ਬਿਆਸ, 4 ਜੂਨ (ਨਰਿੰਦਰ ਸਿੰਘ)-ਪਿੰਡ ਵਜ਼ੀਰ ਭੁੱਲਰ ਦੇ ਸਰਪੰਚ ਬਲਦੇਵ ਸਿੰਘ ਨੇ ਜਾਣਕਾਰੀ ਸਾਂਝੀ ਕੀਤੀ ਕਿ ਉਨ੍ਹਾਂ ਦੀ ਇਕ ਮੀਟਿੰਗ ਬਿਆਸ ਬਿ੍ਗੇਡ ਦੇ ਆਰਮੀ ਦੇ ਅਫ਼ਸਰ ਦੀਪਕ ਸਿੰਗਾਲ ਲੈਫਟੀਨੈਂਟ ਕਰਨਲ ਨਾਲ ਹੋਈ, ਜਿਸ ਵਿਚ ਹੋਰ ਵੀ ਪਿੰਡਾਂ ਦੇ ਸਰਪੰਚ ਮੌਜੂਦ ਸਨ | ਇਸ ਮੀਟਿੰਗ ਵਿਚ ਆਰਮੀ ਅਫ਼ਸਰ ਵਲੋਂ ਪਿੰਡ ਦੇ ਨਿਵਾਸੀਆਂ ਨੂੰ ਅਪੀਲ ਕੀਤੀ ਗਈ ਕਿ ਜੋ ਵੀ ਮਕਾਨ ਮਾਲਕ ਕਿਸੇ ਵੀ ਬਾਹਰੀ ਵਿਅਕਤੀ ਨੂੰ ਮਕਾਨ ਜਾਂ ਕਿਰਾਏ ਲਈ ਰਿਹਾਇਸ਼ ਦਿੰਦਾ ਹੈ, ਮਕਾਨ ਮਾਲਕ ਵਲੋਂ ਕਿਰਾਏਦਾਰ ਕੋਲੋਂ ਉਸਦੀ ਸ਼ਨਾਖਤ ਸਬੰਧੀ ਜ਼ਰੂਰੀ ਦਸਤਾਵੇਜ਼ ਲੈਣੇ ਲਾਜ਼ਮੀ ਬਣਾਏ ਜਾਣ ਅਤੇ ਪਿੰਡ ਦੇ ਸਰਪੰਚ ਨੂੰ ਜਮ੍ਹਾਂ ਕਰਵਾਏ ਜਾਣ | ਕਿਰਾਏਦਾਰ ਕੋਲੋਂ ਉਸਦਾ ਅਧਾਰ ਕਾਰਡ, ਵੋਟਰ ਕਾਰਡ ਅਤੇ ਕੋਈ ਹੋਰ ਦਸਤਾਵੇਜ਼ ਜੋ ਵੀ ਵਿਅਕਤੀ ਦੀ ਠੋਸ ਸ਼ਨਾਖਤ ਸਬੰਧੀ ਹੋਵੇ, ਲਿਆ ਜਾਵੇ | ਮੀਟਿੰਗ ਉਪਰੰਤ ਪਿੰਡ ਦੇ ਸਰਪੰਚ ਵਲੋਂ ਸਾਰੇ ਪਿੰਡ ਨਿਵਾਸੀਆਂ ਨੂੰ ਸੁਨੇਹਾ ਭੇਜ ਕਿ ਇਸ ਨਿਯਮ ਨੂੰ ਤੁਰੰਤ ਲਾਗੂ ਕਰਨ ਦਾ ਭਰੋਸਾ ਦਿੱਤਾ ਗਿਆ |
