ਭੀਖੀ, 25 ਦਸੰਬਰ (ਸਹੋਤਾ)- ਸ੍ਰੀ ਖਾਟੂ ਸ਼ਿਆਮ ਸੇਵਾ ਮੰਡਲ ਅਤੇ ਵੈੱਲਫੇਅਰ ਕਮੇਟੀ ਭੀਖੀ ਵਲੋਂ ਨਗਰ ਨਿਵਾਸੀਆਂ ਲਈ ਮਥੁਰਾ ਵਰਿੰਦਾਵਨ ਦੇ ਧਾਰਮਿਕ ਸਥਾਨਾਂ ਦੇ ਦਰਸ਼ਨਾਂ ਲਈ ਵਿਸ਼ੇਸ਼ ਬੱਸ ਭੇਜੀ ਗਈ, ਨੂੰ ਭਾਰਤੀਯ ਅੰਬੇਡਕਰ ਮਿਸ਼ਨ ਦੇ ਸੂਬਾ ਪ੍ਰਧਾਨ ਰਜਨੀਸ਼ ਸ਼ਰਮਾ ਭੀਖੀ ਨੇ ਝੰਡੀ ਦੇ ਕੇ ਰਵਾਨਾ ਕੀਤਾ | ਉਨ੍ਹਾਂ ਕਿਹਾ ਕਿ ਲੋਕ ਆਪਣੀਆਂ ਜ਼ਰੂਰਤਾਂ ਅਤੇ ਲਾਲਸਾਵਾਂ ਨੂੰ ਪੂਰਨ ਕਰਨ 'ਚ ਹੀ ਹਰ ਸਮੇਂ ਰੁੱਝੇ ਰਹਿੰਦੇ ਹਨ, ਜਿਸ ਦੇ ਚਲਦੇ ਅਕਸਰ ਉਹ ਬੇਲੋੜੇ ਮਾਨਸਿਕ ਦਬਾਅ ਦਾ ਸ਼ਿਕਾਰ ਹੁੰਦੇ ਹਨ ਅਤੇ ਅਨੇਕਾਂ ਕੁਰੀਤੀਆਂ ਦੀ ਉਤਪਤੀ ਹੁੰਦੀ ਹੈ | ਉਨ੍ਹਾਂ ਕਿਹਾ ਕਿ ਸਮਾਜਿਕ ਕੁਰੀਤੀਆਂ ਤੋਂ ਦੂਰ ਰਹਿਣ ਲਈ ਅਜਿਹੀਆਂ ਧਾਰਮਿਕ ਯਾਤਰਾਵਾਂ ਅਤਿ ਮਹੱਤਵਪੂਰਨ ਹਨ | ਇਸ ਮੌਕੇ ਸਟੇਟ ਅਵਾਰਡੀ ਸਾਬਕਾ ਥਾਣੇਦਾਰ ਬਲਵੰਤ ਭੀਖੀ, ਠੇਕੇਦਾਰ ਅਸ਼ੋਕ ਕੁਮਾਰ ਬੱਗਾ, ਰਵਿੰਦਰ ਗਰਗ ਮੋੜੀਗੱਡ, ਜਤਿੰਦਰ ਵਿੱਕੀ ਮੋੜੀਗੱਡ, ਸੁਰੇਸ਼ ਕੁਮਾਰ ਸ਼ਸ਼ੀ, ਪ੍ਰਦੀਪ ਗਰਗ, ਸ਼ੰਟੂ ਮੈਂਬਰ, ਗਿਰਧਾਰੀ ਲਾਲ, ਗੁਰਦੀਪ ਸ਼ਾਰਦਾ, ਸੁਨੀਲ ਕੁਮਾਰ ਨੀਟਾ, ਗੁਲਸ਼ਨ ਮਿੱਤਲ ਅਤੇ ਵਿਨੈ ਮਹਿਤਾ ਆਦਿ ਹਾਜ਼ਰ ਸਨ |
