ਲੁਧਿਆਣਾ

ਇਕਾਈ ਹਸਪਤਾਲ ਵਿਖੇ ਆਧੁਨਿਕ ਰੋਬੋਟਿਕ ਸਰਜਰੀ ਨਾਲ ਪ੍ਰੋਸਟੇਟ ਕੈਂਸਰ ਮਰੀਜ਼ਾਂ ਨੂੰ ਮਿਲੇਗੀ ਨਵੀਂ ਜ਼ਿੰਦਗੀ <br/>

ਇਕਾਈ ਹਸਪਤਾਲ ਵਿਖੇ ਆਧੁਨਿਕ ਰੋਬੋਟਿਕ ਸਰਜਰੀ ਰਾਹੀਂ 71 ਸਾਲਾ ਬਜ਼ੁਰਗ ਵਿਅਕਤੀ ਦਾ ਪ੍ਰੋਸਟੇਟ ਕੈਂਸਰ ਦਾ ਸਫਲਤਾ ਪੂਰਵਕ ਆਪ੍ਰੇਸ਼ਨ ਕਰਨ ਤੋਂ ਬਾਅਦ ਇਕਾਈ ਹਸਪਤਾਲ ਦੇ ਚੇਅਰਮੈਨ, ਉੱਘੇ ਯੂਰੋਲੋਜਿਸ਼ਟ, ਰੋਬੋਟਿਕ ਤੇ ਟਰਾਂਸਪਲਾਂਟ ਸਰਜਨ ਡਾ. ਬਲਦੇਵ ਸਿੰਘ ਔਲਖ ਡਾਕਟਰੀ ਟੀਮ ਨਾਲ | ਅਜੀਤ ਤਸਵੀਰ <br/> 01-05-2026

ਲੁਧਿਆਣਾ, 30 ਅਪ੍ਰੈਲ (ਡਾ. ਤਰਲੋਚਨ ਸਿੰਘ)-ਇਕਾਈ ਹਸਪਤਾਲ ਵਲੋਂ ਕੈਂਸਰ ਇਲਾਜ ਦੇ ਖੇਤਰ ਵਿਚ ਇਕ ਮਹੱਤਵਪੂਰਨ ਕਦਮ ਚੁੱਕਦਿਆਂ ਪ੍ਰੋਸਟੇਟ ਕੈਂਸਰ ਲਈ ਆਧੁਨਿਕ ਰੋਬੋਟਿਕ-ਸਹਾਇਤਾ ਸਰਜਰੀ ਦੀ ਸ਼ੁਰੂਆਤ ਕੀਤੀ ਗਈ ਹੈ, ਜਿਸ ਨਾਲ ਮਰੀਜ਼ਾਂ ਨੂੰ ਹੁਣ ਹੋਰ ਵੀ ਸੁਰੱਖਿਅਤ ਇਲਾਜ, ਤੇਜ਼ੀ ਨਾਲ ਸਿਹਤਯਾਬੀ ਅਤੇ ਬਿਹਤਰ ਨਤੀਜੇ ਮਿਲ ਰਹੇ ਹਨ | ਉਕਤ ਜਾਣਕਾਰੀ ਦਿੰਦਿਆਂ ਇਕਾਈ ਹਸਪਤਾਲ ਦੇ ਚੇਅਰਮੈਨ, ਉੱਘੇ ਯੂਰੋਲੋਜਿਸ਼ਟ, ਰੋਬੋਟਿਕ ਤੇ ਟਰਾਂਸਪਲਾਂਟ ਸਰਜਨ ਡਾ. ਬਲਦੇਵ ਸਿੰਘ ਔਲਖ ਨੇ ਦੱਸਿਆ ਕਿ ਪ੍ਰੋਸਟੇਟ ਕੈਂਸਰ ਪੁਰਸ਼ਾਂ ਵਿਚ ਸਭ ਤੋਂ ਆਮ ਕੈਂਸਰਾਂ ਵਿਚੋਂ ਇਕ ਹੈ, ਜਿਸ ਦੇ ਇਲਾਜ ਲਈ ਬਹੁਤ ਹੀ ਸੁਚੱਜੀ ਸਰਜਰੀ ਦੀ ਲੋੜ ਹੁੰਦੀ ਹੈ, ਤਾਂ ਜੋ ਗੰਢ ਨੂੰ ਹਟਾਉਂਦੇ ਹੋਏ ਪਿਸ਼ਾਬ ਅਤੇ ਯੌਨ ਸਮਰੱਥਾ ਨੂੰ ਸੰਭਾਲਿਆ ਜਾ ਸਕੇ | ਉਨ੍ਹਾਂ ਦੱਸਿਆ ਕਿ ਨਵੀਂ ਰੋਬੋਟਿਕ ਤਕਨਾਲੋਜੀ ਨਾਲ ਇਕਾਈ ਹਸਪਤਾਲ ਹੁਣ ਵਿਸ਼ਵ-ਪੱਧਰੀ ਇਲਾਜ ਉੱਚ ਸਟੀਕਤਾ ਨਾਲ ਪ੍ਰਦਾਨ ਕਰ ਰਿਹਾ ਹੈ | ਉਨ੍ਹਾਂ ਦੱਸਿਆ ਕਿ ਹਸਪਤਾਲ ਵਿਚ 71 ਸਾਲ ਦੇ ਇਕ ਮਰੀਜ਼ ਦੀ ਰੋਬੋਟਿਕ ਰੈਡੀਕਲ ਪ੍ਰੋਸਟੇਕਟੋਮੀ ਸਫਲਤਾਪੂਰਵਕ ਕੀਤੀ ਗਈ ਹੈ, ਜੋ ਲੋਕਲਾਈਜ਼ਡ ਪ੍ਰੋਸਟੇਟ ਕੈਂਸਰ ਨਾਲ ਪੀੜਤ ਸੀ | ਮਰੀਜ਼ ਪਿਛਲੇ ਇਕ ਸਾਲ ਤੋਂ ਵਧ ਰਹੇ ਪੀ.ਐਸ.ਏ. ਲੈਵਲ ਦੀ ਸਮੱਸਿਆ ਨਾਲ ਹਸਪਤਾਲ ਆਇਆ ਸੀ | ਵਿਸਥਾਰਪੂਰਵਕ ਜਾਂਚ ਦੌਰਾਨ ਬਾਇਓਪਸੀ ਕਰਨ ਤੋਂ ਬਾਅਦ ਪਤਾ ਲੱਗਾ ਕਿ ਕੈਂਸਰ ਸਿਰਫ਼ ਪ੍ਰੋਸਟੇਟ ਗ੍ਰੰਥੀ ਤੱਕ ਸੀਮਤ ਸੀ | ਮਰੀਜ਼ ਦੀ ਹਾਲਤ ਨੂੰ ਦੇਖਦੇ ਹੋਏ ਉਸ ਨੂੰ ਰੋਬੋਟਿਕ-ਸਹਾਇਤਾ ਰੈਡੀਕਲ ਪ੍ਰੋਸਟੇਕਟੋਮੀ ਦੀ ਸਲਾਹ ਦਿੱਤੀ ਗਈ, ਪਰਿਵਾਰਕ ਮੈਂਬਰਾਂ ਦੀ ਸਹਿਮਤੀ ਮਿਲਣ ਉਪਰੰਤ ਉਸ ਦੀ ਰੋਬੋਟਿਕ ਤਕਨੀਕ ਰਾਹੀਂ ਸਫਲਤਾ ਪੂਰਵਕ ਸਰਜਰੀ ਕਰ ਦਿੱਤੀ ਗਈ, ਜੋ ਅੱਜ ਦੇ ਸਮੇਂ ਦੀ ਸਭ ਤੋਂ ਆਧੁਨਿਕ ਸਰਜਰੀਆਂ ਵਿਚੋਂ ਇਕ ਹੈ | ਡਾ. ਔਲਖ ਨੇ ਦੱਸਿਆ ਕਿ ਰੋਬੋਟਿਕ ਸਰਜਰੀ ਪ੍ਰੋਸਟੇਟ ਕੈਂਸਰ ਦੇ ਇਲਾਜ ਵਿਚ ਇਕ ਨਵਾਂ ਦੌਰ ਲੈ ਕੇ ਆਈ ਹੈ | ਇਸ ਨਾਲ ਸਾਨੂੰ 3ਡੀ ਵਿਜ਼ਨ, ਵਧੀਆ ਨਿਯੰਤਰਨ ਅਤੇ ਬੇਹੱਦ ਸਟੀਕਤਾ ਮਿਲਦੀ ਹੈ | ਇਸ ਦੇ ਨਤੀਜੇ ਵਜੋਂ ਖ਼ੂਨ ਦੀ ਘੱਟ ਹਾਨੀ, ਦਰਦ ਵਿਚ ਕਮੀ, ਹਸਪਤਾਲ ਵਿਚ ਘੱਟ ਸਮਾਂ ਅਤੇ ਮਰੀਜ਼ ਦੀ ਜਲਦੀ ਸਿਹਤਯਾਬੀ ਸੰਭਵ ਹੁੰਦੀ ਹੈ | ਉਨ੍ਹਾਂ ਕਿਹਾ ਕਿ ਪ੍ਰੋਸਟੇਟ ਕੈਂਸਰ ਦੀ ਸਰਜਰੀ ਖਾਸ ਤੌਰ 'ਤੇ ਮਹੱਤਵਪੂਰਨ ਹੈ, ਕਿਉਂਕਿ ਇਲਾਜ ਦੇ ਨਾਲ ਮਰੀਜ਼ ਦੀ ਜੀਵਨ ਗੁਣਵੱਤਾ ਨੂੰ ਬਰਕਰਾਰ ਰੱਖਣਾ ਵੀ ਉਤਨਾ ਹੀ ਜ਼ਰੂਰੀ ਹੈ | ਇਹ ਸਰਜਰੀ ਡਾ. ਬਲਦੇਵ ਸਿੰਘ ਔਲਖ ਦੀ ਅਗਵਾਈ ਵਿਚ ਡਾ. ਅਮਿਤ ਤੁਲੀ, ਡਾ. ਨਰੇਸ਼ ਕੁਮਾਰ, ਡਾ. ਹਿਮਾਂਸ਼ੂ ਸ਼ਰਮਾ ਅਤੇ ਡਾ. ਕਿ੍ਸ਼ਨਾ ਪਾਲ ਸਿੰਘ ਦੀ ਟੀਮ ਵਲੋਂ ਸਫਲਤਾ ਪੂਰਵਕ ਕੀਤੀ ਗਈ |

ਪਿਛਲੀ ਖ਼ਬਰ ਨਨਕਾਣਾ ਸਾਹਿਬ ਪਬਲਿਕ ਸਕੂਲ ਦੇ ਵਿਦਿਆਰਥੀ ਧਾਰਮਿਕ ਪ੍ਰੀਖਿਆ ਵਿਚ ਰਹੇ ਸਫਲ <br/> ਅਗਲੀ ਖ਼ਬਰ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਵਲੋਂ ਯੂਥ ਲੀਡਰਸ਼ਿਪ ਸਿਖਲਾਈ ਵਰਕਸ਼ਾਪ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਇਕਾਈ ਹਸਪਤਾਲ ਵਿਖੇ ਆਧੁਨਿਕ ਰੋਬੋਟਿਕ ਸਰਜਰੀ ਨਾਲ ਪ੍ਰੋਸਟੇਟ ਕੈਂਸਰ ਮਰੀਜ਼ਾਂ ਨੂੰ ਮਿਲੇਗੀ ਨਵੀਂ ਜ਼ਿੰਦਗੀ <br/>

Subscribers Only Story

ਸੰਬੰਧਿਤ ਖ਼ਬਰਾਂ