ਨੌਜਵਾਨਾਂ ਤੇ ਲੋਕਤੰਤਰ ਦੀ ਜਿੱਤ-ਸ਼ਰਦ ਪਵਾਰ

ਮੁੰਬਈ, 25 ਜੁਲਾਈ (ਏਜੰਸੀ)-ਐਨ.ਸੀ.ਪੀ. (ਐਸ.ਪੀ.) ਦੇ ਪ੍ਰਧਾਨ ਸ਼ਰਦ ਪਵਾਰ ਨੇ ਕਿਹਾ ਕਿ ਕੇਂਦਰੀ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਦਾ ਅਸਤੀਫ਼ਾ ਦੇਸ਼ ’ਚ ਨੌਜਵਾਨ ਸ਼ਕਤੀ ਤੇ ਲੋਕਤੰਤਰ ਦੀ ਏਕਤਾ ਲਈ ਵੱਡੀ ਜਿੱਤ ਹੈ। ਉਨ੍ਹਾਂ ਕਿਹਾ ਕਿ ਨੀਟ ਪੇਪਰ ਲੀਕ ਮਾਮਲੇ ’ਚ ਦਿੱਲੀ ਦੇ ਜੰਤਰ-ਮੰਤਰ ’ਤੇ ਲਗਾਤਾਰ 28 ਦਿਨਾਂ ਤੱਕ ਨੌਜਵਾਨਾਂ ਨੇ ਜੋ ਸੰਘਰਸ਼ ਤੇ ਦ੍ਰਿੜਤਾ ਵਿਖਾਈ, ਉਹ ਤਾਰੀਫ਼ ਦੇ ਕਾਬਿਲ ਹੈ। ਇਹ ਲੜਾਈ ਜੋ ਬਿਨਾਂ ਡਰੇ ਦਮਨ ਖ਼ਿਲਾਫ਼ ਮਜ਼ਬੂਤੀ ਨਾਲ ਖੜੀ ਰਹੀ ਤੇ ਸਰਕਾਰ ਨੂੰ ਅਨਿਆਂ ਖਿਲਾਫ਼ ਨੈਤਿਕ ਜ਼ਿੰਮੇਵਾਰੀ ਸਵੀਕਾਰ ਕਰਨ ਲਈ ਮਜ਼ਬੂਰ ਕੀਤਾ, ਲੋਕਤੰਤਰ ਦੀ ਤਾਕਤ ਦਾ ਪ੍ਰਤੀਕ ਹੈ।