ਜਲੰਧਰ, 20 ਜੂਨ (ਹਰਵਿੰਦਰ ਸਿੰਘ ਫੁੱਲ)-ਨਾਰੀ ਨਿਕੇਤਨ ਟਰੱਸਟ ਵਲੋਂ ਲੜਕੀਆਂ ਤੇ ਮਹਿਲਾਵਾਂ ਲਈ ਪਿਛਲੇ 10 ਦਿਨਾਂ ਤੋਂ ਲਗਾਇਆ ਗਿਆ ਗਿਆ ਮੁਫ਼ਤ 'ਉਮੰਗ ਕੌਸ਼ਲ ਵਿਕਾਸ' ਕੈਂਪ ਅੱਜ ਸਮਾਪਤ ਹੋ ਗਿਆ | ਕੈਂਪ 'ਚ 25 ਤੋਂ ਵੱਧ ਸਿੱਖਿਆਰਥੀਆਂ ਨੇ ਹਿੱਸਾ ਲਿਆ | ਕੈਂਪ ਦੌਰਾਨ ਨਵਦੀਪ ਕੌਰ ਤੇ ਗੀਤਾ ਸ਼ੌਰੀ ਨੇ ਸਿੱਖਿਆਰਥੀਆਂ ਨੂੰ ਬਲਾਕ ਪੇਂਟਿੰਗ, ਸਟੈੱਨਸਿਲ ਪੇਂਟਿੰਗ, ਟਾਈ ਐਂਡ ਡਾਈ. ਤੇ ਫ਼ਰੀ ਹੈਾਡ ਪੇਂਟਿੰਗ ਤੋਂ ਇਲਾਵਾ ਫੈਂਸੀ ਬਟਨ ਬਣਾਉਣ ਦੀ ਸਿਖਲਾਈ ਦਿੱਤੀ | ਇਸ ਮੌਕੇ ਟਰੱਸਟ ਦੀ ਸੀ.ਈ.ਉ ਨਵੀਤਾ ਜੋਸ਼ੀ ਨੇ ਦੱਸਿਆ ਕਿ ਇਸ ਕੈਂਪ ਦਾ ਉਦੇਸ਼ ਲੜਕੀਆਂ 'ਚ ਰਚਨਾਤਮਿਕ ਸੋਚ ਤੇ ਵਿਕਾਸ ਪੈਦਾ ਕਰਨਾ ਹੈ ਤਾਂ ਜੋ ਲੜਕੀਆਂ ਆਤਮ ਨਿਰਭਰ ਹੋ ਕੇ ਆਤਮ ਸਨਮਾਨ ਤੇ ਵਿਅਕਤੀਗਤ ਸੁਰੱਖਿਆ ਦੇ ਨਾਲ ਆਪਣੇ ਪਰਿਵਾਰ ਦੀ ਆਰਥਿਕ ਤੌਰ 'ਤੇ ਮਦਦ ਕਰ ਸਕਣ | ਉਨ੍ਹਾਂ ਦੱਸਿਆ ਕਿ ਕੈਂਪ 'ਚ ਸ਼ਾਮਲ ਲੜਕੀਆਂ ਨੇ ਟਰੱਸਟ ਵਲੋਂ ਕੀਤੇ ਗਏ ਇਸ ਉੱਦਮ ਦੀ ਸ਼ਲਾਘਾ ਕੀਤੀ | ਕੈਂਪ ਦੇ ਆਖ਼ਰੀ ਦਿਨ ਸਮੂਹ ਸਿੱਖਿਆਰਥੀਆਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ |