ਸਕੂਲ ਦੀ ਅਧਿਆਪਕਾ ਨੇ ਸਕੂਲ ਦੇ ਭਲਾਈ ਫ਼ੰਡਾਂ ਲਈ 21000 ਦੀ ਰਾਸ਼ੀ ਕੀਤੀ ਭੇਟ

ਬੱਲੂਆਣਾ, 24 ਸਤੰਬਰ (ਜਸਮੇਲ ਸਿੰਘ ਢਿੱਲੋਂ)- ਸਰਕਾਰੀ ਹਾਈ ਸਕੂਲ ਢਾਬਾਂ ਕੋਕਰੀਆਂ ਵਿਖੇ ਸਰਕਾਰ ਵਲੋਂ ਤਾਂ ਵਿਕਾਸ ਕਾਰਜ ਚੱਲ ਹੀ ਰਹੇ ਹਨ ਪਰ ਉੱਥੇ ਪਿੰਡ ਦੇ ਲੋਕਾਂ ਤੇ ਅਧਿਆਪਕਾਂ ਵਲੋਂ ਵੀ ਅਕਸਰ ਹੀ ਭਲਾਈ ਫ਼ੰਡਾਂ ਲਈ ਰਾਸ਼ੀ ਭੇਟ ਕੀਤੀ ਜਾਂਦੀ ਹੈ ਜਿਸ ਤਹਿਤ ਸਕੂਲ ਦੀ ਸਾਇੰਸ ਮਿਸਟ੍ਰੈੱਸ ਕੀਰਤੀ ਸੋਖ਼ਲ ਨੇ 21000 ਦੀ ਰਾਸ਼ੀ ਸਕੂਲ ਦੇ ਭਲਾਈ ਫ਼ੰਡਾਂ ਲਈ ਭੇਟ ਕੀਤੀ। ਸਕੂਲ ਮੁੱਖ ਅਧਿਆਪਕ ਨੇ ਕਿਹਾ ਕਿ ਸਾਨੂੰ ਉਨ੍ਹਾਂ ਅਧਿਆਪਕਾਂ ਤੇ ਮਾਪਿਆਂ ’ਤੇ ਹਮੇਸ਼ਾ ਮਾਣ ਮਹਿਸੂਸ ਹੁੰਦਾ ਹੈ ਜੋ ਸਕੂਲ ਵਿਚ ਪੜ੍ਹਦੇ ਬੱਚਿਆਂ ਨੂੰ ਆਪਣੇ ਬੱਚੇ ਮੰਨ ਕੇ ਉਨ੍ਹਾਂ ਦਾ ਸਹਿਯੋਗ ਕਰਦੇ ਹਨ।