ਸੜਕ ਹਾਦਸੇ ’ਚ ਪੰਚਨਗਲਾ ਦੇ ਵਿਅਕਤੀ ਦੀ ਮੌਤ

ਕੋਟਫ਼ਤੂਹੀ, 8 ਅਗਸਤ (ਅਵਤਾਰ ਸਿੰਘ ਅਟਵਾਲ)- ਬੀਤੀ ਦੇਰ ਸ਼ਾਮ ਅੱਡਾ ਕੋਟਫ਼ਤੂਹੀ ਤੋਂ ਘਰ ਨੂੰ ਜਾਂਦੇ 50 ਕੁ ਸਾਲਾਂ ਵਿਅਕਤੀ ਦੀ ਬਿਸਤ ਦੁਆਬ ਨਹਿਰ ਵਾਲੀ ਸੜਕ ‘ਤੇ ਅਣਪਛਾਤੇ ਵਾਹਨ ਦੀ ਫੇਟ ਵੱਜਣ ਨਾਲ ਮੌਤ ਹੋਣ ਦੀ ਦੁਖਦਾਈ ਖ਼ਬਰ ਪ੍ਰਾਪਤ ਹੋਈ ਹੈ। ਜਾਣਕਾਰੀ ਅਨੁਸਾਰ 50 ਕੁ ਸਾਲਾਂ ਅਰੁਣ ਕੁਮਾਰ ਪ੍ਰਭਾਕਰ ਨਿਵਾਸੀ ਪਿੰਡ ਪਚਨੰਗਲਾ ਲੁਧਿਆਣੇ ਵਿਖੇ ਫੋਟੋਗ੍ਰਾਫਰਾਂ ਦਾ ਸੈਮੀਨਾਰ ’ਚ ਸ਼ਾਮਿਲ ਹੋ ਕੇ ਸ਼ਾਮ ਨੂੰ ਵਾਪਸ ਕੋਟਫ਼ਤੂਹੀ ਵਿਖੇ ਆਇਆ ਤੇ ਆਪਣੇ ਘਰ ਪਚਨੰਗਲਾ ਨੂੰ ਜਾਣ ਲਈ ਆਪਣੇ ਵੱਡੇ ਭਰਾ ਦੀ ਦੁਕਾਨ ਤੋਂ ਖੜ੍ਹਾ ਮੋਟਰਸਾਈਕਲ ਲੈ ਕੇ ਬਿਸਤ ਦੁਆਬ ਨਹਿਰ ਵਾਲੇ ਪੁਲ ਤੋਂ ਆਪਣੇ ਘਰ ਨੂੰ ਜਾ ਰਿਹਾ ਸੀ, ਜਦੋਂ ਉਹ ਬਾਜ਼ਾਰ ਤੋਂ ਥੋੜ੍ਹਾ ਅੱਗੇ ਗਿਆ ਤਾਂ ਕਿਸੇ ਅਣਪਛਾਤੇ ਵਾਹਨ ਦੀ ਲਪੇਟ ਵਿਚ ਆ ਗਿਆ ਤੇ ਸੜਕ ਉੱਪਰ ਜ਼ਖਮੀ ਹੋ ਕੇ ਡਿਗ ਪਿਆ।