ਬੁਢਲਾਡਾ 17 ਅਕਤੂਬਰ (ਪ. ਪ.)- ਬਲਾਕ ਪੱਧਰੀ ਪ੍ਰਾਇਮਰੀ ਸਕੂਲ ਖੇਡਾਂ ਵਿਚੋਂ ਸਥਾਨਕ ਮਨੂ ਵਾਟਿਕਾ ਸਕੂਲ ਨੇ ਓਵਰ ਆਲ ਟਰਾਫ਼ੀ ਜਿੱਤੀ ਹੈ | ਲੜਕੇ/ਲੜਕੀਆਂ ਦੇ ਬੈਡਮਿੰਟਨ, ਜਿਮਨਾਸਟਿਕ, ਸ਼ਤਰੰਜ ਮੁਕਾਬਲਿਆਂ 'ਚੋਂ ਸਕੂਲ ਦੇ ਖਿਡਾਰੀਆਂ ਨੇ ਗੋਲਡ ਮੈਡਲ ਹਾਸਲ ਕੀਤਾ ਅਤੇ ਨੈਸ਼ਨਲ ਕਬੱਡੀ, ਹੈਂਡਬਾਲ, ਕਰਾਟੇ, ਕੁਸ਼ਤੀਆਂ ਤੇ ਸੁੱਟ ਪੁੱਟ ਖੇਡਾਂ 'ਚੋਂ ਸਕੂਲ ਦੇ ਖਿਡਾਰੀਆਂ ਨੇ ਸੋਨ ਤਗਮਾ ਲਿਆ | ਸਕੂਲ ਪ੍ਰਬੰਧਕ ਕਮੇਟੀ ਦੇ ਚੇਅਰਮੈਨ ਭਾਰਤ ਭੂਸ਼ਨ ਸਰਾਫ਼, ਪਿ੍ੰਸੀਪਲ ਉਮੇਸ਼ ਗਰਗ, ਸਤੀਸ਼ ਸਿੰਗਲਾ, ਮਨੂ ਤਿ੍ਵੇਦੀ ਅਤੇ ਖੇਡ ਵਿਭਾਗ ਦੇ ਮੁਖੀ ਅਮਨਦੀਪ ਸਿੰਘ ਸਿੱਧੂ ਨੇ ਵੀ ਖਿਡਾਰੀਆਂ ਨੂੰ ਵਧਾਈ ਦਿੱਤੀ ਹੈ |
