10ਵੀਂ ਦੇ ਨਤੀਜਿਆਂ 'ਚ ਮੁਹਾਲੀ ਦੇ 3 ਪ੍ਰੀਖਿਆਰਥੀ ਮੈਰਿਟ ਸੂਚੀ 'ਚ ਆਪਣਾ ਨਾਂਅ ਦਰਜ ਕਰਵਾਉਣ 'ਚ ਰਹੇ ਸਫ਼ਲ <br/>
ਅਜੀਤ ਡੈਸਕ
12-05-2026
ਵੱਡੀ ਹੋ ਕੇ ਡਾਕਟਰ ਬਣਨਾ ਚਾਹੁੰਦੀ ਹੈ ਪਿ੍ਆ
ਖਰੜ, (ਗੁਰਮੁੱਖ ਸਿੰਘ ਮਾਨ)- ਹੈਂਡਰਸਨ ਮੈਮੋਰੀਅਲ ਸਕੂਲ ਖਰੜ ਦੀ ਮੁੱਖ ਅਧਿਆਪਕਾ ਜਸਪ੍ਰੀਤ ਕੌਰ ਨੇ ਦੱਸਿਆ ਕਿ ਪਿ੍ਆ ਤਿੰਨ ਭੈਣਾਂ 'ਚ ਸਭ ਤੋਂ ਵੱਡੀ ਹੈ ਅਤੇ ਸਦਾ ਸਿੱਖਦੇ ਰਹਿਣਾ ਉਸ ਦੇ ਜੀਵਨ ਦਾ ਮਨੋਰਥ ਹੈ | ਪਿ੍ਆ ਨੇ ਦੱਸਿਆ ਕਿ ਉਹ ਵੱਡੀ ਹੋ ਕੇ ਡਾਕਟਰ ਬਣਨਾ ਚਾਹੁੰਦੀ ਹੈ | ਉਸ ਨੇ ਸਕੂਲ ਆਫ਼ ਐਮੀਨੈਂਸ ਖਰੜ ਵਿਖੇ ਮੈਡੀਕਲ ਸਟਰੀਮ 'ਚ ਦਾਖ਼ਲਾ ਲੈ ਲਿਆ ਹੈ | ਉਸ ਦਾ ਇਹ ਵੀ ਕਹਿਣਾ ਹੈ ਕਿ ਉਸ ਨੂੰ ਪੜ੍ਹਾਈ ਦੀ ਚੇਟਕ ਆਪਣੇ ਪਿਤਾ ਦੀ ਸਖ਼ਤ ਮਿਹਨਤ ਨੂੰ ਦੇਖ ਕੇ ਲੱਗੀ ਤੇ ਉਹ ਵੱਡੀ ਹੋ ਕੇ ਆਪਣੇ ਪਿਤਾ ਦੀ ਸਾਰੀ ਦੁੱਖ-ਤਕਲੀਫ਼ ਦੂਰ ਕਰਨਾ ਚਾਹੁੰਦੀ ਹੈ | ਪਿ੍ਆ ਨੇ ਦੱਸਿਆ ਕਿ ਉਸ ਦੇ ਪਿਤਾ 12ਵੀਂ ਪਾਸ ਹਨ ਅਤੇ ਡਲੀਵਰੀ ਮੈਨ ਦਾ ਕੰਮ ਕਰਦੇ ਹਨ ਜਦਕਿ ਮਾਤਾ ਘਰੇਲੂ ਹੈ | ਉਸ ਦੀਆਂ ਦੋ ਭੈਣਾ ਹੈਂਡਰਸਨ ਮੈਮੋਰੀਅਲ ਸਕੂਲ 'ਚ ਹੀ ਪੜ੍ਹ ਰਹੀਆਂ ਹਨ | ਇਸੇ ਦੌਰਾਨ ਸਕੂਲ ਦੇ ਚੇਅਰਮੈਨ ਤੇ ਬਿਸ਼ਪ ਪਾਦਰੀ ਦਰਬਾਰਾ ਸਿੰਘ ਨੇ ਵਿਦਿਆਰਥਣ ਦੀ ਇਸ ਉਪਲੱਬਧੀ ਲਈ ਸਕੂਲ ਦੇ ਸਟਾਫ਼ ਤੇ ਮਾਪਿਆਂ ਨੂੰ ਵਧਾਈ ਦਿੱਤੀ | ਇਸ ਮੌਕੇ ਸਕੂਲ ਦੇ ਸਮੁੱਚੇ ਸਟਾਫ਼ ਸਮੇਤ ਪਿ੍ਆ ਦੇ ਪਿਤਾ ਵੀਰਿੰਦਰ ਕੁਮਾਰ ਵੀ ਹਾਜ਼ਰ ਸਨ |
