ਐਮਾਂ ਮਾਂਗਟ, 10 ਜੂਨ (ਗੁਰਾਇਆ) - ਉਪ ਮੰਡਲ ਮੁਕੇਰੀਆਂ ਦੇ ਪਿੰਡ ਦੇਵੀਦਾਸ ਤੋਂ ਇਕ ਵਿਅਕਤੀ ਦੇ ਭੇਦਭਰੀ ਹਾਲਤ ਵਿਚ ਗੁੰਮ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਗੁਰਦੀਪ ਸਿੰਘ ਪੁੱਤਰ ਕਰਨੈਲ ਸਿੰਘ ਨਿਵਾਸੀ ਦੇਵੀਦਾਸ ਥਾਣਾ ਮੁਕੇਰੀਆਂ ਜਿਸ ਦੀ ਕਿ ਉਮਰ 60 ਸਾਲ, ਰੰਗ ਸਾਂਵਲਾ, ਚਿੱਟੇ ਰੰਗ ਦਾ ਕੁੜਤਾ ਪਜਾਮਾ ਪਾਇਆ ਹੋਇਆ ਸੀ, ਜੋ ਕਿ ਬੀਤੇ ਦਿਨੀਂ ਘਰੋਂ ਪਿੰਡ ਨਰਾਇਣਗੜ੍ਹ ਵਿਖੇ ਚੱਲ ਰਹੇ ਸਮਾਗਮ ਵਿਚ ਮੱਥਾ ਟੇਕਣ ਲਈ ਗਿਆ ਜਿਸ ਉਪਰੰਤ ਘਰ ਵਾਪਸ ਨਹੀਂ ਆਇਆ | ਆਖ਼ਰੀ ਵਾਰ ਉਸ ਨੂੰ ਰਾਤ ਲਗਭਗ 8:30 ਵਜੇ ਪਿੰਡ ਬਾਜਾਚੱਕ ਦੇ ਨਜ਼ਦੀਕ ਦੇਖਿਆ | ਪ੍ਰੰਤੂ ਉਸ ਮਗਰੋਂ ਉਸ ਦੀ ਕੋਈ ਉੱਘ-ਸੁੱਘ ਨਹੀਂ ਲੱਗੀ | ਪਰਿਵਾਰਿਕ ਮੈਂਬਰਾਂ ਵਲੋਂ ਇਸ ਸਬੰਧੀ ਥਾਣਾ ਮੁਕੇਰੀਆਂ ਵਿਖੇ ਸ਼ਿਕਾਇਤ ਦਰਜ ਕਰਵਾ ਦਿੱਤੀ ਗਈ ਹੈ |
