ਬਟਾਲਾ, 19 ਮਈ (ਸਤਿੰਦਰ ਸਿੰਘ)-ਆਰ.ਡੀ. ਖੋਸਲਾ ਡੀ.ਏ.ਵੀ. ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਬਟਾਲਾ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਤੇ ਅੰਮਿ੍ਤਸਰ ਵਿਚ ਹੋਏ ਛੇਵੇਂ ਅੰਤਰ-ਜ਼ਿਲ੍ਹਾ ਐਕਵਾ ਫਲੋਟਿੰਗ ਯੋਗਾ ਮੁਕਾਬਲੇ ਵਿਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ | ਵਿਦਿਆਰਥੀਆਂ ਨੇ ਯੋਗ ਕਲਾ, ਸੰਤੁਲਨ ਅਤੇ ਅਨੁਸ਼ਾਸਨ ਦੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨਾਂ ਨਾਲ ਜੱਜਾਂ ਤੇ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕੀਤਾ | ਅੰਡਰ-5 ਉਮਰ ਸਮੂਹ ਵਿਚ ਮਯੰਕ ਪਹਿਲੇ ਤੇ ਸਿ੍ਸ਼ਟੀ ਦੂਜੇ ਸਥਾਨ 'ਤੇ ਰਹੀ | ਵਿਹਾਸ, ਰੋਜ਼ਲ, ਪ੍ਰਾਂਚੀ ਅਤੇ ਮਾਇਰਾ ਅੰਡਰ-8 ਉਮਰ ਸਮੂਹ ਵਿਚ ਦੂਜੇ, ਗੁਰਨੂਰ ਤੇ ਨਿਮਿ੍ਤ ਅੰਡਰ-10 ਉਮਰ ਸਮੂਹ ਵਿਚ ਪਹਿਲੇ, ਜਦੋਂ ਕਿ ਖੁਸ਼ਪ੍ਰੀਤ, ਅਰਸ਼ਦੀਪ, ਹਰਸੀਰਤ ਤੇ ਜਸਕੀਰਤ ਦੂਜੇ ਸਥਾਨ 'ਤੇ ਰਹੇ | ਕੇਂਜਲ, ਹਰਗੁਨਦੀਪ ਕੌਰ, ਤਨਾਇਆ ਤੇ ਕਸ਼ਿਸ਼ ਅੰਡਰ-12 ਉਮਰ ਸਮੂਹ ਵਿਚ ਪਹਿਲੇ, ਅਵਲੀਨ ਕੌਰ, ਸਿਮਰਤ ਕੌਰ ਤੇ ਮਨਸੀਰਤ ਕੌਰ ਦੂਜੇ, ਅੰਡਰ-14 ਵਰਗ ਵਿਚ ਏਕਮਜੋਤ ਸਿੰਘ, ਅਵਲੀਨ ਕੌਰ, ਰੂਪਾਂਜਲ ਤੇ ਮਨਪ੍ਰੀਤ ਕੌਰ ਨੇ ਪਹਿਲਾ, ਤਨਿਸ਼ਕਾ ਤੇ ਮਨਪ੍ਰੀਤ ਕੌਰ ਨੇ ਦੂਜਾ, ਅੰਡਰ-8 ਵਿਚ ਜੋੜੀ ਤੇ ਸੋਲੋ ਵਿਚ ਨਿਮਿ੍ਤ ਤੇ ਹਰਸਿਤ ਕੌਰ ਦੂਜੇ, ਅੰਡਰ-10 ਵਿਚ ਗੁਰਨੂਰ ਤੇ ਕੇਂਜਲ ਤੀਜੇ, ਅੰਡਰ-12 ਉਮਰ ਵਰਗ ਵਿਚ ਏਕਮਜੋਤ ਸਿੰਘ ਪਹਿਲੇ, ਜਸਕੀਰਤ ਕੌਰ ਤੇ ਮਨਰੀਤ ਕੌਰ ਦੂਜੇ ਸਥਾਨ 'ਤੇ ਰਹੇ | ਸਕੂਲ ਦੇ ਚੇਅਰਮੈਨ ਅਰਵਿੰਦ ਖੋਸਲਾ, ਪ੍ਰਧਾਨ ਸ਼੍ਰੀ ਅਜੈ ਖੋਸਲਾ ਅਤੇ ਪਿ੍ੰਸੀਪਲ ਡਾ. ਬਿੰਦੂ ਭੱਲਾ ਨੇ ਜੇਤੂ ਵਿਦਿਆਰਥੀਆਂ, ਉਨ੍ਹਾਂ ਦੇ ਮਾਪਿਆਂ ਅਤੇ ਕੋਚ ਸ਼੍ਰੀਮਤੀ ਊਸ਼ਾ ਕਿਰਨ ਨੂੰ ਵਧਾਈ ਦਿੱਤੀ | ਉਨ੍ਹਾਂ ਕਿਹਾ ਕਿ ਨਿਰੰਤਰ ਅਭਿਆਸ, ਆਤਮ-ਵਿਸ਼ਵਾਸ ਅਤੇ ਅਨੁਸ਼ਾਸਨ ਸਫਲਤਾ ਦੀਆਂ ਕੁੰਜੀਆਂ ਹਨ | ਉਨ੍ਹਾਂ ਵਿਦਿਆਰਥੀਆਂ ਨੂੰ ਸਖ਼ਤ ਮਿਹਨਤ ਕਰਦੇ ਰਹਿਣ ਅਤੇ ਸਕੂਲ, ਮਾਪਿਆਂ ਤੇ ਇਲਾਕੇ ਦਾ ਨਾਂਅ ਰੌਸ਼ਨ ਕਰਨ ਲਈ ਉਤਸ਼ਾਹਿਤ ਕੀਤਾ | ਉਨ੍ਹਾਂ ਵਿਦਿਆਰਥੀਆਂ ਦੀ ਇਸ ਪ੍ਰਾਪਤੀ 'ਤੇ ਖੁਸ਼ੀ ਪ੍ਰਗਟ ਕਰਦੇ ਹੋਏ ਉਨ੍ਹਾਂ ਦੇ ਸੁਨਹਿਰੀ ਭਵਿੱਖ ਲਈ ਉਨ੍ਹਾਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ | ਖੇਡ ਅਤੇ ਯੋਗਾ ਵਰਗੀਆਂ ਗਤੀਵਿਧੀਆਂ ਵਿਦਿਆਰਥੀਆਂ ਦੇ ਸਰੀਰਕ ਤੇ ਮਾਨਸਿਕ ਵਿਕਾਸ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀਆਂ ਹਨ ਅਤੇ ਇਹੋ ਜਿਹੇ ਆਯੋਜਨ ਬੱਚਿਆਂ ਨੂੰ ਆਪਣੀ ਪ੍ਰਤਿਭਾ ਨਿਖਾਰਨ ਦਾ ਮੌਕਾ ਪ੍ਰਦਾਨ ਕਰਦੇ ਹਨ |
