21-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 29-04-2026

ਸਕੂਲ ਬੱਸ ਦੇ ਚਾਲਕ ਦੀ ਅਣਗਹਿਲੀ ਕਾਰਨ ਮੌਤ ਦੇ ਮੂੰਹ 'ਚ ਜਾਣ ਤੋਂ ਬਚਿਆ ਬੱਚਾ

ਅਜੀਤ ਡੈਸਕ 29-04-2026
ਡੇਰਾਬੱਸੀ, 28 ਅਪ੍ਰੈਲ (ਰਣਬੀਰ ਸਿੰਘ ਪੜ੍ਹੀ)-ਹੈਬਤਪੁਰ ਰੋਡ 'ਤੇ ਉਸ ਵੇਲੇ ਚੀਕ-ਚਿਹਾੜਾ ਪੈ ਗਿਆ ਜਦੋਂ ਇਕ ਸਕੂਲ ਬੱਸ ਦੇ ਡਰਾਈਵਰ ਨੇ ਅੰਨ੍ਹੇਵਾਹ ਵਾਹਨ ਬੈਕ ਕਰਦਿਆਂ ਇਕ ਬੱਚੇ ਨੂੰ ਆਪਣੀ ਲਪੇਟ 'ਚ ਲੈ ਲਿਆ | ਇਸ ਰੂਹ ਕੰਬਾਊ ਘਟਨਾ 'ਚ ਮਾਸੂਮ ਬੱਚਾ ਤਾਂ ਕਿਸਮਤ ਨਾਲ ਬਚ ਗਿਆ, ਪਰ ਉਸ ਦੀ ਸਾਈਕਲ ਬੱਸ ਦੇ ਟਾਇਰਾਂ ਹੇਠ ਆ ਕੇ ਮਲਬਾ ਬਣ ਗਈ | ਇਹ ਘਟਨਾ ਲਾਰਡ ਮਹਾਂਵੀਰ ਪਬਲਿਕ ਸਕੂਲ ਦੀ ਬੱਸ ਨਾਲ ਜੁੜੀ ਹੈ | ਮੌਕੇ 'ਤੇ ਮੌਜੂਦ ਚਸ਼ਮਦੀਦਾਂ ਮੁਤਾਬਿਕ ਬੱਸ ਸੜਕ 'ਤੇ ਰੁਕੀ ਸੀ ਅਤੇ ਡਰਾਈਵਰ ਨੇ ਬਿਨਾਂ ਪਿੱਛੇ ਦੇਖੇ ਅਚਾਨਕ ਤੇਜ਼ੀ ਨਾਲ ਬੱਸ ਪਿੱਛੇ ਮੋੜ ਦਿੱਤੀ ਅਤੇ ਇਸ ਦੌਰਾਨ ਪਿੱਛੇ ਸਾਈਕਲ 'ਤੇ ਆ ਰਿਹਾ ਬੱਚਾ ਬੁਰੀ ਤਰ੍ਹਾਂ ਘਬਰਾ ਗਿਆ ਅਤੇ ਜਾਨ ਬਚਾਉਣ ਲਈ ਪਿੱਛੇ ਨੂੰ ਕੁੱਦ ਪਿਆ | ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਬੱਸ 'ਚ ਨਿਯਮਾਂ ਦੇ ਉਲਟ ਕੋਈ ਹੈਲਪਰ ਨਹੀਂ ਸੀ, ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ | ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਸਾਈਕਲ ਕੁਚਲਣ ਤੋਂ ਬਾਅਦ ਵੀ ਡਰਾਈਵਰ ਨੇ ਬੱਸ ਨਹੀਂ ਰੋਕੀ | ਇਸ ਹਾਦਸੇ ਦੌਰਾਨ ਭਾਵੇਂ ਬੱਚੇ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ, ਪਰ ਮਾਨਸਿਕ ਤੌਰ 'ਤੇ ਉਹ ਬੇਹੱਦ ਡਰਿਆ ਹੋਇਆ ਹੈ | ਸਥਾਨਕ ਲੋਕਾਂ ਨੇ ਪ੍ਰਸ਼ਾਸਨ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਸਕੂਲ ਪ੍ਰਬੰਧਕਾਂ ਅਤੇ ਲਾਪ੍ਰਵਾਹ ਡਰਾਈਵਰ 'ਤੇ ਸ਼ਿਕੰਜਾ ਨਾ ਕੱਸਿਆ ਗਿਆ ਤਾਂ ਉਹ ਤਿੱਖਾ ਸੰਘਰਸ਼ ਵਿੱਢਣਗੇ |
ਪਿਛਲੀ ਖ਼ਬਰ ਸਰਕਾਰੀ ਹਾਈ ਸਕੂਲ ਦੇ ਹੋਣਹਾਰ ਵਿਦਿਆਰਥੀਆਂ ਦਾ ਸਨਮਾਨ ਅਗਲੀ ਖ਼ਬਰ ਜਨਰੇਟਰ ਦੀ ਬੈਟਰੀ ਚੋਰੀ ਕਰਦੇ ਚੋਰ ਰੰਗੇ ਹੱਥੀਂ ਕਾਬੂ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।