ਐੱਸ. ਏ. ਐੱਸ. ਨਗਰ, 28 ਅਗਸਤ (ਪ੍ਰੋ. ਅਵਤਾਰ ਸਿੰਘ)- 11 ਕੇ. ਵੀ. ਫ਼ੀਡਰ ਸੈਕਟਰ-56 ਮੁਹਾਲੀ ਅਤੇ 11 ਕੇ. ਵੀ. ਫ਼ੀਡਰ ਪਿੰਡ ਮੁਹਾਲੀ ਦੀ ਜ਼ਰੂਰੀ ਮੁਰੰਮਤ ਅਤੇ ਬਿਜਲੀ ਦੀਆਂ ਲਾਈਨਾਂ ਨੇੜਲੇ ਦਰੱਖ਼ਤਾਂ ਦੀ ਛੰਗਾਈ ਦੇ ਕੰਮ ਦੇ ਚਲਦਿਆਂ ਅੱਜ 29 ਅਗਸਤ ਨੂੰ ਇਨ੍ਹਾਂ ਫ਼ੀਡਰਾਂ ਨਾਲ ਸੰਬੰਧਿਤ ਖੇਤਰਾਂ ਦੀ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਐਸ. ਡੀ. ਓ. ਅਕਾਸ਼ਦੀਪ ਸਿੰਘ (ਟੈਕਨੀਕਲ ਯੂਨਿਟ-1 ਪੀ. ਐਸ. ਪੀ. ਸੀ. ਐਲ.) ਨੇ ਦੱਸਿਆ ਕਿ ਉਕਤ ਕਾਰਨਾਂ ਕਰਕੇ 11 ਕੇ. ਵੀ. ਫ਼ੀਡਰ ਸੈਕਟਰ-56 ਮੁਹਾਲੀ ਨਾਲ ਸੰਬੰਧਿਤ ਸਥਾਨਕ ਫੇਜ਼-6 ਦੇ ਅੱਧੇ ਖੇਤਰ ‘ਚ ਸਵੇਰੇ 10 ਵਜੇ ਤੋਂ ਲੈ ਕੇ ਦੁਪਹਿਰ ਦੇ 1 ਵਜੇ ਤੱਕ, ਜਦਕਿ 11 ਕੇ. ਵੀ. ਫ਼ੀਡਰ ਪਿੰਡ ਮੁਹਾਲੀ ਨਾਲ ਸੰਬੰਧਿਤ ਸਥਾਨਕ ਫੇਜ਼-6 ਦੇ ਅੱਧੇ ਖੇਤਰ ਅਤੇ ਪਿੰਡ ਮੁਹਾਲੀ ਦੀ ਬਿਜਲੀ ਸਪਲਾਈ ਦੁਪਹਿਰ 2 ਵਜੇ ਤੋਂ ਲੈ ਕੇ ਸ਼ਾਮ ਦੇ 5 ਵਜੇ ਤੱਕ ਬੰਦ ਰਹੇਗੀ।
