ਫ਼ਤਹਿਗੜ੍ਹ ਚੂੜੀਆਂ, 12 ਜੂਨ (ਐੱਮ.ਐੱਸ. ਫੁੱਲ)-ਬੀਤੀ ਰਾਤ ਆਏ ਤੂਫ਼ਾਨ ਤੇ ਤੇਜ਼ ਝੱਖੜ ਨਾਲ ਫ਼ਤਹਿਗੜ ਚੂੜੀਆਂ-ਮਜੀਠਾ ਦੇ ਨਜ਼ਦੀਕ ਪਿੰਡ ਭੰਗਵਾਂ ਵਿਖੇ ਪੋਲਟਰੀ ਫਾਰਮ ਦੇ ਸ਼ੈੈੱਡ ਦਾ ਭਾਰੀ ਨੁਕਸਾਨ ਹੋੋਇਆ ਹੈ | ਇਸ ਸਬੰਧੀ ਜਤਿੰਦਰ ਸਿੰਘ ਪੁੱਤਰ ਗੁਰਮੀਤ ਸਿੰਘ ਨੇ ਦੱਸਿਆ ਕਿ ਬੀਤੀ ਰਾਤ ਆਏ ਭਾਰੀ ਤੂਫ਼ਾਨ ਬਾਰਿਸ਼ ਅਤੇ ਚੱਲੇ ਤੇਜ਼ ਝੱਖੜ ਕਾਰਨ ਉਸ ਦੇ ਪੋਲਟਰੀ ਫਾਰਮ ਦੀਆਂ ਟੀਨਾਂ ਉੱਡ ਗਈਆਂ ਤੇ ਕਮਰੇ ਵੀ ਢਹਿ-ਢੇਰੀ ਹੋਏ ਹਨ, ਜਿਸ ਨਾਲ ਉਸ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋਇਆ ਹੈ | ਇਸ ਮੌਕੇ ਜਤਿੰਦਰ ਸਿੰਘ ਵਲੋਂ ਮੁਆਵਜੇ ਦੀ ਮੰਗ ਕੀਤੀ ਗਈ |
