ਹਠੂਰ, 20 ਜੁਲਾਈ (ਛਿੰਦਾ)-ਪੁਲਿਸ ਥਾਣਾ ਹਠੂਰ ਨੇ 80 ਪੇਟੀਆਂ ਸ਼ਰਾਬ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਹੈ। ਥਾਣਾ ਮੁਖੀ ਗੁਰਸੇਵਕ ਸਿੰਘ ਐੱਸ.ਆਈ. ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬੀਤੀ ਰਾਤ ਗਸ਼ਤ ਦੌਰਾਨ ਹਠੂਰ ਤੋਂ ਪਿੰਡ ਚਕਰ ਨੂੰ ਜਾਂਦੀ ਸੜਕ ’ਤੇ ਪੈਂਦੇ ਸੂਏ ਦੇ ਪੁਲ ਦੇ ਨੇੜੇ ਇਨੋਵਾ ਗੱਡੀ ਨੰਬਰ ਡੀ.ਐੱਲ.10 ਸੀ.ਈ.7937 ਕਾਬੂ ਕਰਕੇ ਇਸ ਗੱਡੀ ਵਿੱਚੋਂਂ 80 ਪੇਟੀਆਂ (900 ਬੋਤਲਾਂ) ਸ਼ਰਾਬ ਮਾਰਕਾ 9 ਵਨ ਵਿਸਕੀ, ਜਨਤ ਸੋਫ਼ੀ (ਸੇਲ ਫਾਰ ਚੰਡੀਗੜ੍ਹ) ਬਰਾਮਦ ਕੀਤੀਆਂ ਹਨ। ਇਸ ਸਬੰਧੀ ਮੁਕੱਦਮਾ ਨੰਬਰ 123 ਮਿਤੀ 19.07.2026 ਅ/ਧ 61,78-1-14 ਆਬਕਾਰੀ ਐਕਟ ਥਾਣਾ ਹਠੂਰ ਦਰਜ ਰਜਿਸਟਰ ਕੀਤਾ ਗਿਆ। ਗੱਡੀ ਅਤੇ ਸ਼ਰਾਬ ਦੀਆਂ ਪੇਟੀਆਂ ਪੁਲਿਸ ਨੇ ਕਬਜ਼ੇ ਵਿਚ ਲੈ ਕੇ ਤਫ਼ਤੀਸ਼ ਸ਼ੁਰੂ ਕਰ ਦਿੱਤੀ ਹੈ ਅਤੇ ਫ਼ਰਾਰ ਦੋਸ਼ੀਆਂ ਨੂੰ ਜਲਦੀ ਲੱਭ ਕੇ ਗ੍ਰਿਫਤਾਰ ਕੀਤਾ ਜਾਵੇਗਾ।
