ਨੰਗਲ ਬਿਹਾਲਾਂ, 15 ਮਈ (ਵਿਨੋਦ ਮਹਾਜਨ)-ਆਕਸਫੋਰਡ ਵਰਲਡ ਸਕੂਲ ਸਹੌੜਾ ਡਡਿਆਲ ਦਾ 12ਵੀਂ ਜਮਾਤ (ਸੀ.ਬੀ.ਐਸ.ਈ ਬੋਰਡ) ਦਾ ਨਤੀਜਾ ਸੌ ਫ਼ੀਸਦੀ ਰਿਹਾ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਪਿ੍ੰਸੀਪਲ ਸਰੋਜ਼ ਬਾਲਾ ਅਤੇ ਚੇਅਰਮੈਨ ਡਾਕਟਰ ਐਡਵੋਕੇਟ ਦੇ ਐਸ ਮਿਨਹਾਸ ਨੇ ਦੱਸਿਆ ਕਿ ਸਕੂਲ ਦੀ ਵਿਦਿਆਰਥਣ ਪਿ੍ਆ ਰਾਣੀ ਅਤੇ ਅਤੇ ਜਾਨਵੀ ਨੇ 89 ਫ਼ੀਸਦੀ ਲੈ ਕੇ ਪਹਿਲਾ, ਦਿਵਯਾਂਕਾ ਰਾਣੀ ਨੇ 86 ਫ਼ੀਸਦੀ ਲੈ ਕੇ ਦੂਜਾ, ਦੀਆ ਰਾਣੀ ਨੇ 85 ਫ਼ੀਸਦੀ ਲੈ ਕੇ ਤੀਸਰਾ, ਜੈਸਮੀਨ ਘੁੰਮਣ ਨੇ 84 ਫ਼ੀਸਦੀ ਲੈ ਕੇ ਚੌਥਾ, ਅਵੰਤਿਕਾ ਨੇ 81 ਫ਼ੀਸਦੀ ਲੈ ਕੇ ਪੰਜਵਾਂ, ਅਨਮੋਲ ਮਹਿਤਾ ਨੇ 80 ਫ਼ੀਸਦੀ ਲੈ ਕੇ ਛੇਵਾਂ, ਸਿਮਰਨਜੀਤ ਕੌਰ ਨੇ 79 ਫਸਦੀ ਲੈ ਕੇ ਸੱਤਵਾਂ ਦਰਜਾ ਹਾਸਲ ਕੀਤਾ | ਸਾਰੇ ਵਿਦਿਆਰਥੀਆਂ ਨੇ ਆਪਣੀ ਮਿਹਨਤ ਅਤੇ ਲਗਨ ਨਾਲ ਆਪਣੇ ਸਕੂਲ ਅਤੇ ਮਾਤਾ-ਪਿਤਾ ਦਾ ਨਾਂ ਰੌਸ਼ਨ ਕੀਤਾ | ਵਿਦਿਆਰਥੀਆਂ ਦੀ ਇਸ ਪ੍ਰਾਪਤੀ ਤੇ ਸਕੂਲ ਦੇ ਚੇਅਰਮੈਨ ਐਡਵੋਕੇਟ ਡਾਕਟਰ ਜੇ. ਐਸ. ਮਿਨਹਾਸ ਅਤੇ ਪਿ੍ੰਸੀਪਲ ਸਰੋਜ ਬਾਲਾ ਨੇ ਵਧਾਈ ਦਿੱਤੀ ਅਤੇ ਉਨ੍ਹਾਂ ਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕੀਤੀ |
