ਨੂੰ ਵੀ ਜਾਣਕਾਰੀ ਹੋ ਸਕੇ ਕਿ ਜਿੱਥੇ ਕਿ ਸਰਕਾਰ ਜ਼ਰੂਰੀ ਹਾਲਾਤਾਂ ਵਿਚ ਹੀ ਕੁਟੇਸ਼ਨਾਂ 'ਤੇ ਕੰਮ ਕਰਵਾਉਣ ਦੀ ਹਦਾਇਤ ਦਿੰਦੀ ਹੈ ਤੇ ਦੂਜੇ ਪਾਸੇ ਈ-ਟੈਂਡਰਾਂ ਦੀ ਜਗਾ ਕੁਟੇਸ਼ਨਾਂ 'ਤੇ ਹੀ ਕੰਮ ਕਰਵਾਏ ਜਾਂਦੇ ਰਹੇ ਸਨ |
