ਮੁੰਬਈ, 28 ਮਾਰਚ (ਪੀ. ਟੀ. ਆਈ.)-ਵਿਸ਼ਾਖਾਪਟਨਮ ਤੋਂ ਦਿੱਲੀ ਜਾ ਰਹੀ ਇੱਕ ਇੰਡੀਗੋ ਉਡਾਣ, ਜਿਸ ਵਿੱਚ 160 ਮੁਸਾਫਿਰ ਸਨ, ਸਨਿਚਰਵਾਰ ਨੂੰ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਇੰਜਣ ਫੇਲ੍ਹ ਹੋਣ ਕਾਰਨ ਹੰਗਾਮੀ ਹਾਲਾਤ 'ਚ ਉਤਾਰੀ ਗਈ¢ ਇੱਕ ਸੂਤਰ ਨੇ ਦੱਸਿਆ ਕਿ ਇੰਜਣ ਫੇਲ੍ਹ ਹੋਣ ਕਾਰਨ ਸਵੇਰੇ 10:39 ਵਜੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਇੰਡੀਗੋ ਵਿਸ਼ਾਖਾਪਟਨਮ-ਦਿੱਲੀ ਉਡਾਣ 6ਈ 579 ਲਈ 'ਪੂਰੀ ਹੰਗਾਮੀ ਹਾਲਾਤ' ਐਲਾਨ ਕੀਤੀ ਗਈ ਸੀ¢ ਬੋਇੰਗ 737 ਜਹਾਜ਼ 160 ਮੁਸਾਫਿਰਾਂ ਨੂੰ ਲੈ ਕੇ ਜਾ ਰਿਹਾ ਸੀ¢ ਫਲਾਈਟ ਟਰੈਕਿੰਗ ਵੈੱਬਸਾਈਟ ਫਲਾਈਟਰਡਾਰ 24.ਕਾਮ ਦੇ ਅਨੁਸਾਰ ਉਡਾਣ ਸਵੇਰੇ 10:59 ਵਜੇ ਉਤਾਰੀ ਗਈ¢ ਇਸ ਦÏਰਾਨ ਇੰਡੀਗੋ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ 28 ਮਾਰਚ, 2026 ਨੂੰ ਵਿਸ਼ਾਖਾਪਟਨਮ ਤੋਂ ਦਿੱਲੀ ਜਾ ਰਹੀ ਇੰਡੀਗੋ ਫਲਾਈਟ 6ਈ 579 ਵਿਚ ਉਤਰਨ ਤੋਂ ਥੋੜ੍ਹੀ ਦੇਰ ਪਹਿਲਾਂ ਤਕਨੀਕੀ ਖਰਾਬੀ ਆਈ¢ ਸਾਵਧਾਨੀ ਦੇ ਤÏਰ 'ਤੇ ਅਤੇ ਸਟੈਂਡਰਡ ਓਪਰੇਟਿੰਗ ਪ੍ਰਕਿਰਿਆ ਦੇ ਅਨੁਸਾਰ ਪਾਇਲਟਾਂ ਨੇ ਪ੍ਰਾਥਮਿਕਤਾ ਉਤਾਰਾ ਦੀ ਬੇਨਤੀ ਕੀਤੀ ਅਤੇ ਜਹਾਜ਼ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਸੁਰੱਖਿਅਤ ਢੰਗ ਨਾਲ ਉਤਰ ਗਿਆ | ਇੰਡੀਗੋ ਦੇ ਬੁਲਾਰੇ ਨੇ ਕਿਹਾ ਕਿ ਸਾਰੇ ਸੰਬੰਧਿਤ ਅਧਿਕਾਰੀਆਂ ਨੂੰ ਤੁਰੰਤ ਸੂਚਿਤ ਕਰ ਦਿੱਤਾ ਗਿਆ ਸੀ ਅਤੇ ਜਹਾਜ਼ ਦੀ ਜ਼ਰੂਰੀ ਜਾਂਚ ਅਤੇ ਰੱਖ-ਰਖਾਅ ਕੀਤੀ ਜਾ ਰਹੀ ਹੈ¢
