ਬਟਾਲਾ, 2 ਮਈ (ਸਤਿੰਦਰ ਸਿੰਘ)-ਬੀ.ਐੱਮ.ਐੱਸ.ਐੱਮ. ਗਰੁੱਪ ਆਫ ਇੰਸਟੀਚਿਊਟ ਦੇ ਕੈਂਪਸ ਗਗਨ ਇੰਟਰਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਕਲਾਨੌਰ ਵਿਖੇ ਕੌਸਲ ਮੈਂਬਰਾਂ ਦੀ ਚੋਣ ਸਬੰਧੀ ਪਿ੍ੰਸੀਪਲ ਲੋਕੇਸ ਵਿਮਲ ਸੁਕਲਾ ਦੀ ਅਗਵਾਈ ਸਦਕਾ ਸਮਾਗਮ ਕਰਵਾਇਆ ਗਿਆ ਜਿਸ ਵਿਚ ਸੰਸਥਾ ਦੇ ਚੇਅਰਮੈਨ ਇੰਜੀਨੀਅਰ ਕੁਲਵਿੰਦਰ ਸਿੰਘ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਪ੍ਰੋਗਰਾਮ ਦੀ ਸ਼ੁਰੂਆਤ ਭਾਸ਼ਣ ਤੇ ਮਾਰਚ ਪਾਸਟ ਨਾਲ ਕੀਤੀ ਗਈ | ਚੇਅਰਮੈਨ ਇੰਜੀਨੀਅਰ ਕੁਲਵਿੰਦਰ ਸਿੰਘ ਨੇ ਚੁਣੇ ਗਏ ਵਿਦਿਆਰਥੀਆਂ ਨੂੰ ਬੈਚ ਤੇ ਸੈਸ ਪਹਿਨਾ ਕੇ ਸਨਮਾਨਿਤ ਕੀਤਾ | ਇਸ ਮੌਕੇ ਦਸਵੀਂ ਜਮਾਤ ਦੀ ਮਨਸੀਰਤ ਕੌਰ ਨੂੰ ਮੱੁਖ ਲੜਕੀ, ਰਣਜੋਤਪ੍ਰੀਤ ਸਿੰਘ ਨੂੰ ਮੁੱਖ ਲੜਕਾ, ਵਿਸਡਮ ਹਾਊਸ ਵਿਚ ਬਵਨੂਰ ਸਿੰਘ ਨੂੰ ਕੈਪਟਨ ਤੇ ਹਰਸਿਮਰਨਜੀਤ ਕੌਰ ਨੂੰ ਉਪ ਕੈਪਟਨ, ਕਰੇਜ ਹਾਊਸ ਵਿਚ ਏਕਮਜੋਤ ਸਿੰਘ ਨੂੰ ਕੈਪਟਨ ਅਤੇ ਅਨੂਜੋਤ ਕੌਰ ਨੂੰ ਉਪ ਕੈਪਟਨ, ਜੋਇ ਹਾਊਸ ਵਿਚ ਸ਼ੁਭਪ੍ਰੀਤ ਕੌਰ ਨੂੰ ਕੈਪਟਨ ਤੇ ਸਵਿਜਾਨਹੀਰ ਸਿੰਘ ਨੂੰ ਉਪ ਕੈਪਟਨ ਅਤੇ ਪੀਸ ਹਾਊਸ ਵਿਚ ਲੀਜਾ ਅਗਰਵਾਲ ਨੂੰ ਕੈਪਟਨ ਤੇ ਅਭੀਜੋਤ ਸਿੰਘ ਨੂੰ ਉਪ ਕੈਪਟਨ ਚੁਣਿਆ ਗਿਆ | ਚੇਅਰਮੈਨ ਇੰਜੀਨੀਅਰ ਕੁਲਵਿੰਦਰ ਸਿੰਘ ਨੇ ਕਿਹਾ ਕਿ ਪੜ੍ਹਾਈ ਤੋਂ ਇਲਾਵਾ ਸਕੂਲ 'ਚ ਬੱਚਿਆਂ ਨੂੰ ਨੈਤਿਕ ਸਿੱਖਿਆ ਅਤੇ ਸਮਾਜ 'ਚ ਜ਼ਿੰਮੇਵਾਰੀ ਨਾਲ ਵਿਚਰਨ ਸਬੰਧੀ ਵੀ ਸਿੱਖਿਅਤ ਕੀਤਾ ਜਾਂਦਾ ਹੈ | ਉਨ੍ਹਾਂ ਕਿਹਾ ਕਿ ਸਕੂਲ 'ਚ ਬੱਚਿਆਂ ਨੂੰ ਜ਼ਿੰਮੇਵਾਰੀ ਨਿਭਾਉਣ ਦੇ ਕਈ ਮੌਕੇ ਪ੍ਰਦਾਨ ਕੀਤੇ ਜਾਂਦੇ ਹਨ | ਪਿ੍ੰਸੀਪਲ ਲੋਕੇਸ ਵਿਮਲ ਸ਼ੁਕਲਾ ਨੇ ਕਿਹਾ ਕਿ ਇਹ ਅਹੁਦਾ ਇਕ ਸਨਮਾਨ ਨਹੀਂ, ਸਗੋਂ ਵੱਡੀ ਜ਼ਿੰਮੇਵਾਰੀ ਹੈ, ਇਸ ਦੇ ਨਾਲ ਹੀ ਉਨ੍ਹਾਂ ਵਿਦਿਆਰਥੀਆਂ ਨੂੰ ਸੱਚਾਈ ਮਿਹਨਤ ਅਤੇ ਲੀਡਰਸ਼ਿਪ ਨਾਲ ਸਕੂਲ ਵਿਚ ਅਨੁਸਾਸਨ ਕਾਇਮ ਕਰਨ ਤੇ ਆਪਣੀ ਹਰ ਜ਼ਿੰਮੇਵਾਰੀ ਨੂੰ ਸਹੀ ਤਰੀਕੇ ਨਾਲ ਨਿਭਾਉਣ ਲਈ ਪ੍ਰੇਰਿਤ ਕੀਤਾ | ਇਸ ਮੌਕੇ ਕੋਆਰਡੀਨੇਟਰ ਮਨਦੀਪ ਕੌਰ, ਕੋਆਰਡੀਨੇਟਰ ਅਰੁਣ ਬਲਹੋਤਰਾ, ਕੋਆਰਡੀਨੇਟਰ ਹਰਜੀਤ ਕੌਰ ਅਤੇ ਸਕੂਲ ਦਾ ਸਮੂਹ ਸਟਾਫ਼ ਹਾਜ਼ਰ ਸੀ |
