ਸ਼ਹੀਦ ਮੋਤੀ ਰਾਮ ਮਹਿਰਾ ਮੈਮੋਰੀਅਲ ਹਾਈ ਸਕੂਲ ਦੀ ਵਾਲੀਬਾਲ ਟੀਮ ਦੀ ਜਿੱਤ

ਡਾਬਾ/ਲੁਹਾਰਾ,16 ਸਤੰਬਰ (ਕੁਲਵੰਤ ਸਿੰਘ ਸੱਪਲ)- ਸ਼ਹੀਦ ਮੋਤੀ ਰਾਮ ਮਹਿਰਾ ਮੈਮੋਰੀਅਲ ਹਾਈ ਸਕੂਲ,ਢਿੱਲੋਂ ਨਗਰ ਲੋਹਾਰਾ ਲੁਧਿਆਣਾ ਵਿਖੇ ਸਕੂਲ ਦੀ ਵਾਲੀਬਾਲ ਟੀਮ ਨੇ ਵਤਨ ਪੰਜਾਬ ਦੀਆਂ ਖੇਡਾਂ 2026 ਵਿਚ (ਜ਼ੋਨਲ ਖੇਡਾਂ ਵਾਲੀਬਾਲ ਟੂਰਨਾਮੈਂਟ ਅੰਡਰ 17) ਵਿਚ ਭਾਗ ਲੈਂਦਿਆਂ ਵਾਲੀਬਾਲ ਕੋਚ ਗੁਰਪ੍ਰੀਤ ਸਿੰਘ ਸੰਗੋਵਾਲ ਦੀ ਅਗਵਾਈ ਹੇਠ ਜ਼ੋਨਲ ਪੱਧਰ ਅੰਡਰ 17 ‘ਤੇ ਦੂਸਰੇ ਦਰਜੇ ਵਿੱਚ ਜਿੱਤ ਪ੍ਰਾਪਤ ਕਰਕੇ , ਸਕੂਲ ਦਾ ਨਾਮ ‘ਤੇ ਆਪਣੀ ਵਾਲੀਵਾਲ ਟੀਮ ਦਾ ਨਾਮ ਚਮਕਾਇਆ | ਇਸ ਜਿੱਤ ਦਾ ਸਹਿਰਾ ਅਗਜੈਕਟਿਵ ਮੈਂਬਰ ਗੁਰਚਰਨ ਸਿੰਘ ਮਾਲਵਾ ਨੂੰ ਦਿੱਤਾ ਜਾਂਦਾ ਹੈ| ਇਸ ਮੌਕੇ ਪ੍ਰਧਾਨ ਬਲਦੇਵ ਸਿੰਘ ਦੋਸਾਂਝ ਦੀ ਰਹਿਨੁਮਾਈ ਹੇਠ ਜਲਦੀ ਹੀ ਅਗਲੇ ਪੜਾਅ ਨੂੰ ਧਿਆਨ ਵਿੱਚ ਰੱਖਦਿਆਂ ਹੁਣ ਤੋਂ ਹੀ ਸਖ਼ਤ ਮਿਹਨਤ ਕਰਵਾਉਣੀ ਸ਼ੁਰੂ ਕਰ ਦਿੱਤੀ ਗਈ ਹੈ | ਇਸ ਮੌਕੇ ਪ੍ਰਿੰਸੀਪਲ ਸਰਬਜੀਤ ਕੌਰ, ਬਲਦੇਵ ਸਿੰਘ ਲੋਹਾਰਾ ਅਤੇ ਸਮੂਹ ਸਕੂਲ ਕਮੇਟੀ ਮੈਬਰ ਅਤੇ ਅਧਿਆਪਕ ਹਾਜਰ ਸਨ|