ਬਹਿਰਾਮਪੁਰ, 15 ਮਈ (ਪ੍ਰੋ: ਬਲਬੀਰ ਸਿੰਘ ਕੋਲਾ)-ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਉਪ ਮੰਡਲ ਦਫ਼ਤਰ ਦੀਨਾਨਗਰ ਰੋਡ ਬਹਿਰਾਮਪੁਰ ਤੋਂ ਬਦਲ ਕੇ ਗਾਹਲੜੀ ਰੋਡ ਬਹਿਰਾਮਪੁਰ ਵਿਖੇ ਤਬਦੀਲ ਕੀਤਾ ਜਾ ਰਿਹਾ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਇੰਜੀ: ਅਮਰਦੀਪ ਸਿੰਘ ਨਾਗਰਾ ਨੇ ਦੱਸਿਆ ਕਿ ਮੌਜੂਦਾ ਦਫ਼ਤਰ ਜੋ ਰਾਧਾ ਸੁਆਮੀ ਭਵਨ ਦੀਨਾਨਗਰ ਰੋਡ 'ਤੇ ਹੈ, ਹੁਣ ਇਹ ਦਫ਼ਤਰ ਇੱਥੋਂ ਬਦਲ ਕੇ ਨਵੀਂ ਪ੍ਰਵਾਨ ਹੋਈ ਬਿਲਡਿੰਗ ਕੇ.ਬੀ ਇਨਕਲੇਵ ਗਾਹਲੜੀ ਰੋਡ ਬਹਿਰਾਮਪੁਰ ਵਿਖੇ ਤਬਦੀਲ ਕੀਤਾ ਜਾ ਰਿਹਾ ਹੈ | ਇਸ ਲਈ ਵਡਮੁੱਲੇ ਖਪਤਕਾਰਾਂ ਨੰੂ ਬੇਨਤੀ ਹੈ ਕਿ 18 ਮਈ ਤੋਂ ਦਫ਼ਤਰੀ ਕੰਮਕਾਜ ਜਿਵੇਂ ਬਿੱਲ ਜਮਾ ਕਰਵਾਉਣ ਜਾਂ ਦਫ਼ਤਰੀ ਸ਼ਿਕਾਇਤਾਂ ਲਈ ਨਵੀਂ ਬਿਲਡਿੰਗ ਵਿਚ ਪਹੁੰਚ ਕੀਤੀ ਜਾਵੇ |
