ਫ਼ਾਜ਼ਿਲਕਾ, 5 ਜੂਨ (ਦਵਿੰਦਰ ਪਾਲ ਸਿੰਘ)-ਥਾਣਾ ਬਹਾਵਵਾਲਾ ਦੀ ਪੁਲਿਸ ਨੇ ਇਕ ਵਿਅਕਤੀ ਦੀ ਕੁੱਟਮਾਰ ਕਰਨ ਵਾਲੇ 2 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ | ਜਾਂਚ ਅਧਿਕਾਰੀ ਹੌਲਦਾਰ ਧਰਮਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਗੁੱਡੀ ਦੇਵੀ ਪਤਨੀ ਜਗਦੀਸ਼ ਵਾਸੀ ਸ਼ੇਰੇਵਾਲਾ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਮਿਤੀ 15 ਮਈ ਨੂੰ ਕਰੀਬ 12 ਵਜੇ ਦੁਪਹਿਰ ਉਹ ਆਪਣੇ ਪਤੀ ਜਗਦੀਸ਼ ਅਤੇ ਲੜਕੇ ਸੁਗਰੀਵ ਨਾਲ ਘਰ ਵਿਚ ਮੌਜੂਦ ਸੀ ਤਾਂ ਘਰ ਦੇ ਬਾਹਰ ਇਕ ਕਾਰ ਆਈ, ਜਿਸ ਵਿਚੋਂ ਮਹਾਂਵੀਰ ਪੁੱਤਰ ਕੁਸ਼ਲ ਰਾਮ, ਗਿਰਧਾਰੀ ਪੁੱਤਰ ਮਹਾਂਵੀਰ ਵਾਸੀ ਘੁੰਮੜਵਾਲੀ, ਰਾਜਸਥਾਨ ਅਤੇ ਇਕ ਅਣਪਛਾਤਾ ਵਿਅਕਤੀ ਜੋ ਕਿ ਕਾਰ ਦਾ ਡਰਾਈਵਰ ਸੀ, ਉਤਰ ਕੇ ਆਏ | ਮਹਾਂਵੀਰ ਨੇ ਲਲਕਾਰਾ ਮਾਰ ਕੇ ਕਿਹਾ ਕਿ ਬਾਹਰ ਆਓ ਅੱਜ ਤੁਹਾਨੂੰ ਮਜ਼ਾ ਚਖਾਉਂਦੇ ਹਾਂ, ਜਦੋਂ ਉਹ ਬਾਹਰ ਗਏ ਤਾਂ ਉਨ੍ਹਾਂ ਨੇ ਕਾਰ ਵਿਚੋਂ ਲੱਕੜ ਦੇ ਡੰਡੇ ਅਤੇ ਸੋਟੀਆਂ ਚੁੱਕ ਲਈਆਂ ਅਤੇ ਉਨ੍ਹਾਂ ਦੀ ਕੁੱਟਮਾਰ ਕੀਤੀ | ਜਿਸ ਤੋਂ ਬਾਅਦ ਪੁਲਿਸ ਨੇ ਉਕਤ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ |
