ਪ੍ਰਵਾਸੀਆਂ ਦੀਆਂ ਝੁੱਗੀਆਂ ਅੱਗ ਲੱਗਣ ਕਰਕੇ ਸੜਕੇ ਸੁਆਹ

ਅੱਡਾ ਸਰਾਂ , 29 ਅਪ੍ਰੈਲ (ਮਸੀਤੀ)-ਅੱਡਾ ਸਰਾਂ ਤੇ ਢੱਟ ਪੁਲੀ ਨਜ਼ਦੀਕ ਪ੍ਰਵਾਸੀ ਮਜ਼ਦੂਰਾਂ ਦੇ ਝੁੱਗੀਆਂ ਨੂੰ ਅੱਗ ਲੱਗਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਵਾਸੀ ਸਤਵੀਰ ਪੁੱਤਰ ਗੰਗਾ ਰਾਮ ਵਾਸੀ ਯੂ. ਪੀ. ਨੇ ਦੱਸਿਆ ਕਿ ਉਹ ਮਜ਼ਦੂਰੀ ਕਰਦਾ ਹੈ ਅਤੇ ਪਰਿਵਾਰ ਸਮੇਤ ਕਾਫ਼ੀ ਸਮੇਂ ਤੋਂ ਇੱਥੇ ਰਹਿ ਰਿਹਾ ਹੈ | ਜੱਦੋ ਅਸੀਂ ਬਾਹਰ ਕੰਮ 'ਤੇ ਗਏ ਹੋਏ ਸੀ ਮਗਰੋਂ ਝੁੱਗੀਆਂ ਨੂੰ ਅਚਾਨਕ ਅੱਗ ਲੱਗ ਗਈ ਅਤੇ ਅੱਗ ਲੱਗਣ ਕਰਕੇ ਝੁੱਗੀ ਅੰਦਰ ਪਏ ਮੰਜੇ, ਬਿਸਤਰੇ, ਖਾਣ-ਪੀਣ ਦਾ ਸਮਾਨ, ਸਾਈਕਲ, ਕੱਪੜੇ, ਬੈਟਰਾਂ ਅਤੇ ਨਕਦੀ ਦਸ ਹਜ਼ਾਰ ਦੇ ਕਰੀਬ ਰੁਪਏ ਆਦਿ ਸਮਾਨ ਸੜਕੇ ਸੁਆਹ ਹੋ ਗਿਆ ਹੈ | ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਨਹੀਂ ਪਤਾ ਲੱਗ ਸਕਿਆ |