ਅੰਮਿ੍ਤਸਰ, 11 ਮਈ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਰਯਾਨ ਇੰਟਰਨੈਸ਼ਨਲ ਸਕੂਲ ਵਿਖੇ ਚੇਅਰਮੈਨ ਡਾ. ਏ. ਐੱਫ. ਪਿੰਟੋ ਅਤੇ ਮੈਨੇਜਿੰਗ ਡਾਇਰੈਕਟਰ ਡਾ. ਗ੍ਰੇਸ ਪਿੰਟੋ ਦੀ ਅਗਵਾਈ ਹੇਠ ਸੀ. ਬੀ. ਐੱਸ. ਈ. ਕੌਸ਼ਲ ਬੋਧ ਗਤੀਵਿਧੀ ਦੇ ਅਧੀਨ ਜਮਾਤ ਸੱਤਵੀਂ ਦੇ 21 ਵਿਦਿਆਰਥੀਆਂ ਨੇ ਜੀਵਨ ਕੌਸ਼ਲ ਅਤੇ ਵਾਤਾਵਰਨ ਜਾਗਰੂਕਤਾ ਵਿਕਸਿਤ ਕਰਨ ਦੇ ਉਦੇਸ਼ ਨਾਲ ਆਯੋਜਿਤ ਇਕ ਅਨੁਭਵਾਤਮਕ ਸਿੱਖਣ ਪ੍ਰੋਗਰਾਮ ਦੇ ਤਹਿਤ ਇਕ ਨਰਸਰੀ ਦਾ ਦੌਰਾ ਕੀਤਾ | ਇਸ ਦੌਰੇ ਨਾਲ ਵਿਦਿਆਰਥੀਆਂ ਨੂੰ ਪੌਦਿਆਂ ਦੀ ਦੇਖਭਾਲ, ਬਾਗਬਾਨੀ ਤਕਨੀਕਾਂ ਅਤੇ ਪਾਰਿਸਥਿਤਿਕ ਸੰਤੁਲਨ ਬਣਾਈ ਰੱਖਣ ਵਿਚ ਹਰਿਆਲੀ ਦੇ ਮਹੱਤਵ ਬਾਰੇ ਵਿਹਾਰਕ ਗਿਆਨ ਪ੍ਰਾਪਤ ਹੋਇਆ | ਇਸ ਦੌਰਾਨ ਵਿਦਿਆਰਥੀਆਂ ਨੇ ਵੱਖ-ਵੱਖ ਕਿਸਮਾਂ ਦੇ ਪੌਦਿਆਂ ਦਾ ਨਿਰੀਖਣ ਕੀਤਾ, ਬੀਜ ਬੋਣ, ਸਿੰਚਾਈ ਵਿਧੀਆਂ ਅਤੇ ਇਕ ਸਿਹਤਮੰਦ ਨਰਸਰੀ ਨੂੰ ਬਣਾਈ ਰੱਖਣ ਵਿਚ ਸ਼ਾਮਿਲ ਪੋਸ਼ਣ ਪ੍ਰਕਿਰਿਆ ਬਾਰੇ ਸਿੱਖਿਆ | ਪਿ੍ੰਸੀਪਲ ਕੰਚਨ ਮਲਹੋਤਰਾ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀਆਂ ਗਤੀਵਿਧੀਆਂ ਵਿਦਿਆਰਥੀਆਂ ਨੂੰ ਵਿਹਾਰਕ ਅਨੁਭਵ ਪ੍ਰਾਪਤ ਕਰਨ ਵਿਚ ਮਦਦ ਕਰਦੀਆਂ ਹਨ, ਨਾਲ ਹੀ ਕਲਾਸ ਤੋਂ ਪਰੇ ਵਾਤਾਵਰਨ ਚੇਤਨਾ ਅਤੇ ਵਿਹਾਰਕ ਕੌਸ਼ਲ ਨੂੰ ਵਧਾਵਾ ਦਿੰਦੀਆਂ ਹਨ |
