ਗੜ੍ਹਸ਼ੰਕਰ, 12 ਅਪ੍ਰੈਲ (ਧਾਲੀਵਾਲ)- ਕੁਲ ਹਿੰਦ ਕਿਸਾਨ ਸਭਾ ਦਾ 90ਵਾਂ ਸਥਾਪਨਾ ਦਿਵਸ ਪਿੰਡ ਚੱਕ ਫੁੱਲੂ ਵਿਖੇ ਨੰਬਰਦਾਰ ਸੁਰਿੰਦਰ ਸਿੰਘ ਮੰਡੇਰ ਦੀ ਪ੍ਰਧਾਨਗੀ ਹੇਠ ਮਨਾਇਆ ਗਿਆ | ਇਸ ਮੌਕੇ ਸੂਬਾਈ ਮੀਤ ਪ੍ਰਧਾਨ ਦਰਸ਼ਨ ਸਿੰਘ ਮੱਟੂ ਨੇ ਕੁਲ ਹਿੰਦ ਕਿਸਾਨ ਸਭਾ ਵਲੋਂ ਲੜੇ ਤੇ ਜਿੱਤੇ ਗਏ ਸੰਗਰਾਮ, ਲਹੌਰ ਨਵੇਂ ਬੰਦੋਬਸਤ 1940 ਵਿਚ ਜਿੱਤੇ ਘੋਲ, 1948 ਤੋਂ 1952 ਮੁਜ਼ਾਹਰਾ ਘੋਲ 20 ਲੱਖ ਏਕੜ ਮੁਜ਼ਾਹਰਿਆਂ ਨੂੰ ਮਾਲਕੀ ਹੱਕ ਦਿਵਾਉਣ, 1959 ਵਿਚ 142 ਕਰੋੜ ਖੁਸ਼ਹੁਐਤੀ ਟੈਕਸ ਮੁਆਫ਼ ਕਰਵਾਉਣ, 2020-21 ਵਿਚ ਤਿੰਨ ਕਾਲੇ ਕਾਨੂੰਨ ਰੱਦ ਕਰਵਾਉਣ ਲਈ 380 ਦਿਨ ਚੱਲ ਘੋਲ ਵਿਚ ਪਾਏ ਯੋਗਦਾਨ 'ਤੇ ਚਾਨਣਾ ਪਾਇਆ | ਕੁਲਵਿੰਦਰ ਸੰਘਾ ਪ੍ਰਧਾਨ ਵਿਕਾਸ ਮੰਚ ਗੜ੍ਹਸ਼ੰਕਰ ਨੇ ਲੋਕ ਸੰਘਰਸ਼ਾਂ 'ਤੇ ਚਾਨਣਾ ਪਾਇਆ | ਇਸ ਮੌਕੇ ਅਵਤਾਰ ਸਿੰਘ ਮੰਡੇਰ, ਕੁਲਵਿੰਦਰ ਸਿੰਘ ਮੰਡੇਰੀ, ਰਣਜੋਧ ਸਿੰਘ ਮੰਡੇਰ, ਜਗਦੀਸ਼ ਸਿੰਘ, ਦੀਪਾ, ਜਸਵੀਰ ਸਿੰਘ, ਪਰਵਿੰਦਰ ਸਿੰਘ, ਰੇਸ਼ਮ ਸਿੰਘ, ਅਵਤਾਰ ਸਿੰਘ, ਪ੍ਰੇਮ ਸਿੰਘ ਪ੍ਰੇਮੀ, ਨਿਰਮਲ ਸਿ ੰਘ, ਜਸਵੀਰ ਸਿੰਘ, ਸੁਲੱਖਣ ਸਿੰਘ ਮੰਡੇਰ, ਦਿਲਾਵਰ ਸਿੰਘ, ਗੁਰਵਿੰਦਰ ਸਿੰਘ, ਤਲਵਣ ਸਿੰਘ, ਸਤਪਾਲ ਸਿੰਘ, ਅਵਤਾਰ ਸਿੰਘ ਘੋਗਾ, ਵਿਜੈ ਕੁਮਾਰ ਆਦਿ ਹਾਜ਼ਰ ਹੋਏ |
