ਹੁਸ਼ਿਆਰਪੁਰ, 15 ਮਈ (ਨਰਿੰਦਰ ਸਿੰਘ ਬੱਡਲਾ, ਹਰਪ੍ਰੀਤ ਕੌਰ)-ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਡੈਲੀਗੇਟ ਐਡਵੋਕੇਟ ਰੋਹਿਤ ਜੋਸ਼ੀ ਨੇ ਕਿਹਾ ਕਿ ਭਾਜਪਾ ਦੀ ਕੇਂਦਰ ਸਰਕਾਰ ਵਲੋਂ ਚੋਣਾਂ ਖ਼ਤਮ ਹੰੁਦਿਆਂ ਹੀ ਫੇਰ ਤੋਂ ਆਮ ਲੋਕਾਂ 'ਤੇ ਮਹਿੰਗਾਈ ਦਾ ਬੋਝ ਪਾ ਦਿੱਤਾ ਹੈ | ਇਸ ਤੋਂ ਇਹ ਸਾਫ਼ ਦਿਸਦਾ ਹੈ ਕਿ ਇਹ ਸਰਾਸਰ ਮੋਦੀ ਸਰਕਾਰ ਦਾ ਰਾਜਨੀਤਿਕ ਖੇਡ ਸੀ | ਭਾਜਪਾ ਵਲੋਂ ਪੈਟਰੋਲ, ਡੀਜ਼ਲ, ਦੀਆ ਕੀਮਤਾਂ 3 ਰੁਪਏ ਤੋਂ ਵੱਧ ਤੇ ਸੀ. ਐਨ. ਜੀ. ਦੀ ਕੀਮਤ 'ਚ 2 ਰੁਪਏ ਵਾਧਾ ਕਰਕੇ ਦੇਸ਼ ਭਰ ਵਿਚ ਮਹਿੰਗਾਈ ਨੂੰ ਸੱਦਾ ਦਿੱਤਾ ਹੈ ਤੇ ਵੱਡੀਆਂ ਕੰਪਨੀਆਂ ਨੂੰ ਫ਼ਾਇਦਾ ਦੇਣ ਲਈ ਤੇਲ ਦੀਆ ਕੀਮਤਾਂ ਵਧਾ ਕੇ ਉਸ ਦੀ ਆਮ ਲੋਕਾਂ ਤੋਂ ਵਸੂਲੀ ਕਰਨੀ ਸ਼ੁਰੂ ਕਰ ਦਿੱਤੀ ਹੈ | ਇਸ ਮੌਕੇ ਐਡਵੋਕੇਟ ਜੋਸ਼ੀ ਨੇ ਕਿਹਾ ਕਿ ਤੇਲ ਦੀਆ ਕੀਮਤਾਂ ਵਧਣ ਨਾਲ ਮਹਿੰਗਾਈ ਹੋਰ ਵਧੇਗੀ ਅਤੇ ਇਸ ਨਾਲ ਟਰਾਂਸਪੋਰਟ, ਖੇਤੀ ਤੇ ਘਰੇਲੂ ਜੀਵਨ ਪੂਰੀ ਤਰਾ ਨਾਲ ਪ੍ਰਭਾਵਿਤ ਹੋ ਜਾਵੇਂਗਾ ਕਿਉਂਕਿ ਭਾਜਪਾ ਦੀ ਨੀਤੀ ਹਮੇਸ਼ਾ ਲੋਕ ਮਾਰੂ ਰਹੀ ਹੈ |
