ਤਲਵਾੜਾ, 19 ਮਈ (ਮਨੀਸ਼ਾ ਮਹਿਤਾ)- ਆਮ ਆਦਮੀ ਪਾਰਟੀ ਵਲੋਂ ਜਿੱਥੇ ਪੂਰੇ ਦਸੂਹਾ ਹਲਕੇ 'ਚ ਬੇਮਿਸਾਲ ਕਾਰਜ ਕਰਵਾਏ ਹਨ, ਉੱਥੇ ਹੀ ਦਸੂਹਾ ਸ਼ਹਿਰ ਦੇ ਸਾਰੇ ਹੀ ਵਾਰਡਾਂ 'ਚ ਵੱਡੇ-ਵੱਡੇ ਵਿਕਾਸ ਕਾਰਜਾਂ ਦੀ ਉਸਾਰੀ ਹੋਈ ਹੈ | ਇਹ ਪ੍ਰਗਟਾਵਾ ਨਗਰ ਪੰਚਾਇਤ ਤਲਵਾੜਾ ਦੇ ਪ੍ਰਧਾਨ ਹਰਸ਼ ਕੁਮਾਰ ਆਸ਼ੂ ਅਰੋੜਾ ਨੇ ਦਸੂਹਾ ਵਿਖੇ ਚੋਣ ਪ੍ਰਚਾਰ ਤੋਂ ਬਾਅਦ ਤਲਵਾੜਾ ਵਿਖੇ ਪੱਤਰਕਾਰਾਂ ਨਾਲ ਕੀਤਾ | ਉਨ੍ਹਾਂ ਕਿਹਾ ਕਿ ਸਾਡੀ ਤਲਵਾੜਾ ਟੀਮ ਨੇ ਨਗਰ ਕੌਂਸਲ ਦੇ 15 ਵਾਰਡਾਂ 'ਚ ਹੀ ਚੋਣ ਪ੍ਰਚਾਰ ਕੀਤਾ ਹੈ | ਹਲਕਾ ਵਿਧਾਇਕ ਐਡ. ਕਰਮਵੀਰ ਸਿੰਘ ਘੁੰਮਣ ਵਲੋਂ ਕਰਵਾਏ ਗਏ ਸਰਵਪੱਖੀ ਵਿਕਾਸ ਤੋਂ ਪ੍ਰਭਾਵਿਤ ਹੋ ਕੇ ਸਮੂਹ ਵਾਰਡ ਵਾਸੀ ਆਮ ਆਦਮੀ ਪਾਰਟੀ ਦੇ ਨੁਮਾਇੰਦਿਆਂ ਨੂੰ ਜਿਤਾਉਣ ਦਾ ਮਨ ਬਣਾਈ ਬੈਠੇ ਹਨ | ਇਸ ਮੌਕੇ ਮੀਤ ਪ੍ਰਧਾਨ ਅੰਕੂਸ਼ ਸੂਦ, ਐਮ. ਸੀ. ਕਲਾਵਤੀ, ਐਮ. ਸੀ. ਪ੍ਰਦੀਪ ਸਰਫੀ, ਵਿਕਰਾਂਤ ਯੋਤੀ, ਕਿਸ਼ੋਰੀ ਲਾਲ, ਸ਼ੰਭੂ ਦੱਤ ਆਦਿ ਵੀ ਹਾਜ਼ਰ ਸਨ |
