ਦੇਸ਼ ਭਗਤ ਯੂਨੀਵਰਸਿਟੀ ਨੇ ਬਿਰਯਾਨੀ ਮੁਕਾਬਲਾ ਕਰਵਾਇਆ
ਅਮਲੋਹ, 22 ਸਤੰਬਰ (ਕੇਵਲ ਸਿੰਘ)- ਦੇਸ਼ ਭਗਤ ਯੂਨੀਵਰਸਿਟੀ ਦੇ ਹੋਟਲ ਪ੍ਰਬੰਧਨ ਤੇ ਸੈਰ-ਸਪਾਟਾ ਸਕੂਲ ਵਲੋਂ ਵਿਦਿਆਰਥੀਆਂ ਨੂੰ ਆਪਣੀ ਪਾਕ-ਕਲਾ ਦੀ ਨਿਪੁੰਨਤਾ, ਸਿਰਜਣਾਤਮਿਕਤਾ ਤੇ ਰਵਾਇਤੀ ਤੇ ਆਧੁਨਿਕ ਢੰਗ ਨਾਲ ਬਿਰਯਾਨੀ ਤਿਆਰ ਦਾ ਮੁਕਾਬਲਾ ਕਰਵਾਇਆ ਗਿਆ। ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਮੁਕਾਬਲੇ ਵਿਚ ਭਾਗ ਲਿਆ ਤੇ ਵੱਖ-ਵੱਖ ਕਿਸਮਾਂ ਦੀਆਂ ਬਿਰਯਾਨੀਆਂ ਤਿਆਰ ਕੀਤੀਆਂ, ਜਿਨ੍ਹਾਂ ਵਿਚ ਖੇਤਰੀ ਸਵਾਦਾਂ, ਪ੍ਰਮਾਣਿਕ ਪਾਕ-ਵਿਧੀਆਂ, ਨਵੀਨਤਮ ਪੇਸ਼ਕਾਰੀ ਅਤੇ ਪਾਕ-ਕਲਾ ਦੀ ਸਿਰਜਣਾਤਮਿਕਤਾ ਨੂੰ ਦਰਸਾਇਆ ਗਿਆ।
ਅਮਲੋਹ, 22 ਸਤੰਬਰ (ਕੇਵਲ ਸਿੰਘ)- ਦੇਸ਼ ਭਗਤ ਯੂਨੀਵਰਸਿਟੀ ਦੇ ਹੋਟਲ ਪ੍ਰਬੰਧਨ ਤੇ ਸੈਰ-ਸਪਾਟਾ ਸਕੂਲ ਵਲੋਂ ਵਿਦਿਆਰਥੀਆਂ ਨੂੰ ਆਪਣੀ ਪਾਕ-ਕਲਾ ਦੀ ਨਿਪੁੰਨਤਾ, ਸਿਰਜਣਾਤਮਿਕਤਾ ਤੇ ਰਵਾਇਤੀ ਤੇ ਆਧੁਨਿਕ ਢੰਗ ਨਾਲ ਬਿਰਯਾਨੀ ਤਿਆਰ ਦਾ ਮੁਕਾਬਲਾ ਕਰਵਾਇਆ ਗਿਆ। ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਮੁਕਾਬਲੇ ਵਿਚ ਭਾਗ ਲਿਆ ਤੇ ਵੱਖ-ਵੱਖ ਕਿਸਮਾਂ ਦੀਆਂ ਬਿਰਯਾਨੀਆਂ ਤਿਆਰ ਕੀਤੀਆਂ, ਜਿਨ੍ਹਾਂ ਵਿਚ ਖੇਤਰੀ ਸਵਾਦਾਂ, ਪ੍ਰਮਾਣਿਕ ਪਾਕ-ਵਿਧੀਆਂ, ਨਵੀਨਤਮ ਪੇਸ਼ਕਾਰੀ ਅਤੇ ਪਾਕ-ਕਲਾ ਦੀ ਸਿਰਜਣਾਤਮਿਕਤਾ ਨੂੰ ਦਰਸਾਇਆ ਗਿਆ। ਮੁਕਾਬਲੇ ਵਿਚ ਪੇਸ਼ ਕੀਤੀਆਂ ਬਿਰਯਾਨੀਆਂ ਦਾ ਮੁਲਾਂਕਣ ਸਵਾਦ, ਖ਼ੁਸ਼ਬੂ, ਬਣਤਰ, ਪੇਸ਼ਕਾਰੀ, ਸਿਰਜਣਾਤਮਿਕਤਾ, ਸਫ਼ਾਈ ਅਤੇ ਸਮੁੱਚੀ ਪਾਕ-ਕਲਾ ਦੀ ਉੱਤਮਤਾ ਦੇ ਆਧਾਰ ’ਤੇ ਕੀਤਾ ਗਿਆ। ਇਸ ਮੁਕਾਬਲੇ ਨੇ ਵਿਦਿਆਰਥੀਆਂ ਨੂੰ ਵਿਹਾਰਕ ਅਤੇ ਉਦਯੋਗ-ਮੁਖੀ ਸਿੱਖਿਆ ਦਾ ਕੀਮਤੀ ਅਨੁਭਵ ਪ੍ਰਦਾਨ ਕੀਤਾ। ਵਿਭਾਗ ਵਲੋਂ ਚਾਂਸਲਰ ਡਾ. ਜ਼ੋਰਾ ਸਿੰਘ, ਪ੍ਰੋ-ਚਾਂਸਲਰ ਡਾ. ਤਜਿੰਦਰ ਕੌਰ ਅਤੇ ਉਪ-ਕੁਲਪਤੀ ਡਾ. ਹਰਸ਼ ਸਦਾਵਰਤੀ ਵਲੋਂ ਲਗਾਤਾਰ ਦਿੱਤੇ ਜਾ ਰਹੇ ਉਤਸ਼ਾਹ ਅਤੇ ਸਹਿਯੋਗ ਲਈ ਧੰਨਵਾਦ ਪ੍ਰਗਟ ਕੀਤਾ ਗਿਆ। ਇਹ ਪ੍ਰੋਗਰਾਮ ਹੋਟਲ ਪ੍ਰਬੰਧਨ ਅਤੇ ਸੈਰ-ਸਪਾਟਾ ਸਕੂਲ ਦੇ ਡਾਇਰੈਕਟਰ ਡਾ. ਅਮਨ ਸ਼ਰਮਾ ਦੀ ਅਗਵਾਈ ਹੇਠ ਕੀਤਾ ਗਿਆ। ਮੁਕਾਬਲੇ ਦੇ ਸਫਲ ਸੰਚਾਲਨ ਲਈ ਸ਼ੈਫ਼ ਡਾ. ਰੁਪਿੰਦਰ ਕੌਰ, ਸ਼ੈਫ਼ ਸੁਧਾਂਸ਼ੂ ਪ੍ਰਿਯਦਰਸ਼ੀ ਅਤੇ ਚਰਨਪ੍ਰੀਤ ਕੌਰ ਵਲੋਂ ਸਮਰਪਿਤ ਤੌਰ ’ਤੇ ਤਾਲਮੇਲ ਕੀਤਾ ਗਿਆ।
