ਮੁਜੱਫਰਪੁਰ ਦੇ ਲੋੜਵੰਦ ਪਰਿਵਾਰ ਦੀ ਮਕਾਨ ਉਸਾਰੀ ਲਈ ਕੀਤੀ ਮਾਲੀ ਮਦਦ

ਉਸਮਾਨਪੁਰ, 7 ਜੂਨ (ਸੰਦੀਪ ਮਝੂਰ)-ਪਿੰਡ ਮੁਜੱਫਰਪੁਰ ਵਿਖੇ ਇਕ ਲੋੜਵੰਦ ਪਰਿਵਾਰ ਦੀ ਮਕਾਨ ਉਸਾਰੀ ਲਈ ਸਮਾਜ ਸੇਵਕ ਪਰਵਿੰਦਰ ਪਾਲ ਸਿੰਘ ਰਠੌਰ ਯੂ. ਐਸ. ਏ. ਵਲੋਂ ਪਿੰਡ ਮੀਰਪੁਰ ਜੱਟਾਂ ਦੀਆਂ ਅਮਰੀਕਾ ਵਿਖੇ ਵੱਸਦੀਆਂ ਸੰਗਤਾਂ ਦੇ ਸਹਿਯੋਗ ਨਾਲ ਇਕ ਲੱਖ ਰੁਪਏ ਦੀ ਮਾਲੀ ਮਦਦ ਭੇਜੀ ਗਈ | ਇਸ ਮੌਕੇ ਭੇਜੀ ਸਹਾਇਤਾ ਸੁਖਵਿੰਦਰ ਸਿੰਘ ਮਿੰਟੂ ਜਾਡਲਾ ਐਨ. ਆਰ. ਆਈ. ਨੰਬਰਦਾਰ ਵਲੋਂ ਪਤਵੰਤਿਆਂ ਦੀ ਹਾਜ਼ਰੀ 'ਚ ਲੋੜਵੰਦ ਪਰਿਵਾਰ ਦੇ ਮੁਖੀ ਹਰਬੰਸ ਕੌਰ ਨੂੰ ਭੇਟ ਕੀਤੀ ਗਈ | ਇਸ ਮੌਕੇ ਸੁਰਜੀਤ ਸਿੰਘ ਸਾਬਕਾ ਸਰਪੰਚ ਨੇ ਸਮੂਹ ਦਾਨੀ ਸੱਜਣਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਕਤ ਪਰਿਵਾਰ ਵਿਚ ਦੋਵੇਂ ਸੱਸ ਨੂੰ ਹ ਵਿਧਵਾ ਹਨ | ਮਕਾਨ ਦੀ ਉਸਾਰੀ ਲਈ ਦਾਨੀ ਸੱਜਣਾਂ ਨੂੰ ਸਹਿਯੋਗ ਦੀ ਅਪੀਲ ਕੀਤੀ ਗਈ ਸੀ | ਸਮੂਹ ਪਿੰਡ ਮੁੱਜਫਪੁਰ ਤੇ ਲੋੜਵੰਦ ਪਰਿਵਾਰ ਇਸ ਨੇਕ ਕਾਰਜ ਲਈ ਦਾਨੀ ਸੱਜਣਾਂ ਦਾ ਧੰਨਵਾਦ ਕਰਦੇ ਹਨ | ਇਸ ਮੌਕੇ ਗੁਰਨਾਮ ਸਿੰਘ ਜੇ. ਈ., ਕਰਨੈਲ ਸਿੰਘ, ਡਾ. ਬਿੱਕੀ ਮੀਰਪੁਰ, ਜੋਬਨ ਸਿੰਘ ਰਠੌਰ, ਮੱਖਣ ਸਿੰਘ, ਮਨਿੰਦਰ ਸਿੰਘ ਇੰਸਪੈਕਟਰ ਰੋਡਵੇਜ਼, ਮਨਜੀਤ ਸਿੰਘ ਆਦਿ ਵੀ ਹਾਜ਼ਰ ਸਨ |