ਤਲਵਾੜਾ, 18 ਮਈ (ਮਨੀਸ਼ਾ ਮਹਿਤਾ)-ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਨਤੀਜਿਆਂ 'ਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਚਮੂਹੀ ਦੀ ਵਿਦਿਆਰਥਣ ਸੁਹਾਨੀ ਰਾਣਾ ਪੁੱਤਰੀ ਸਰਪੰਚ ਪਿੰਡ ਤੂੰਗ ਸਰਜੀਵਨ ਕੁਮਾਰ ਨੇ ਦਸਵੀਂ ਦੀ ਪ੍ਰੀਖਿਆ ਵਿਚੋਂ 93 ਫ਼ੀਸਦੀ ਅੰਕ ਲੈ ਕੇ ਸਕੂਲ 'ਚ ਦੂਜਾ ਸਥਾਨ ਕੀਤਾ ਹੈ | ਵਿਦਿਆਰਥਣ ਇਸ਼ਤਾ ਸ਼ਰਮਾ ਸਪੁੱਤਰੀ ਸੁਰਿੰਦਰ ਕੁਮਾਰ ਨਿਵਾਸੀ ਮੰਗੂ ਮੈਰਾ (ਤਲਵਾੜਾ) 12ਵੀਂ ਨਾਨ ਮੈਡੀਕਲ 'ਚ 98.20 ਫ਼ੀਸਦੀ ਅੰਕ ਲੈ ਕੇ ਹੁਸ਼ਿਆਰਪੁਰ ਜ਼ਿਲ੍ਹੇ 'ਚ ਪਹਿਲਾ ਸਥਾਨ ਹਾਸਿਲ ਕਰਕੇ ਆਪਣੇ ਪਿੰਡ ਮਾਪਿਆਂ ਅਤੇ ਸਕੂਲ ਦੇ ਨਾਂਅ ਨੂੰ ਚਾਰ ਚੰਨ ਲਾਏ ਹਨ | ਪਿੰਡ ਤੂੰਗ ਵਿਖੇ ਇਕ ਸਮਾਗਮ ਦੌਰਾਨ ਹਲਕਾ ਵਿਧਾਇਕ ਐਡ. ਸ. ਕਰਮਵੀਰ ਸਿੰਘ ਘੁੰਮਣ ਨੇ ਦੋਨਾਂ ਹੋਣਹਾਰ ਵਿਦਿਆਰਥਣਾਂ ਨੂੰ ਸਮਰਿਤੀ ਚਿੰਨ੍ਹ ਦੇ ਸਨਮਾਨਿਤ ਕੀਤਾ | ਇਸ ਮੌਕੇ ਪਵਨ ਕੁਮਾਰ ਸ਼ਰਮਾ, ਨੀਲਮ ਸ਼ਰਮਾ, ਸ਼ਿਵ ਕੁਮਾਰ, ਦਰਸ਼ਨਾ ਦੇਵੀ, ਰਾਜ ਕੁਮਾਰ ਸ਼ਰਮਾ, ਕਿਸ਼ਨ ਦੱਤ ਸ਼ਰਮਾ, ਗੋਰਵ ਸ਼ਰਮਾ, ਊਮਾ ਸ਼ਰਮਾ, ਪੂਨਮ ਸ਼ਰਮਾ, ਜਰਨੈਲ ਸਿੰਘ ਬੰਟੀ ਆਦਿ ਵੀ ਹਾਜ਼ਰ ਸਨ |