ਅਬੋਹਰ, 23 ਜੁਲਾਈ (ਵਿਵੇਕ ਹੂੜੀਆ)-ਸਰਕਾਰੀ ਹਾਈ ਸਕੂਲ ਰਾਇਪੁਰਾ ਵਿਖੇ ਸੇਵਾਮੁਕਤ ਸੀ.ਬੀ.ਆਈ.ਇੰਸਪੈਕਟਰ ਭੂਪ ਸਿੰਘ ਦੇਵਰਥ ਵਲੋਂ ਸਕੂਲ ਨੂੰ ਇਕ ਹਾਰਸ ਪਾਵਰ ਦੀ ਪਾਣੀ ਵਾਲੀ ਮੋਟਰ ਭੇਟ ਕੀਤੀ ਗਈ। ਇਸ ਮੌਕੇ ਭੂਪ ਸਿੰਘ ਨੇ ਕਿਹਾ ਕਿ ਉਹ ਭਵਿੱਖ ਵਿਚ ਵੀ ਸਕੂਲ ਦੀ ਹਰ ਸੰਭਵ ਮਦਦ ਲਈ ਤਿਆਰ ਰਹਿਣਗੇ। ਸਕੂਲ ਦੇ ਹੈੱਡਮਾਸਟਰ ਮਹਿੰਦਰ ਸੋਖਲ ਅਤੇ ਸਮੂਹ ਸਟਾਫ਼ ਵਲੋਂ ਭੂਪ ਸਿੰਘ ਦਾ ਧੰਨਵਾਦ ਕੀਤਾ ਗਿਆ। ਹੈੱਡਮਾਸਟਰ ਨੇ ਕਿਹਾ ਕਿ ਪਿੰਡ ਵਾਸੀਆਂ ਦੇ ਅਜਿਹੇ ਸਹਿਯੋਗ ਨਾਲ ਸਕੂਲ ਹੋਰ ਬੁਲੰਦੀਆਂ ’ਤੇ ਪਹੁੰਚੇਗਾ। ਇਸ ਮੌਕੇ ਅਧਿਆਪਕਾ ਦੀਪਸ਼ਿਖਾ, ਮੰਜੂ ਵਾਲਾ, ਸੁਗਰੀਵ ਬਿਸ਼ਨੋਈ, ਮਨੀਸ਼ਾ ਰਾਣੀ, ਸੇਂਪਾ ਅਰੋੜਾ, ਮੋਨਿਕਾ ਮਨਚੰਦਾ, ਸੰਦੀਪ, ਅਰਸ਼ਦੀਪ, ਗੁਰਪ੍ਰੀਤ ਕੰਬੋਜ, ਜਸਵੀਰ ਸਿੰਘ (ਪੀ.ਟੀ.ਆਈ.) ਅਤੇ ਕਲਰਕ ਪਰਮੇਸ਼ਵਰੀ ਰਾਣੀ ਹਾਜ਼ਰ ਸਨ।
