ਲਾਂਬੜਾ, 25 ਦਸੰਬਰ (ਪਰਮੀਤ ਗੁਪਤਾ)-ਰਾਣੀ ਲਕਸ਼ਮੀ ਬਾਈ ਜ਼ੋਨਲ ਅਤੇ ਜ਼ਿਲ੍ਹਾ ਕਰਾਟੇ ਟੂਰਨਾਮੈਂਟ 'ਚ ਸਰਕਾਰੀ ਮਿਡਲ ਸਕੂਲ ਲੋਹਾਰਾਂ ਸੁੱਖਾ ਸਿੰਘ ਦੀ ਵਿਦਿਆਰਥਣਾਂ ਨੇ ਟੂਰਨਾਮੈਂਟ ਦੌਰਾਨ ਵਧੀਆ ਪ੍ਰਦਰਸ਼ਨ ਕਰਦੇ ਹੋਏ ਪਹਿਲਾ ਸਥਾਨ ਹਾਸਿਲ ਕਰਨ 'ਚ ਸਫਲਤਾ ਪ੍ਰਾਪਤ ਕੀਤੀ | ਜਿਸ ਸੰਬੰਧੀ ਸਕੂਲ ਅਧਿਆਪਕ ਨੇ ਦੱਸਿਆ ਕਿ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲਾਡੋਵਾਲੀ ਰੋਡ 'ਤੇ ਹੋਏ ਰਾਣੀ ਲਕਸ਼ਮੀ ਬਾਈ ਜ਼ੋਨਲ ਕਰਾਟੇ ਟੂਰਨਾਮੈਂਟ ਵਿੱਚ ਹੋਣਹਾਰ ਖਿਡਾਰਨਾਂ ਸ਼ਰਧਾ ਨੇ ਪਹਿਲਾ, ਸੁਨੇਹਾ ਨੇ ਦੂਸਰਾ, ਦਾਮਨੀ ਅਤੇ ਸੋਫ਼ੀਆ ਨੇ ਕ੍ਰਮਵਾਰ ਤੀਸਰਾ ਸਥਾਨ ਹਾਸਿਲ ਕੀਤਾ | ਇਸ ਮੌਕੇ ਮੈਡਮ ਬਨੀਤਾ, ਸ਼ਿਵਾਲੀ, ਗੀਤਾ, ਮਾਸਟਰ ਬਲਜੀਤ ਸਿੰਘ ਅਤੇ ਟਰੇਨਰ ਕੇਸ਼ਵ ਨੇ ਬੱਚਿਆਂ ਦੀ ਹੌਸਲਾ ਅਫਜ਼ਾਈ ਕੀਤੀ |
