ਅੰਮਿ੍ਤਸਰ, 11 ਮਈ (ਹਰਮਿੰਦਰ ਸਿੰਘ)-ਵਿਕਸਿਤ ਅੰਮਿ੍ਤਸਰ ਮੁਹਿੰਮ ਦੇ ਤਹਿਤ ਵਾਰਡ ਨੰਬਰ-10 ਸਥਿਤ ਗਰੀਨ ਫੀਲਡ ਵਿਚ ਨਵ ਵਿਕਸਿਤ ਕੀਤੇ ਗਏ ਤਿ੍ਕੋਣਾ ਪਾਰਕ ਨੂੰ ਸਥਾਨਕ ਲੋਕਾਂ ਨੂੰ ਸਮਰਪਿਤ ਕੀਤਾ ਗਿਆ | ਇਸ ਮੌਕੇ ਮਾਂ ਦਿਵਸ ਨੂੰ ਵਿਸ਼ੇਸ਼ ਰੂਪ ਵਿਚ ਮਨਾਇਆ ਗਿਆ, ਜਿਸ ਵਿਚ ਇਲਾਕੇ ਦੀਆਂ ਔਰਤਾਂ ਨੇ ਵੱਧ-ਚੜ੍ਹ ਕੇ ਹਿੱਸਾ ਲਿਆ | ਵਾਰਡ ਕੌਂਸਲਰ ਤੇ ਭਾਜਪਾ ਮਹਿਲਾ ਮੋਰਚਾ ਅੰਮਿ੍ਤਸਰ ਦੀ ਪ੍ਰਧਾਨ ਸ਼ਰੁਤੀ ਵਿਜ ਦੀ ਪ੍ਰਧਾਨਗੀ ਹੇਠ ਹੋਏ ਇਸ ਪ੍ਰੋਗਰਾਮ ਵਿਚ ਵਿਕਸਿਤ ਅੰਮਿ੍ਤਸਰ ਵਲੋਂ ਮਿਸ਼ਟੀ ਅਰੁਣ, ਸਵਦੇਸ਼ੀ ਜਾਗਰਣ ਮੰਚ ਪੰਜਾਬ ਦੀ ਪ੍ਰਧਾਨ ਡਾ: ਨੇਹਾ ਤੇਜਪਾਲ ਸਮੇਤ ਵਿਕਸਿਤ ਅੰਮਿ੍ਤਸਰ ਦੀ ਟੀਮ ਮੌਜੂਦ ਸੀ | ਇਸ ਮੌਕੇ ਸੰਬੋਧਨ ਕਰਦੇ ਹੋਏ ਸ਼ਰੂਤੀ ਵਿਜ ਨੇ ਕਿਹਾ ਕਿ ਸਾਡਾ ਉਦੇਸ਼ ਅੰਮਿ੍ਤਸਰ ਨੂੰ 'ਵਿਕਸਿਤ ਅੰਮਿ੍ਤਸਰ' ਵੱਲ ਲੈ ਕੇ ਜਾਣਾ ਹੈ | ਇਹ ਇਕ ਯਤਨ ਹੈ ਜੋ ਸਾਰਿਆਂ ਦੇ ਸਹਿਯੋਗ ਬਿਨਾਂ ਪੂਰੀ ਨਹੀਂ ਹੋ ਸਕਦਾ | ਆਪਣੇ ਸ਼ਹਿਰ ਨੂੰ ਸਾਫ਼-ਸੁਥਰਾ ਰੱਖਣਾ ਹੋਵੇਗਾ | ਇਸਦੇ ਲਈ ਸਾਨੂੰ ਸਾਰਿਆਂ ਨੂੰ ਮਿਲ ਕੇ ਸ਼ਹਿਰ ਵਾਸੀਆਂ ਨੂੰ ਜਾਗਰੂਕ ਕਰਨਾ ਹੋਵੇਗਾ ਕਿ ਸ਼ਹਿਰ ਨੂੰ ਸਾਫ਼-ਸੁੱਥਰਾ ਰੱਖਣ ਵਿਚ ਸਹਿਯੋਗ ਦਿਓ | ਇਸ ਮੌਕੇ ਰਿਸ਼ੁ ਅਰੋੜਾ, ਮੀਨਾਕਸ਼ੀ, ਡਿੰਪਲ, ਰੀਟਾ ਅਰੋੜਾ, ਸਾਰਿਕਾ, ਗੌਰੀ, ਪੂਜਾ, ਪੂਜਾ ਰੈਨਾ, ਰੀਟਾ, ਸੀਮਾ, ਵੀਣਾ, ਰੀਨਾ, ਸੋਨੂੰ, ਸੰਗੀਤਾ, ਸੋਨੀਆ, ਨੀਰੂ, ਮਮਤਾ, ਸਵਿਤਾ, ਅੰਬਿਕਾ ਆਦਿ ਮੌਜੂਦ ਸਨ |
