ਪਠਾਨਕੋਟ, 7 ਮਾਰਚ (ਸੰਧੂ)- ਪ੍ਰਤਾਪ ਵਰਲਡ ਸਕੂਲ ਪਠਾਨਕੋਟ ਦੇ 16 ਵਿਦਿਆਰਥੀਆਂ ਨੇ ਐਸ.ਓ.ਐਫ. ਇੰਟਰਨੈਸ਼ਨਲ ਜਨਰਲ ਨਾਲੇਜ ਓਲੰਪੀਅਡ ਵਿਚ ਗੋਲਡ ਮੈਡਲ ਜਿੱਤ ਕੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ ਹੈ | ਇਹ ਵਕਾਰੀ ਓਲੰਪੀਆਡ ਸਾਇੰਸ ਓਲੰਪੀਅਡ ਫਾਊਾਡੇਸ਼ਨ ਦੁਆਰਾ ਕਰਵਾਇਆ ਸਾਲਾਨਾ ਅਕਾਦਮਿਕ ਮੁਕਾਬਲਾ ਹੈ, ਜਿਸ ਵਿਚ ਪਹਿਲੀ ਤੋਂ ਦਸਵੀਂ ਜਮਾਤ ਦੇ ਵਿਦਿਆਰਥੀ ਹਿੱਸਾ ਲੈਂਦੇ ਹਨ | ਇਹ ਮੁਕਾਬਲਾ ਵਿਦਿਆਰਥੀਆਂ ਦੀ ਮੌਜੂਦਾ ਮਾਮਲਿਆਂ, ਸਮਾਜਿਕ ਤੇ ਰਾਜਨੀਤਿਕ ਵਿਕਾਸ, ਇਤਿਹਾਸ, ਭੂਗੋਲ ਤੇ ਆਮ ਗਿਆਨ ਨਾਲ ਸਬੰਧਤ ਵਿਸ਼ਿਆਂ ਦੀ ਸਮਝ ਦਾ ਮੁਲਾਂਕਣ ਕਰਦਾ ਹੈ | ਸਕੂਲ ਦੇ ਡਾਇਰੈਕਟਰ ਸੰਨੀ ਮਹਾਜਨ ਤੇ ਪਿ੍ੰਸੀਪਲ ਸ਼ੁਬਰਾ ਰਾਣੀ ਨੇ ਦੱਸਿਆ ਕਿ ਸੋਨ ਤਗਮੇ ਜਿੱਤ ਕੇ ਸਕੂਲ ਦਾ ਨਾਂਅ ਰੌਸ਼ਨ ਕਰਨ ਵਾਲੇ ਵਿਦਿਆਰਥੀ ਵਿਚ ਪ੍ਰਗਿਆਨ ਪ੍ਰਤੀਕ, ਦਕਸ਼ ਗੁਪਤਾ, ਮਾਧਵ ਸਰੀਨ, ਯੂਬੀ ਗੁਪਤਾ, ਤਰੇਸ਼, ਸੂਰਯਾਂਸ਼ ਧੀਮਾਨ, ਵੰਸ਼ਿਕਾ ਡਿਗਰਾ, ਅਰਚਿਤ ਸ਼ਰਮਾ, ਆਰਵ ਸ਼ਰਮਾ, ਮੁਹੰਮਦ ਜ਼ੁਬੈਰ, ਪਿਊਸ਼ ਦੱਤਾ, ਸ਼੍ਰੀਸ਼ਾ ਪਟਨਾਇਕ, ਅਬਦੁਲ ਹਨਨ, ਪ੍ਰਥਮ ਗੰਡੋਤਰਾ, ਦੇਵ ਪ੍ਰਤਾਪ ਤੇ ਰਿਸ਼ਨ ਸ਼ਰਮਾ ਸ਼ਾਮਿਲ ਹਨ | ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਕਿਹਾ ਕਿ ਅਜਿਹੀਆਂ ਪ੍ਰਾਪਤੀਆਂ ਸਕੂਲ ਦੀ ਸੰਪੂਰਨ ਤੇ ਗਿਆਨ-ਅਧਾਰਤ ਸਿੱਖਿਆ ਪ੍ਰਣਾਲੀ ਨੂੰ ਦਰਸਾਉਂਦੀਆਂ ਹਨ | ਉਨ੍ਹਾਂ ਕਿਹਾ ਕਿ ਓਲੰਪੀਅਡ ਵਰਗੇ ਪਲੇਟਫ਼ਾਰਮ ਵਿਦਿਆਰਥੀਆਂ ਨੂੰ ਪਾਠ-ਪੁਸਤਕਾਂ ਤੋਂ ਪਰ੍ਹੇ ਦੁਨੀਆ ਦੀ ਵਿਆਪਕ ਸਮਝ ਵਿਕਸਤ ਕਰਨ ਲਈ ਪ੍ਰੇਰਿਤ ਕਰਦੇ ਹਨ | ਉਨ੍ਹਾਂ ਇਸ ਸਫਲਤਾ ਲਈ ਅਧਿਆਪਕਾਂ ਅਤੇ ਮਾਪਿਆਂ ਦੇ ਸਮਰਥਨ ਦੀ ਵੀ ਪ੍ਰਸੰਸਾ ਕੀਤੀ |
