ਕੋਟਫ਼ਤੂਹੀ, 2 ਮਈ (ਅਟਵਾਲ)-ਸਰਕਾਰੀ ਮਿਡਲ ਸਕੂਲ ਹਕੂਮਤਪੁਰ 'ਚ ਪੜ੍ਹਦੀਆਂ 2 ਵਿਦਿਆਰਥਣਾਂ ਤੇਜੱਸਵੀ ਪੁੱਤਰੀ ਹਰਜਿੰਦਰ ਸਿੰਘ ਤੇ ਏਕਮ ਕÏਰ ਸਪੁੱਤਰੀ ਰਾਮ ਲੁਭਾਇਆ ਨੇ ਪੰਜਾਬ ਸਰਕਾਰ ਵਲੋਂ ਚਲਾਈ ਜਾ ਰਹੀ ਨੈਸ਼ਨਲ-ਮੀਨਜ਼-ਕਮ-ਮੈਰਿਟ ਸਕਾਲਰਸ਼ਿਪ ਦਾ ਟੈੱਸਟ ਪਾਸ ਕੀਤਾ, ਜਿਸ ਤਹਿਤ ਬੱਚੀਆਂ ਨੂੰ 12 ਹਜ਼ਾਰ ਸਾਲਾਨਾ ਵਜ਼ੀਫ਼ਾ ਅਗਲੇ ਚਾਰ ਸਾਲ ਲਈ ਪ੍ਰਾਪਤ ਹੋਵੇਗਾ, ਜਿਸ ਦੀ ਕੁਲ ਰਕਮ 48,000 ਹੋਵੇਗੀ | ਸਰਕਾਰੀ ਮਿਡਲ ਸਕੂਲ ਹਕੂਮਤਪੁਰ ਦੀਆਂ ਵਿਦਿਆਰਥੀ ਪਹਿਲਾਂ ਵੀ ਐਨ. ਐਮ. ਐਮ. ਐਸ. ਦਾ ਟੈੱਸਟ ਪਾਸ ਕਰ ਚੁੱਕੇ ਹਨ ਤੇ ਵਜ਼ੀਫ਼ਾ ਪ੍ਰਾਪਤ ਕਰ ਰਹੇ ਹਨ | ਇਸ ਮੌਕੇ ਬੱਚਿਆਂ ਦੇ ਮਾਪਿਆਂ ਨੇ ਸਕੂਲ ਮੁਖੀ ਡਾ. ਗੁਰਪ੍ਰੀਤ ਕÏਰ (ਹਿੰਦੀ ਮਿਸਟੈੱ੍ਰਸ) ਤੇ ਮਿਸ ਸੁਮਨ ਦੇਵੀ (ਸਾਇੰਸ ਮਿਸਟੈੱ੍ਰਸ) ਦਾ ਧੰਨਵਾਦ ਕੀਤਾ | ਵਿਦਿਆਰਥਣਾਂ ਨੂੰ ਅਧਿਆਪਕਾਂ ਵਲੋਂ ਸਕੂਲ ਪੱਧਰ 'ਤੇ ਸਨਮਾਨਿਤ ਕੀਤਾ |
