ਪੀ. ਐੱਨ. ਬੀ. ਮੈਟਲਾਈਫ ਵਲੋਂ ‘360 ਹੈਲਥ ਸੇਵਿੰਗ ਪਲਾਨ’ ਲਾਂਚ
ਅਜੀਤ ਡੈਸਕ
29-07-2026
ਚੰਡੀਗੜ੍ਹ, 28 ਜੁਲਾਈ (ਅ. ਬ.)- ਪੀ. ਐਨ. ਬੀ. ਮੈਟਲਾਈਫ ਇੰਡੀਆ ਇੰਸ਼ੋਰੈਂਸ ਨੇ ਗਾਹਕਾਂ ਲਈ ‘ਪੀ. ਐਨ. ਬੀ. ਮੈਟਲਾਈਫ 360 ਹੈਲਥ ਸੇਵਿੰਗ ਪਲਾਨ’ ਪੇਸ਼ ਕੀਤਾ ਹੈ। ਇਹ ਸਿਹਤ ਕੇਂਦਰਿਤ ਯੂਨਿਟ ਲਿੰਕਡ ਇੰਸ਼ੋਰੈਂਸ ਪਲਾਨ (ਯੂਲਿਪ) ਹੈ, ਜੋ ਸਿਹਤ ਸੁਰੱਖਿਆ ਦੇ ਨਾਲ-ਨਾਲ ਮਾਰਕੀਟ ਨਾਲ ਜੁੜੀ ਬਚਤ ਦਾ ਵੀ ਲਾਭ ਦਿੰਦਾ ਹੈ। ਕੰਪਨੀ ਅਨੁਸਾਰ ਇਹ ਪਲਾਨ ਗਾਹਕਾਂ ਨੂੰ ਲੰਬੇ ਸਮੇਂ ਲਈ ਵਿੱਤੀ ਸੁਰੱਖਿਆ ਪ੍ਰਦਾਨ ਕਰਨ ਦੇ ਨਾਲ ਸਿਹਤ ਸੰਬੰਧੀ ਖਰਚਿਆਂ ਲਈ ਵੀ ਮਦਦਗਾਰ ਸਾਬਤ ਹੋਵੇਗਾ। ਇਸ ਵਿਚ ਹੈਲਥ ਮੈਨੇਜਮੈਂਟ ਸਿਸਟਮ ਰਾਹੀਂ ਮਾਨਸਿਕ ਸਿਹਤ ਸੇਵਾਵਾਂ, ਡਿਜ਼ੀਟਲ ਹੈਲਥ ਅਸੈਸਮੈਂਟ, ਡਾਇਗਨੋਸਟਿਕ ਸਹਾਇਤਾ ਤੇ ਆਨਲਾਈਨ ਡਾਕਟਰ ਨਾਲ ਸਲਾਹ ਦੀ ਸਹੂਲਤ ਦਿੱਤੀ ਗਈ ਹੈ। ਵਿਕਲਪਿਕ ਰਾਈਡਰਜ਼ ਦੇ ਨਾਲ ਇਹ ਪਲਾਨ 250 ਤੋਂ ਵੱਧ ਸਰਜਰੀਆਂ ਤੇ ਇਲਾਜੀ ਪ੍ਰਕਿਰਿਆਵਾਂ (ਡੇਅ-ਕੇਅਰ ਟ੍ਰੀਟਮੈਂਟ ਸਮੇਤ) ਲਈ ਹਸਪਤਾਲੀ ਸਹਾਇਤਾ ਅਤੇ 60 ਗੰਭੀਰ ਬਿਮਾਰੀਆਂ ਲਈ ਸੁਰੱਖਿਆ ਵੀ ਪ੍ਰਦਾਨ ਕਰਦਾ ਹੈ। ਪੀ. ਐਨ. ਬੀ. ਮੈਟਲਾਈਫ ਦੇ ਐੱਮ. ਡੀ. ਅਤੇ ਸੀ. ਈ. ਓ. ਸਮੀਰ ਬੰਸਲ ਨੇ ਕਿਹਾ ਕਿ ਇਹ ਯੋਜਨਾ ਗਾਹਕਾਂ ਨੂੰ ਬਿਹਤਰ ਸਿਹਤ ਸੁਰੱਖਿਆ ਦੇ ਨਾਲ ਪ੍ਰਭਾਵਸ਼ਾਲੀ ਵਿੱਤੀ ਯੋਜਨਾ ਬਣਾਉਣ ਵਿਚ ਮਦਦ ਕਰੇਗੀ, ਤਾਂ ਜੋ ਉਹ ਭਵਿੱਖ ਦੇ ਇਲਾਜ ਸੰਬੰਧੀ ਖਰਚਿਆਂ ਲਈ ਪਹਿਲਾਂ ਤੋਂ ਤਿਆਰ ਰਹਿ ਸਕਣ।
