ਟਰੈਕ 'ਤੇ ਪੱਕੇ ਡਰਾਈਵਿੰਗ ਟੈਸਟ ਨੂੰ ਲੈ ਕੇ ਲੋਕ ਹੋਏ ਫਿਰ ਪ੍ਰੇਸ਼ਾਨ
ਅਜੀਤ ਡੈਸਕ
24-12-2025
ਟਰੈਕ 'ਤੇ ਲਰਨਿੰਗ ਲਾਇਸੰਸ ਦੇ ਟੈਸਟ ਬੰਦ ਹੋਣ ਤੋਂ ਲੋਕਾਂ 'ਚ ਰੋਸ
ਜਲੰਧਰ- ਜਲੰਧਰ ਦੇ ਡਰਾਈਵਿੰਗ ਟੈਸਟ ਟਰੈਕ 'ਤੇ ਆਮ ਲੋਕਾਂ ਨੂੰ ਹਰ ਰੋਜ਼ ਨਵੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ¢ ਕਦੇ ਸਾਫ਼ਟਵੇਅਰ ਖ਼ਰਾਬੀ, ਕਦੇ ਇੰਟਰਨੈੱਟ ਦੀ ਸਮੱਸਿਆ ਅਤੇ ਕਦੇ ਕਰਮਚਾਰੀਆਂ ਦੀ ਘਾਟ ਕਾਰਨ ਲੋਕਾਂ ਨੂੰ ਕਿੰਨਾ ਸਮਾਂ ਲੰਬੀਆਂ ਕਤਾਰਾਂ ਵਿਚ ਖੜ੍ਹਾ ਰਹਿਣਾ ਪੈਂਦਾ ਹੈ¢ ਹੁਣ ਇੱਕ ਲਰਨਿੰਗ ਲਾਇਸੈਂਸ ਦੇ ਟੈਸਟ ਦੇ ਨਵੇਂ ਮਾਮਲੇ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ | ਕਈ ਲੋਕ ਇਸ ਬਾਰੇ ਸ਼ਿਕਾਇਤਾਂ ਵੀ ਕਰ ਰਹੇ ਦੱਸੇ ਜਾ ਰਹੇ ਹਨ | ਜਲੰਧਰ ਡਰਾਈਵਿੰਗ ਟੈਸਟ ਟਰੈਕ 'ਤੇ ਲਰਨਿੰਗ ਲਾਇਸੰਸ ਦਾ ਟੈਸਟ ਲੈਣਾ ਬੰਦ ਕਰ ਦਿੱਤਾ ਗਿਆ ਹੈ¢ ਸਟਾਫ਼ ਵਲੋਂ ਸਿਰਫ਼ ਫਾਈਲਾਂ ਦੀ ਜਾਂਚ ਕਰਕੇ ਅਰਜ਼ੀ ਕਾਰਾਂ ਨੂੰ ਨਜ਼ਦੀਕੀ ਕੈਫ਼ੇ 'ਚ ਟੈਸਟ ਦੇਣ ਲਈ ਭੇਜਿਆ ਜਾ ਰਿਹਾ ਹੈ, ਜਿਸ ਤੋਂ ਕਈ ਲੋਕਾਂ 'ਚ ਭਾਰੀ ਨਾਰਾਜ਼ਗੀ ਪਾਈ ਜਾ ਰਹੀ ਹੈ | ਲੋਕਾਂ ਨੇ ਦੋਸ਼ ਲਗਾਇਆ ਹੈ ਕਿ ਪਹਿਲਾਂ ਲਰਨਿੰਗ ਲਾਇਸੈਂਸ ਦਾ ਟੈਸਟ ਡਰਾਈਵਿੰਗ ਟਰੈਕ 'ਤੇ ਹੀ ਹੁੰਦਾ ਸੀ, ਪਰ ਹੁਣ ਕੈਫ਼ੇ ਵਾਲੇ ਟੈਸਟ ਕਰਵਾਉਣ ਦੇ ਨਾਂਅ 'ਤੇ ਕਰੀਬ 500 ਰੁਪਏ ਕਿਉਂ ਵਸੂਲ ਰਹੇ ਹਨ ¢ ਲੋਕਾਂ ਨੇ ਮੁੱਖ ਮੰਤਰੀ ਤੋਂ ਇਸ ਮਾਮਲੇ 'ਚ ਕਾਰਵਾਈ ਦੀ ਮੰਗ ਕੀਤੀ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ ਹੈਰਾਨੀ ਦੀ ਗੱਲ ਇਹ ਹੈ ਕਿ ਪੰਜਾਬ ਦੇ ਹੋਰ ਜ਼ਿਲਿ੍ਹਆਂ 'ਚ ਅਜੇ ਵੀ ਡਰਾਈਵਿੰਗ ਟੈਸਟ ਟਰੈਕ 'ਤੇ ਹੀ ਲਰਨਿੰਗ ਲਾਇਸੈਂਸ ਦੇ ਟੈਸਟ ਲਏ ਜਾ ਰਹੇ ਹਨ, ਫਿਰ ਜਲੰਧਰ ਵਿਚ ਇਹ ਪ੍ਰਕਿਰਿਆ ਕਿਉਂ ਬੰਦ ਕੀਤੀ ਗਈ ਹੈ | ਲੋਕਾਂ ਨੇ ਮੰਗ ਕੀਤੀ ਕਿ ਜਿਸ ਤਰ੍ਹਾਂ ਨਾਲ ਹੋਰ ਜ਼ਿਲਿ੍ਹਆਂ ਵਿਚ ਟੈਸਟ ਟਰੈਕ 'ਤੇ ਲਰਨਿੰਗ ਲਾਇਸੈਂਸ ਲਈ ਟੈਸਟ ਹੋ ਰਹੇ ਹਨ ਤਾਂ ਇਸ ਕਰਕੇ ਜਲੰਧਰ ਵਿਚ ਵੀ ਇਹ ਲਰਨਿੰਗ ਲਾਇਸੈਂਸ ਦੇ ਟੈਸਟ ਹੋਣੇ ਚਾਹੀਦੇ ਹਨ |
