ਮਾਨਸਾ , 8 ਅਕਤੂਬਰ ( ਸ . ਰਿ .)- ਜ਼ਿਲ੍ਹਾ ਮੈਜਿਸਟਰੇਟ ਨਵਜੋਤ ਕੌਰ ਨੇ ਜ਼ਿਲ੍ਹੇ ’ ਚ ਕਿਸੇ ਵੀ ਦੁਕਾਨ , ਹੋਟਲ , ਰੈਸਟੋਰੈਂਟ , ਹੁੱਕਾ ਬਾਰ , ਪਬਲਿਕ ਸਥਾਨਾਂ ਆਦਿ ’ ਚ ਹੁੱਕਾ ਪੀਣ ’ ਤੇ ਪਾਬੰਦੀ ਲਗਾਈ ਹੈ । ਉਨ੍ਹਾਂ ਕਿਹਾ ਕਿ ਇਹ ਹੁਕਮ ਆਮ ਲੋਕਾਂ ਦੀ ਸਿਹਤ ਨੂੰ ਮੁੱਖ ਰੱਖਦਿਆਂ ਜਾਰੀ ਕੀਤੇ ਗਏ ਹਨ । ਇੱਕ ਹੋਰ ਹੁਕਮ ’ ਚ ਉਨ੍ਹਾਂ ਆਮ ਲੋਕਾਂ ਦੇ ਮਿਲਟਰੀ ਰੰਗ ਦੀ ਵਰਦੀ ਅਤੇ ਵਹੀਕਲਾਂ ਦੀ ਖਰੀਦ - ਵੇਚ ਤੇ ਵਰਤੋਂ ਕਰਨ ’ ਤੇ ਪਾਬੰਦੀ ਦੇ ਹੁਕਮ ਜਾਰੀ ਕੀਤੇ ਹਨ । ਉਨ੍ਹਾਂ ਕਿਹਾ ਕਿ ਕੁਝ ਸ਼ਰਾਰਤੀ ਅਨਸਰਾਂ ਵਲੋਂ ਮਿਲਟਰੀ ਰੰਗ ਦੀਆਂ ਵਰਦੀਆਂ / ਵਹੀਕਲਾਂ ਦਾ ਗ਼ਲਤ ਇਸਤੇਮਾਲ ਕਰ ਕੇ ਅਮਨ ਤੇ ਕਾਨੂੰਨ ’ ਚ ਰੁਕਾਵਟ ਪੈਦਾ ਕਰ ਕੇ ਮਨੁੱਖੀ ਜੀਵਨ ਹੋਂਦ ਨੂੰ ਖ਼ਤਰਾ ਪੈਦਾ ਕੀਤਾ ਜਾਂਦਾ ਹੈ , ਜਿਸ ਕਰ ਕੇ ਉਕਤ ਪਾਬੰਦੀ ਲਗਾਈ ਗਈ ਹੈ । ਦੋਵੇਂ ਹੁਕਮ 30 ਨਵੰਬਰ ਤੱਕ ਲਾਗੂ ਰਹਿਣਗੇ ।
